Parfumi ka një histori të gjatë dhe të pasur. Që nga lashtësia, ai ka qenë një pjesë e pandashme e kulturave të ndryshme. Për shumë njerëz, parfumi është më shumë se thjesht një aromë e këndshme. Parfumi është një mënyrë për të shprehur personalitetin, për të përforcuar vetëbesimin dhe për të krijuar një prani të paharrueshme. Në studion e “Rreze Dielli” flasim pikërisht për parfumin, çfarë tregon aroma jonë për ne, përse parfumi duhet të jetë pjesë e rutinës tonë të përditshme dhe çfarë përfitimesh mund të na sjellë? Flasim mbi psikologjinë e aromave, si ndikojnë parfumet në humorin dhe sjelljen tonë? A mund të zbulohet karakteri i një personi nga aroma që zgjedh? A preferojnë njerëzit kreativë aroma më ekzotike, më të forta dhe autoritare? Cila është zgjedhja e duhur e parfumeve sipas rasteve, parfume për përditshmëri, takime romantike, biznes, apo evente të veçanta? A ka disa truke që parfumi jonë të mbajë aromën sa më gjatë? Diskutojmë me panelistët e ftuar sipërmarrësin dhe parfumierin Erald Puçe, kuratoren e imazhit Linda Kalemi dhe sipërmarrësen Eda Bano.