Pastiçe tradicionale
Përbërësit:
- 500 gr makarona
- 500 ml qumësht
- 2 kokrra vezë
- 200 gr djathë
- 100 gr gjalpë
- 1 lgj vaj
- Pak miell
- Kripë
Përgatitja:
Ziejmë makaronat në ujë të bollshëm me pak kripë dhe vaj për 5 minuta më pak sa tregon paketimi. Më pas I kullojmë. Tresim gjalpin. Rrahim vezët me pak qumësht. Te gjalpi i tretur shtojmë miellin duke e përzier. E shuajmë me qumësht dhe më pas shtojmë masën e vezëve të rrahura dhe qumështin e mbetur. Djathin e thërrmuar e përziejmë me makaronat dhe përsipër shtojmë masën e qumështit. E vendosim pastiçen në furrë në temperaturën 180 gradë Celsius për 45 minuta.
