• VIDEO

    Marrëveshja e Portit të Durrësit, Berisha: Mega aferë korruptive, në interes të Beogradit! Atdheu i Ramës është Serbia

    Ish-kryeministri Sali Berisha ka komentuar në Kuvend marrëveshjen e Portit të Durrësit, e cila solli mjaft debate mes qeverisë dhe opozitës. Berisha tha se Porti i Durrësit është një mega aferë korruptive në shërbim të interesave strategjike të Serbisë.

     
  • VIDEO

    Rama sulmon Prokurorinë e Tiranës: Na ka ngecur sharra në gozhdë, prej vitesh ka funksionuar si sportel për të rritur pazarin

    Teksa fliste për buxhetin në Kuvend, Rama sulmoi sërish Prokurorinë e Tiranës duke thënë se ka funksionuar si sportel për të rritur pazarin dhe për të mbyllur kallëzimet që Drejtoria e Tatimeve i ka depozituar.

    “Çfarë i keni ju problem këta që janë këtu, por ama këta duhet të mos përdorin biznesin e vogël për të shitur dhe shpërndarë pa fatura dhe të mos bëjnë evazion, sepse aty ku do të kapen, do të goditen, pavarësisht se duhet ta themi dhe këtë, na ka ngecur sharra në gozhdë në Prokurorinë e famshme të Tiranës, e cila prej shumë vitesh ka funksionuar si sportel për të rritur pazarin, duke mbyllur çështjet që drejtoritë tona të të ardhurave t’i çojnë për ndjekje penale dhe duke marrë para nga ata, të cilët duhet të ndiqen penalisht dhe duke çuar pastaj letrat tek bedelat e PDLL-së për të bërë gjithë ato zullume me letrat të marra nga prokuroria, letra të cilat në prokurori i kanë çuar drejtoritë tona të të ardhurave, si puna e atyre rasteve të famshme të tvsh-ve fiktive me të vdekur e me të paralizuar  që ishin të gjitha raste të denoncuara nga Drejtoria jonë e Tatimeve për të ndjekur penalisht ata të cilët i kishin bërë, dhe ata jo vetëm nuk u ndoqën penalisht, por letrat iu dhanë ‘’Partisë së Lekut’’ dhe “Partia e Lekut” fillojë të bëjë gjithë atë që bëri, duke i hedhur sa më shumë hi e sa më shumë baltë syve shqiptarëve”, tha Rama.

  • VIDEO

    Alibeaj-Nikollës: T'i tërhiqet vëmendja Ramës për fjalët jo etike të përdorura! Kryeministri: Je kryebedel që drejtohesh nga Berisha

    Pas fjalës së kryeministrit Edi Rama, kreu i grupit parlamentar të PD, Enkelejd Alibeaj kërkoi që Kuvendi t’i tërheqë vëmendje për gjuhën e përdorur. Ndërsa kryeministri Edi Rama iu kundërpërgjigj duke thënë se nuk ka asgjë më të rëndë se të etiketosh të tjerët si hajdutë.

  • VIDEO

    Rama tha se fitoi gjyqin ndaj një shpifëse të Foltores! Përplasja në gjykatë me Albana Vokshin për akuzat për ‘Check up’! Deputetja u shpall fajtore

    Kryeministri Edi Rama njoftoi paraditen e sotme nga foltorja së Kuvendit se ka fituar një gjyq për shpifje me një opozitare të Foltores, sa i përket kontrollit bazë mjekësor, ‘Check Up’. Kreu i qeverisë zgjodhi të mos përmendë emrin e saj duke iu drejtuar të gjithë opozitarëve me termin “bedela”.

  • VIDEO

    Rama: Nuk ka shtim të gjobave për biznesin e vogël, pa taksa deri në 2029! Vetëm me këtë premtim rrimë në pushtet

    Në fjalën e tij në Kuvend, Kryeministri Rama, i ndalur tek biznesi i vogël, tha se nuk i është shtuar asnjë taksë, ndërsa drejtuar opozitës tha se nuk do të ketë asnjë shteg deri në 2029.

    “Në fund dua të shtoj, se kemi një Paketë Fiskale me pak ndryshime, ku nuk është ndryshimi që ju të pafetë, pafytyrë, ua thatë atyre që merren me biznes të vogël. Ju i thatë që 10-fishohen gjobat për biznesin e vogël, që nuk është e vërtetë. Nuk i shtohet asnjë lloj barre, është aleati më i madh i kësaj qeveria, me zero taksa dhe me zero tatim fitim. Kështu do të jenë deri në vitin 2029. Ne jemi këtu në këtë vend për të vazhduar të mbështesim biznesin e vogël, jo vetëm duke mos i prekur taksat, por duke vazhduar t’i paguajmë pjesë më të madhe të energjisë elektrike. Ne kemi vendosur rritjen e penaliteteve për biznesin e madh. Ne jemi në anën e njerëzve të zakonshëm dhe jemi në anën e biznesit të vogël. E kemi rritur taksën e biznesit të madh, vazhdojmë të konfiskojmë metrat katrorë të babëzisë”, u shpreh kryeministri.  

  • VIDEO

    Debat në Kuvend për Portin e Durrësit/ Alibeaj: Kushton 2 mld e 100 mln euro, hiqni dorë nga miratimi me procedurë të përshpejtuar! Balla: Mos i shkoni mbrapa Berishës

    Seanca plenare nisi me debate për Portin e Durrësit. Opozita kundërshtoi që të futej me procedurë të përshpejtuar projektligji për portin e Durrësit. Në fjalën e tij, Enkelejd Alibeaj u shpreh se kushton 2 miliard e 100 milionë euro dhe kërkoi të mos miratohej me shpejtësi në parlament pa u bërë transparencë për nenent. Ndërsa kreu i grupit parlamentar të PS, Taulant Balla u shpreh se PD duhet të vendosë që të mos i shkojë mbrapa Sali Berishës.

