Në rubrikën "Parashikimi i yjeve", astrologu Jorgo Pulla bëri parashikimin vjetor të detajuar për 12-të shenjat zodiakale për vitin 2025 duke u ndalur tek specifikat e secilës shenjë në fushën e karrierës, ekonomisë dhe dashurisë. Gjithashtu me astrologun Jorgo Pulla tregojmë muajt më me fat dhe datat më të mira në çdo muaj të vitit 2025 që rekomandohen për të fiksuar datën e martesës. Pulla tregon në këndvështrimin astrologjik sa i rëndësishëm është ndikimi i duhur planetar, ku Afërdita planeti i dashurisë, Hëna dhe Dielli japin ndikimet më favorite.
Këngëtarë të muzikës popullore dhe artistë nga Ansambli i Këngëve dhe Valleve ishin në studion e “Rreze Dielli” për të na dhuruar një program të larmishëm festiv, me ritëm dhe këngë tradicionale nga të gjitha trevat e Shqipërisë. Shijojmë repertore me këngë të bukura tradicionale që padyshim janë pjesë e gëzimeve tona familjare, por gjithashtu një pasuri, një pasaportë e folklorit tonë. Këngëtarja e mirënjohur Irini Qirjako, këngëtarët me zërin brilant Aranit Hoxha dhe Lekë Pecnikaj si dhe këngëtarja e re Elsa Mrruku, shoqëruar nga virtuozët e instrumentit popullor sollën një atmosferë fantastike në studio.
Personazhe të njohur të ekranit dhe skenës shqiptare nëpërmjet videomesazheve japin Urimin e tyre për vitin 2025!
