Hudhra është përdorur prej shekujsh kundër shumë sëmundjeve. Ajo shërben si një antioksidant dhe një shtysë e rëndësishme për sistemin imunitar. Siç e dimë, hudhra prodhon një lëndë kimike të quajtur alicinë, e cila çlirohet në momentin që hudhra pritet ose grihet. Alicina është ajo që mban të gjithë peshën e fuqisë së madhe. Por kur hudhra bashkohet me uthullën formojnë një ilaç të jashtëzakonshëm për shëndetin. Ekspertët e mjekësisë popullore aziatike e kanë përdorur uthullën e hudhrës prej shekujsh për kura mjekësore. Ajo është shumë e shëndetshme për organizmin e njeriut edhe pse mund të ketë një aromë të pakëndshme dhe të fortë. E njohur si antibiotik, vrasës i baktereve dhe ndihmuesi më i mirë natyral për qarkullimin e gjakut, uthulla e mollës është vërtetë kurative për shumë problematika shëndetësore, të cilat i diskutojmë në studion e 'Rreze Dielli' me specialistin e bimëve mjekësore Ylli Merja, i cili ndër të tjera na tregon sesi t'a përgatisim vetë në shtëpi uthullën e hudhrës.
