• VIDEO

    Ndërtimet pa leje, Meta: Rama ka hall të gjejë gjuhën me oligarkët se po vijnë zgjedhjet! Opozita do fitojë bindshëm

    Me tone të ashpra ka folur Kreu i Partisë së Lirisë, Ilir Meta nga kundrejt kryeministrit Edi Rama. Nga një takim me strukturat e partisë në Kuçovë, Meta e cilësoi kreun e qeverisë si një kloun të papërgjegjshëm që po u pi gjakun shqiptarëve. Meta akuzoi Ramën për gjendjen në të cilën ndodhet vendi, duke thënë se ne kemi taksat më të larta të karburantit në rajon, pedagogët kanë pagat më të ulëta krahasuar me Malin e Zi.

    • VIDEO

      Rama: Dalin në televizor duke hedhur mollët në rrugë sikur qeveria i ka braktisur! E vërteta është tjetër, synojmë 500 mld euro eksporte frutash

      Kryeministri Edi Rama i është përgjigjur të gjithë kritikëve se qeveria nuk po mbështet fermerët. Në fjalën e tij nga Fieri u shpreh se bëjnë shfaqje nëpër rrugë, por në fakt e vërteta është ndryshe sepse produktet eksportohen.

      “Sot është kulmi i kontrastit me fshatin që del në tv, me skenat e hedhjes së mollëve apo të qepëve në rrugë për të bërë shfaqjen e një dëshpërimi në emër të një braktisjeje ë qeverisë që nuk ekziston. Ka një të vërtetë tjetër, që ato produkte që dalin në tv duke u hedhur dhe nuk dalin ato tjerat që eksportohen janë shëmbëlltyrë e të ndenjurit pas. Të gjithë fermerët e kanë kuptuar dhe sot synojmë 500 mln euro eksporte. Pra po synojmë të arrijmë këtë gjysmë mld eksporte frutash, perimesh. Eksporte të një Shqipërie ndryshe nga çfarë tregojnë pasqyrat e deformuara të tv që fshihen pronarë që shantazhojnë. Kemi një Shqipëri që punon dyfishin e tokës sepse ne i vendosim në dispozicion ujin”, tha Rama.

    • VIDEO

      Rama-fermerëve: Nuk mund të lihet toka djerrë, këtë s’e pranojmë! Deputetët dhe Ministria e Financave do vënë normë ligjore për ata që s’e punojnë

      Nga takimi me fermerët në Fier, kryeministri Edi Rama ka bërë me dije se ka angazhuar deputetët që të punojnë me Ministrinë e Financave për të vënë normë ligjore për ata që s’punojnë tokën, por e lënë djerrë.

    • VIDEO

      Rama thumbon sërish Kovaçin: Të jetë krenar sa të dojë që ka qenë në SHIK, por s'kemi çfarë i bëjmë turmës që del nga Foltorja për protestë

      Kryeministri Edi Rama nuk ka lënë pa komentuar protestën e pedagogëve gjatë takimit me fermerët. Rama u shpreh se pagat janë rritur ndërsa thumbon sërish Sandër Kovacin duke thënë se është krenar që ka qenë në SHIK, por shtoi se nuk kanë cfarë ti bëjnë turmës së ‘foltores’. Kështu i referohet sërish sikur pedagogët janë nxitur nga Sali Berisha për të dalë në protestë.

       
    • VIDEO

      Lefter Maliqi: Rama na ka vjedhur militantët e LSI! Do mbushen e do buçasin sheshet e do i rrëmbejmë pushtetin

      Ish-deputeti Lefter Maliqi, tha se në kohën kur Ilir Meta u votua për President, Rama ka dhënë urdhër që simpatizantët e LSI të joshen dhe të mbahen në punë në administratë.

      Ndërkohë Maliqi iu drejtua Metës se nuk i shkonte “kostumi i Presidentit”, por ai duhet të ishte kryeministër.

      “Zoti Meta. Ju nuk jeni lider i sallave të mbyllura, jeni lider i shesheve. Nëse në takimin e dytë nuk do mbushen sheshet ju them me bindje që mbaj përgjegjësi. Do mbushen e do buçasin sheshet e do ia rrëmbejme pushtetin lokal që e kanë të paaftët, abuzuesit që tallen me taksat e qytetarëve të Kuçovës.

