Jemi në kohë virozash, një periudhë kur temperaturat e luhatshme dhe përhapja e infeksioneve virale prekin gjithnjë e më shumë njerëz. Çdo ditë dëgjojmë raste me bark, të vjella, temperaturë dhe dobësi të përgjithshme. Organizmi ynë, veçanërisht gjatë stinës së vjeshtës dhe dimrit, bëhet më i ndjeshëm ndaj sulmeve nga viruset dhe bakteret, ndaj forcimi i sistemit imunitar është më i rëndësishëm se kurrë. Por si ta mbrojmë trupin tonë në mënyrë natyrale? Cilat janë kurat që na ofron natyra dhe si mund të përfitojmë nga fuqia shëruese e bimëve mjekësore? Për t’i dhënë përgjigje këtyre pyetjeve dhe për të kuptuar më shumë rreth mënyrave natyrale për të rritur imunitetin dhe për t'u mbrojtur nga virozat e stinës, flasim në "Rreze Dielli" me specialistin e njohur të bimëve mjekësore, Ylli Merja. Ai na sjell këshilla praktike, kura popullore të provuara dhe receta natyrale për të mbajtur trupin të fortë dhe të shëndetshëm në këtë periudhë sfiduese.