Një grup protestuesish të maskuar kanë sulmuar kamerën e Report Tv duke pamundësuar përcjelljen e një pamjeje të qartë nga njëri prej këndeve të protestës. 

Operatori i Report Tv vijoi të bëjë punën duke filmuar incidentet në protestë si thyerja e bizneseve dhe zjarret ndaj luleve, ata e sulmuan duke shkelmuar kameran dhe e rrëzuan në tokë.

Pretendimi i tyre është se nuk dëshironin të filmoheshin pasi identifikoheshin, ndonëse gazetarja e Report Tv, Raziela Myslimaj, u tha disa herë që në raste të tilla mjafton të mos qëndrojnë në hapësirën ku kamera filmon. Kamera e lëvizshme e Report Tv tashmë është jashtë përdorimit.