Një studim i ri ka zbuluar se kënaqësia në jetë dhe në punë nuk lidhet drejtpërdrejt me pagën apo prestigjet. Në krye të listës së profesionistëve më të kënaqur janë punëtorët e vetëpunësuar, psikologët, profesionistët e shëndetit dhe masazhatorët. Në krahun tjetër postierët, kamerierët, rojet e sigurisë, kasapët dhe instruktorët e makinave rezultojnë të jenë ndër më pak të kënaqurit. Studimi tregon se edhe pse disa profesione nuk kanë prestigj apo të ardhura të larta, ato ofrojnë më shumë qetësi dhe përmbushje personale. Ndër profesionet me kënaqësi të lartë në punë përmenden dentistët, gjinekologët, parukierët, si dhe shkrimtarët, zhvilluesit e softuerëve dhe profesionistët fetarë. Faktorët kryesorë që ndikojnë në lumturi janë mungesa e stresit dhe ndjenja e përmbushjes, jo domosdoshmërisht të ardhurat apo statusi shoqëror. Në lidhje me këtë tematikë flasim në studion e “Rreze Dielli” me psikologen Bona Miekley dhe dy gazetarët Adi Pojana dhe Eljan Tanini - A është paga gjithçka? Çfarë na bën me të vërtetë të lumtur në punë?