Qofte me salcë të kuqe
Përbërësit:
- 300-400 gr mish i grirë
- 2 qepë të thata
- 3–4 thelpinj hudhër
- 2 feta bukë të njomura
- 1 vezë
- ½ tufë majdanoz
- ½ tufë koper
- 1 lgj salcë domate
- 1 lugë uthull
- 1 lugë miell
- Vaj ulliri
- Spec djegës (opsionale)
- Kripë, piper i zi
Për salcën e kuqe:
- 2-3 domate të mëdha
- 1 lugë gjelle salcë domate
- 1 qepë mesatare
- 2-3 thelpinj hudhër
- 1 lugë uthull
- 1 lugë çaji sheqer
- Gjethe dafine
- Kripë, piper
- Vaj ulliri
Përgatitja:
Përziejmë mishin e grirë me qepën, hudhrat, vezën, bukën e njomur, majdanozin, koperin, specin djegës, kripën, piperin, vaj ulliri dhe uthullën. Shtojmë 1 lugë miell për ta lidhur masën. E përziejmë mirë dhe e lëmë të pushojë disa minuta. Formojmë qoftet dhe i skuqim në vaj ose i pjekim në furrë. Ndërkohë përgatitim salcës e kuqe: kaurdisim qepën në vaj derisa të marrë ngjyrë të artë, shtojmë domatet e grira dhe 1 lugë gjelle salcë domate. Rregullojmë shijen me kripë, piper, pak sheqer, hudhra të shtypura, uthull dhe gjethe dafine. E lëmë salcën të marrë valë dhe nëse është shumë e hollë, shtojmë pak miell të tretur në ujë. Vendosim qoftet e skuqura brenda salcës dhe i lëmë të zjejnë bashkë për disa minuta që të marrin shijen ose mund t'i vendosim direkt në furrë me salcë për një variant më të lehtë.