      Ky Rama i intrigave, djallëzisë, ca ka bërë me LSI, se ju ikët president, por nuk ju takonte ai kostum presidenti. Ju duhet të ishit kryeministër në vend të tij. Ky i pabesë i dha urdhër administratës që njerëzit e LSI të joshen shantazhohen e mbahen në punë. Kemi bërë verifikim paraprak nga 1300 anëtarë 774 janë në administratën e shtetit në bashki, në hipotekë, në arsim në shëndetësi e na thonë jemi me ju edhe brenda bashkisë por në momentin e punësimit nuk angazhohemi dot. Ne anëtarësuam 311 të rinj e në takimin tjetër do mbushen sheshet”, tha ai.

    • VIDEO

      Meta-Ramës: Kloun i papërgjegjshëm! Po i pi gjakun shqiptarëve do të të përzëmë njëherë e përgjithmonë

      Kreu i Partisë së Lirisë ka hedhur akuza ndaj kryeministrit Edi Rama se e ka lënë vendin në gjendje të mjerueshme. Meta e cilësoi kreun e qeverisë si një kloun të papërgjegjshëm që po u pi gjakun shqiptarëve.

      “Kujt do t’ia hedhin, se ky gjithmonë shpik fatkeqësi. Do na bie bombë bërthamore, po ne bomba na ka rënë për aq kohë sa të kemi ty të papërgjegjshëm. Çfarë fatkeqësie më të madhe do ta zërë këtë vend, me një njeri që thotë edhe studentët do ti sjellim nga Bangladeshi, po pse, sepse të vazhdosh ti pish gjakun popullit të Shqipërisë. Je peng i vasalëve të qarqeve më antishqiptare. Ke vënë në diskutim shtetin e Kosovës, integritetin e Shqipërisë. E lavdërove vendimin e gjykatës për detin.

      Është në panik të madh. Sondazhet i dalin mirë se i bën vetë. Ky të gjej Shqipëria një kloun me të papërgjegjshëm si ty, Italia i mbajti katër vjet dhe i përzuri, në 10 vjet dhe do ti përzëmë njëherë e përgjithmonë. Partia e Lirisë është e vendosur për të zbatuar referendumin që populli e ka në kushtetutë, në mënyrë që të mos dalë më sistemi demokratik jashtë loje dhe bashkë me të të gjithë populli dhe të kapet shteti nga një bandë siç është kapur sot nga sekti i rilindjes. Mbi 66% e shqiptarëve jetojnë në kufirin e varfërisë, deri në 5 dollarë në ditë. Mësuesit më të keq paguarit sipas statistikave të BE. 4 mijë e 100 euro paga në vit e një mësuesi në Shqipëri, matanë Bunës, nga Ulqini merr 9 mijë e 200 euro, taksat më të larta sesa andej. 7 koncesione të reja janë planifikuar me vlerë 1 mld dollarë, rrugë 6 herë më shtrenjtë 1 km rrugë sesa në Serbi”, tha Meta.

    • VIDEO

      Meta: Rilindja u tregua finoke dhe kapi Lulushin! Rama dhe Basha edhe sot janë bashkë! Bastardët do japin llogari për shkeljen e Kushtetutës

      Ilir Meta ka hedhur sërish akuza ndaj ish-kryedemokratit Luzlim Basha se ka bashkëpunuar me kryeministrin Edi Rama për të djegur mandatet në vitin 2019. Meta tha se Basha është marr peng nga Rama, për çështjen e rublave ruse, të cilën sipas tij Rama ia mbylli në prokurori dosjen. Kreu i Partisë së Lirisë tha se Basha dhe Rama po bashkëpunojnë sërish sëbashku.

      "U tregua finoke Rilindja duke kapur Lulushin, mirëpo 5 vjet 9 vjet, nuk vazhdon dot kjo pafund, kjo histori teatër. Situata është më dramatike për Rilindjen se nuk shikon dritë në fund të tunelit. Poshtëruesin Lulishi, se ishte ai që në mënyrë të koordinuar, se kishte kapur peng ai dhe i mbylli çështjen, e kishte planifikuar prej kohësh djegien e mandateve dhe mos hyrjen në zgjedhjet vendore. Lulushi nuk pranoi as të regjistrohet në KQZ. Pse? Ishte interesi i PD që të mos regjistrohej. Respekto dekretin e presidentit që e kërkove vetë. Nuk ka biznesmen më të talentuar se Luli. Se ka ardhur në Shqipëri me zero investim dhe sot falë mashtrimeve të tij është kudo në çdo aferë bashkë me Edi Ramën. Edhe sot që po flasim janë bashkë kundër pluralizmit politik, janë bashkë për të shkatërruar opozitën,. Se kanë ardhur nga jashtë në Shqipëri, që ët dy, kanë ardhur me porosi dhe sillen si ata kolonizatorët që shkon në vende të tjera i shfrytëzon, të merrnin ca të merrnin. Por llogaritë i kanë bërë gabim, pluralizmi nuk është ekzekutuar, por të triumfojë shumë shpejt, llogaridhënia do të jetë për të gjithë këtë bastardë që kanë dhunuar kushtetutën e Shqipërisë”, tha Meta.