     
  • VIDEO

    Rama për buxhetin: Mbrojtje të pensionistëve, familjeve të reja, grupeve në nevojë dhe punësimit të të rinjve

    Në fjalën e tij në Kuvend, Kryeministri Rama ceku disa zëra të buxhetit, të fokusuar vetëm në mbrojtjen sociale.

    “Në raport me 2013 fondi për pensionet nga 76.9 miliard në 2023 shkon thuajse dyfish, në 141.4 miliard. Të rinjtë që kanë një familje të re ne do t’u japim mundësi për kredi të garantuar në shteti.  Sa i përket shëndetësisë mund t’ju bej me dije se dje kam fituar një tjetër gjyq me shpifësit tuaj. Në këtë rast me një shpifëse të foltores, e cila është dënuar si shpifëse. Nuk po ia them emrin. Kontrolli bazë do të vazhdojë. Do të vazhdojnë programet për diagnostifikimin e hershëm. Patjetër edhe trajtimin e sëmundjeve kronike me rimbursim të barnave. Tek arsimi do të ndalem vetëm te mburoja sociale. Kemi vendosur që të fillojmë një program kuotash ushqimore dhe financiare për nxënësit me nevojat e veçanta. Po ashtu kemi një fond shtesë për të garantuar transportin e mësuesve. Fillon edhe skema e garancisë rinore, për të siguruar që ccdo i ri apo e re të ketë në dispozicion një mundësi trajnimi, punësimi apo kualifikimi 4 muaj pas identifikimit.  Sa i përket bujqësisë, dua të them se fiton volumin më të madh të financimit ndonjëherë”, tha Rama.

  • VIDEO

    Buxheti/ Rama: Borxhi publik është 68.8%, parashikojmë të ulet! Rritja ekonomike 3.7 herë më shumë në raport me borxhin

    Kryeministri Rama tha se borxhi publik aktualisht është 68.8% e Prodhimit Kombëtar Bruto ndërkohë që parashikohet të ulet në 67.5. Rama tha se e rëndësishme është që rritja ekonomike e kalon borxhin.

    "Borxhi nuk është në ato shifrat që përrallisni ju, është 68.8 sot dhe parashikohet të shkojë në 67.5. Rritja ekonomike këto vitet e fundit ka qenë më e lartë se huamarrja. Pra, e rëndësishme nuk është sa borxh merr por sa prodhon për ta kaluar atë borxh. Rritja është mesatarisht 3.7 herë e zgjerimit të ekonomisë në raport me borxhin.  Ky buxheti është dyfishi i vitit 2013", tha Rama. 

  • VIDEO

    Rama-opozitës: Jeni bisht i ‘non gratës’! Nuk e keni më në krye por e mbani brenda në kokë

    Teksa fliste për buxhetin 2023, Rama iu drejtua opozitës duke i thënë se janë bisht i Sali Berishës të shpallur ‘non grata’ nga SHBA dhe Britania e Madhe.

    “Ky është një vendim i sanksionuar dhe në buxhetin 2023 dhe do e mbrojmë me cdo gjë cmimin e energjisë elektrike për familjet e bizneset. Juve që bëni shërbimin tuaj ndaj të keqes, ndaj pafytyrësisë, ndaj mungesës së cdo feje e atdheu dhe patjetër do vijoni t’i thoni shqiptarëve të gjitha të zezat se në këtë rrugë keni hyrë që të vegjël. Sot nuk jeni asgjë tjetër vecse një zgjatim, një bisht i asaj krijesës non grata që edhe pse se keni më në krye, e keni brenda në kokë. Në këtë buxhet që sjellim këtu janë 50 miliardë për të mbrojtur njerëzit nga goditjet e kësaj lufte dhe për të mbrojtur të gjithë nga goditja marramendëse e inflacionit”, tha Rama.

  • VIDEO

    Sot Kuvend, diskutohet paketa fiskale dhe buxheti 2023

    Ditën e sotme do të mblidhet Kuvendi i Shqipërisë ku do të diskutohet paketa fiskale dhe buxheti 2023. Diskutimet do të nisin me projektligjin “Për akcizat në Republikën e Shqipërisë”.

  • VIDEO

    A po e pushtojnë shqiptarët, Britaninë?

    A po e pushtojnë shqiptarët Britaninë? Kjo është pyetja që po shkakton debate të shumta ditëve të fundit. Në studion e emisionit ‘Repolitix’, Bledi Mane shprehet se qeveria duhet të tentojë liberalizimin e vizave, ndërsa Lavdrim Krashi u shpreh se Britania nuk hap rrugë.

  • VIDEO

    Largimi drejt Britanisë, deputeti Krashi: Anglia s'hap rrugë për viza, pjesa më e madhe e emigrantëve janë integruar e na bëjnë krenar

    Deputeti i Partisë Socialiste, Lavdrim Krashi në emisionin ‘Repolitix’ u shpreh se shqiptarët mund të kërkojnë një punë në mënyrë më dinjitoze në Britaninë e Madhe. Megjithatë problem tha Krashi është edhe fakti se Britania nuk hap rrugë për të bërë viza.

     

Për lajme të tjera kërkoni në arkiv