Briam me patëllxhanë dhe patate

Përbërësit:

• 500 gr patëllxhanë
• 500 gr patate
• 2 qepë të prera në feta
• 1/2 gotë lëng domate
• 1 gotë vaj
• 2 ls majdanoz të grirë
• 1 lugë të vogël sheqer
• Pak galetë të bluar
• Kripë, piper

Përgatitja:

Pastrojmë patëllxhanët dhe patatet dhe i presim në feta rrumbullake të trasha, ndërsa qepët i presim në feta të holla. Në një tavë shtojmë qepët, një shtresë patëllxhanë dhe një shtresë patate. U hedhim kripë, piper, majdanoz të grirë hollë dhe shtrojmë përsëri një shtresë qepë, patëllxhanë, patate. Në lëngun e domates shtojmë një gotë ujë trazojmë kripën, piperin, galetën, sheqerin, vajin dhe pak majdanoz. Këtë përzierje e hedhim në tavë. E pjekim në furrë për afërsisht një orë.