    • VIDEO

      Protesta e pedagogëve, Rama: U janë rritur pagat më shumë se të tjerët!

      ELBASAN- Nga qyteti i Elbasanit ku zhvilloi bashkëbisedime me qytetarët, kryeministri Edi Rama u ndal sërish te protesta e pedagogëve, ku tha se rroga e tyre është rritur më shumë se e të tjerëve. Kreu i qeverisë tha se pagat e ministrave dhe deputetëve nuk janë rritur prej 9 vitesh që kur PS ka ardhur në pushtet dhe as ajo e kryeministrit.

    • VIDEO

      Sula në Report Tv: ‘2 PD’ po bashkëpunojnë për ‘vendoret’, pastaj bashkimi është një çështje tjetër! Pazar për hapjen e dosjeve? S’kam frikë nga asgjë

      TIRANË- Dalja me një kandidat të përbashkët në zgjedhjet vendore të 2023, nuk do të thotë domosdoshmërisht bashkim i demokratëve, 2 palëve të Partisë Demokratike. Për këtë, vetë deputetët janë të qartë dhe e ka artikuluar qartë nga Dashnor Sula. Në Report Tv, i ftuar në emisionin ‘Studio Live’ me gazetarin Arbër Hitaj, Sula tha se pas daljes me një kandidat të përbashkët, bashkimi do të vijë më pas në mënyrë të natyshme, siç ai e ka cilësuar.

    • VIDEO

      Berisha akuza qeverisë: Patronazhistët, terroristë të kuq! Rama ka nisur që tani manipulimin e zgjedhjeve

      Sali Berisha ka akuzuar kryeministrin Edi Rama se ka nisur manipulimin e zgjedhjeve vendore të vitin 2023. Sipas Berishës, Rama mendon se ato do të bojkotojnë zgjedhjet, por ato do të përballen me të.

      ‘Nuk bën dot regjistrimin, sepse e di që mund të dalin 2 milion shqiptar. Nga një njeri i cili, vritet tjetri në mesnatë, i merret shpirti në mesnatë nga patrulla të droguara policie dhe ta shikoni se çfarë shkruan ai për hienat dhe stërhienat. Një mendje e sëmurë mund të shkruajë gjëra të tilla. Nga një njeri i cili pasi ka rrëmbyer me ushtrinë e patronazhistëve, terroristë të kuq, nuk them se çdo patronazhist është i tillë, por një pjesë e mirë janë sjellë si terroristë te kuq në zgjedhje sepse kanë kërcënuar njerëzit tanë. U kanë thënë se nëse ti voton këtë, do të kesh pasoja. Ky njeri që ka ardhur në pushtet me këtë mënyrë, ushtron terror mbi ne.

      Ky njeri ka nisur manipulimin e zgjedhjeve dhe mendon se ne do ti bojkotojmë. Ne nuk bojkotojmë zgjedhje ne do të përballemi me të. Ne kemi të shenjtë votën dhe do të bëjmë gjithçka që shqiptarët të votojnë të lirë. Nis e mbush sallat me fëmijë shkollash në fushatë. Se është partia shtet. Partia shtet nuk njeh asnjë kufi. Ne nuk i përkasim Shqipërisë, nuk ka ligj për ne, nuk ekziston në kushtetutë. Prandaj ne kapemi fort tek vota.’- u shpreh Berisha.

    • VIDEO

      Berisha mbledh kryetarët e degëve në rrethe: Pallatet pa leje po shtohen, Rama i vendos shiritin Shehajt vetëm se është deputet i PD

      Ish-kryeministri Sali Berisha ka zhvilluar sot një takim me kryetarët e degëve të Rithemelimit, në rrethe në selinë e PD-së. Në fjalën e tij, Berisha hodhi akuza kundrejt qeverisë dhe kryeministri Edi Rama, ndërsa u ndal edhe te denoncimi i deputeti Agron Shehaj, se kreu i qeverisë i ka dërguar policinë në biznesin e tij dhe ka terrorizuar punonjësit.

    • VIDEO

      Hapen dosjet e ish-sigurimit të shtetit! Në sitë ish-spiunët politikanë

    Për lajme të tjera kërkoni në arkiv