Tavë me miell misri, presh dhe djathë

Përbërësit:

• 100 gr bishta preshi
• 1 gotë vaj
• 2 gota kos
• 1 vezë
• 1 gotë qumësht
• 2 gota miell misri
• 500 gr miell gruri
• 1 pako pluhur për pjekje
• 200 gr djathë i bardhë
• Kripë sipas shijes

Përgatitja:

Pastrojmë preshin dhe më pas e grijmë hollë. Në një tigan të thellë ngrohim vajin, shtojmë bishtat e preshit dhe i kaurdisim derisa të ulet vëllimi dhe të zbuten. Rregullojmë shijen me pak kripë. Në një tas rrahim vezën, shtojmë vajin, kosin dhe qumështin. I përziejmë mirë dhe shtojmë pak kripë. Duke i shtuar gradualisht, bashkojmë miellin e misrit, miellin e grurit dhe pluhurin pjekës. I përziejmë derisa masa të jetë homogjene. Në fund shtojmë preshin e kaurdisur dhe djathin e thërrmuar. E hedhim masën në një tavë ku kemi shtruar letër pjekjeje dhe e vendosim në furrë në 180-200 gradë derisa sipërfaqja të marrë ngjyrë të artë (rreth 35–45 minuta).