Hallvë me miell misri
Përbërësit:
- 1 gotë vaj ulliri
- 2 gota miell misri të trashë
- 3 gota sheqer
- 4 gota ujë
- 2 shkopinj kanelle
- 2 portokalle
- Arra të grira
Përgatitja:
Në një tenxhere vendosim vajin dhe sapo të nxehet shtojmë miellin duke e kaurdisur. E largojmë nga nxehtësia dhe shtojmë arrat. Në vatrën tjetër të sobës kemi bërë sherbetin me sheqer, ujë, shkop kanelle dhe lëkurë portokalli (sipas dëshirës mund të shtojmë dhe barbaroz). E shtojmë sherbetin e nxehtë tek mielli dhe vijojmë me trazimin derisa hallva të bëhet gati. E lëmë të ftohet dhe më pas e shërbejmë.
