Nga ballkoni i shtëpisë, Iva Tiço: Kujdes me dëshirat, ndodhi ajo që deshëm

18 Mars 2020, 10:51

Nëpërmjet një video-mesazhi drejtuar të gjithë ndjekësve të emisionit "Rreze Dielli", Iva Tiço e ka marrë shumë seriozisht dhe po ndjek të gjitha rregullat që 'luftojnë' Covid-19. Gazetarja e njohur thotë se prej së hënës së kaluar është izoluar në shtëpi duke kufizuar lëvizjet në qytet. Megjithatë edhe nëse i duhet të lëvizë, ajo nuk harron të dezinfektojë gjithçka pasi të kthehet. Iva thotë se nuk duhet ta marrim si 'sakrificë' qëndrimin në shtëpi, pasi në këto kohë kjo është diçka e domosdoshme. Thjesht, ashtu si Iva gëzojuni edhe ju diellit nga ballkoni i shtëpisë duke shpresuar për ditë më të mira.