Pilaf me makarona fidhe

Përbërësit:

• 2 gota oriz kokërrgjatë
• 4 lugë gjelle makarona fidhe
• 1 lugë gjelle gjalpë
• 4 lugë gjelle vaj ulliri
• 3¼ gota ujë të nxehtë ose lëng pule
• Kripë, piper i zi

Përgatitja:

Lajmë orizin disa herë derisa uji të dalë i pastër. E lëmë në ujë të vakët me pak kripë për 15–20 minuta, më pas e kullojmë. Në një tenxhere hedhim vajin dhe gjalpin, shtojmë makaronat fidhe dhe i skuqim në zjarr mesatar derisa të marrin ngjyrë kafe të artë. Shtojmë orizin e kulluar dhe e përziejmë për 2–3 minuta. Më pas shtojmë ujin e nxehtë (ose lëngun e pulës) dhe kripën. Kur të vlojë, ulim zjarrin në minimum, vendosim kapakun dhe e gatuajmë për 12–15 minuta derisa të thithet uji. Fikim zjarrin, vendosim një pecetë ose letër kuzhine nën kapak dhe e lëmë 10 minuta të pushojë. Më pas e përziejmë lehtë me pirun dhe e servirim të ngrohtë.

Këshillat e Albanës: Sekreti që orizi del kokërr (jo i ngjitur), mospërzieje gjatë zierjes. Pushimi në fund është shumë i rëndësishëm. Për aromë të këndshme shtojmë disa pika lëng limoni.