Zogj të vegjël pule me ullinj /Recetë e Qeparosë
Përbërësit:
- 4 zogj mesatar
- 1 gotë verë
- 1-2 lgj miell
- 3-4 lgj gjalpë
- 4-5 domate të pjekura mirë
- 1 tufë majdanoz të grirë
- 1 fç lëng mishi
- 1 fç ullinj
- Gjethe dafine
- Kripë e piper
- Sallatë radhiqe
Përgatitja:
Zogjtë e vegjël i presim në racione, i kalojmë në pak miell dhe i skuqim me gjalpë duke i shuar me verë. Më vete skuqim pak miell, të cilin e shuajmë me lëng mishi dhe e hedhim tek zogjtë. Shtojmë majdanoz, kripë, piper, dafinë, domate dhe i lëmë të përfundojë zierja. Ndërkohë heqim bërthamat e ullinjve, i ziejmë 15 minuta në ujë të vluar që t'u hiqet kripa dhe pasi i kullojmë i bashkojmë me mishin. I lëmë të ziejnë edhe 5 minuta dhe gatimi është gati. I shërbejmë të nxehta duke i shoqëruar me sallatë radhiqe.
