Speca të mbushura

Përbërësit:

• 5 speca të mëdhenj
• 400 gr mish i grirë
• 150 gr oriz
• 1 qepë e madhe
• 2-3 lugë gjelle salcë domatesh
• 3-4 lugë vaj ulliri
• Kripë, piper i zi, piper i kuq i ëmbël
• Majdanoz i freskët ose nenexhik

Përgatitja:

Lajmë specat dhe presim pjesët fundore si kapak. Heqim farat dhe fijet e brendshme, dhe ruajmë kapakët për t’i vendosur më pas. Në një tigan me vaj kaurdisim qepën derisa të zbutet. Shtojmë mishin e grirë dhe e skuqim derisa të ndryshojë ngjyrë. Më pas shtojmë orizin dhe e përziejmë për pak minuta. Hidhim salcën e domates, erëzat, pak ujë dhe majdanozin ose nenexhikun. E lëmë të ziejë për 5-7 minuta dhe me këtë masë mbushim specat. I radhitim në një tavë të thellë, vendosim kapakët dhe hedhim pak salcë domatesh të tretur me ujë përreth. Mbulojmë tavën me letër alumini dhe e pjekim në furrë të parangrohur në 180°C për 45–50 minuta.