Fitër Bajrami është një ditë faljeje, dashurie dhe afërsie, por mbi të gjitha është një ndjenjë e brendshme, një paqe që lind në zemër dhe reflektohet në çdo veprim. Sot në “Rreze Dielli”, do të flasim per besimin në kohët moderne dhe rrugëtimin personal të secilit drejt Zotit. Mesazhe të rëndësishme vijnë edhe nga figura të njohura: Hoxhë Shpëtim Seranaj e cilëson këtë ditë si kulmin e një muaji sakrifice, duke apeluar që ndryshimi i përjetuar të mos mbetet i përkohshëm. Ndërsa gazetarja Jona Kaso ndan përvojën e saj personale, nga vendimi për të vendosur shaminë deri te udhëtimi i saj në Mekë, një eksperiencë që ajo e përshkruan si thellësisht transformuese dhe thelbësore për çdo besimtar.