Përshesh me gjizë
Përbërësit:
- 250 gr gjizë me kripë
- 1 lugë gjalpë
- 3-4 ls vaj ulliri
- 600 ml ujë
- 1 ls salcë domate /1 lk piper i kuq
- Kripë, piper i zi
- Arrë moskat
- Bukë e ftohtë ose kore
Përgatitja:
Në një tenxhere hedhim gjalpin, shtojmë piperin ose salcën e domates, e kaurdisim pak dhe pastaj hedhim gjizën (preferohet të jetë gjizë e ashpër prej dhalle jo prej djathi). E përziejmë mirë, shtojmë piperin e zi, arrën moskat dhe pastaj shtojmë ujin e ngrohtë. Gjatë përzierjes na formohet një lëng shumë i shijshëm. Kur lëngu ka marrë valë e heqim nga zjarri. Nëse dëshirojmë, mund t'i hedhim pak piper djegës. Ndërkohë përgatisim përsheshin nëpër pjata, ia hedhim lëngun përsipër me garuzhde dhe e lëmë pak sa të zbutet buka. Buka duhet të jetë kore, e ftohtë ose e thatë. Sipër mund t'i hedhim pak vaj ulliri.
