• VIDEO

    Marrëveshja me Britaninë dhe Emiratet e Bashkuara, Çuçi: Në 6 muaj goditëm 4 grupe kriminale, 30 të arrestuar! Synojmë të dekurajojmë skllavërinë moderne

    Në foltorene  Kuvendit po diskutohet për dy marrëveshjet ndërmjet Ministrisë së Brendshme me Britaninë e Madhe në kuadër të emigrimit të paligjshëm dhe shkëmbimit të informacionit ndërmjet dy vendeve si dhe me Emiratet e Bashkuara Arabe. Ministri i Brendshëm në fjalën e tij në Kuvend u tha se në kuadër të marrëveshjeve me ndërkombëtarët, policia shqiptare ka goditur 4 grupe kriminale, në 6 muajt e parë të vitit 2022, ndërsa tha se 30 persona janë arrestuar.

     
  • VIDEO

    Xhaçka: Të gjitha fondet e kontraktuara nga BE janë diskutuar në Kuvend, është bërë transparencë e plotë

    Në foltoren e Kuvendit ku po flitet për marrëveshjen e Shqipërisë me KE-në për asistencën financiare të BE nëpërmjet IPAS-s, ministrja e Jashtme Olta Xhaçka tha se kjo, të gjitha fondet e kontraktuara dhe më pas disbursuara janë diskutuar në Kuvend në mënyrë të hollësishme.

     
  • VIDEO

    Vokshi-ministres: Pse nuk keni siguruar ilaçet për fëmijët me leucemi e tumor, po abuzoni! Manastirliu: Në 8 vite nuk bëtë asgjë për shëndetësinë

    Një debat është zhvilluar në Kuvend mes deputetes demokrate Albana Vokshi dhe ministres së Shëndetësisë, Ogerta Manastirliut. Nga foltorja e Kuvendit, Vokshi akuzoi ministren se nuk i është përgjigjur për disa pyetje që ajo i ka dërguar ministrisë, ku ndër to veçoi mungesën e ilaçeve për fëmijët me leucemi dhe tumor. Vokshi akuzoi qeverinë për korrupsion.

     
  • VIDEO

    Meta-Kryemadhi kallëzohen në SPAK, qindra mijëra € për dobësim dhe ndërhyrje në fytyrë në klinikën VIP! Monika transaksion 287 mijë € për botox

    Monika Kryemadhi shpenzoi 287 mijë euro në klinikën Domus Medica në San Marino, Ilir Meta u trajtua në Departamentin e Obezitetit në Spitalin e Vienës, nuk deklaruan në ILDKP paratë e shpenzuara. Priten edhe 40 kallëzime të tjera 

    • VIDEO

      Luçiano Boçi: Shteti është shndërruar në armik të qytetarit, duke e varfëruar çdo ditë

      Gjatë fjalës së tij në Kuvend, deputeti i Rithemelimit Luçiano Boçi akuzoi qeverinë se po abuzon në çdo fushë që operon, duke vjedhur fondet për shtresat më në nevojë për t’i shpërndarë mes qeveritarëve e për të avantazhuar oligarkët.

      “Për këtë shtet hidhen miliona euro nga Bashkimi Europian. Vrasja në Shqipëri është bërë si mall klubi, të qeras me vrit iksin, të vras filanin. Po banorët e 5 majit që i ngritët me shtëpi e katandi e i latë në mes të 4 rrugëve? Apo shembjen e teatrit, apo lënien e Butrintit në duart e një shqiptarofobi? Ku është demokracia në Shqipëri? Nuk keni lënë institucion pa kapur. Bëni gjueti shtrigash ndaj opozitës. Po të rinjtë që nuk kanë mundësi të arsimohen? Milionat e qeverisjes së mirë kanë ikur në ç’drejtim? Shteti është shndërruar në armik të qytetarit dhe sillet me të duke e varfëruar çdo ditë e duke e goditur me çmime të larta. Janë hedhur miliona për konkurrencën po ku ka biznes të ndershëm në Shqipëri? Ju keni vendosur epokën e kapitalizmit të centralizuar. Biznesi shqiptar sundohet nga oligarkët. Porte, aeroporte, rrugë, po të njëjtat firma dhe njerëz. Ku i keni çuar milionat? Do flisni për zhvillim social që janë vënë miliona të IPA-s? Ku janë grupet vulnerabël që vuajnë fatin pasi shteti i ka lënë në harresë edhe pse ka marrë miliona nga qytetarët dhe fondet e europianëve. Po bashkëpunimi ndërkufitar? Shqipëria është shndërruar në han pa porta ku hyn derri dhe dosa, kokaina hedh valle në Shqipëri. Po gjelbërimi? Spektakli i prerjes së pyjeve? Ka gjelbërim, është vendi i 7-të në mbjelljen e hashashit. Grykësia juaj për t’i rrëmbyer këto fonde, një ditë do të marrë dënimin e merituar”, tha Boçi.

    • VIDEO

      Taulant Balla për 500 mijë $ e PD-së nga Moska: Janë financuar mediat ruse për të transmetuar live protestat e PD-së në 2018-tën

      Kreu i grupit Parlamentar i PS-së, Taulant Balla, gjatë fjalës në parlament solli çështjen e PD-së që ka marrë 500 mijë dollarë nga Rusia në 2017, referuar artikullit të Zërit të Amerikës.

      Balla tha se Partia Demokratike nuk ka marrë vetëm 500 mijë dollarët, por janë financuar edhe mediat ruse për të transmetuar live protestat e opozitës në vitin 2018 dhe 2019.

      “Ik plaku Mere, me gjithë tespihe. Kur dëgjon Saliun të flasë për korrupsionin është si të dëgjosh djallin të flasë për mëkatin.  Kur unë e kam ngritur çështjen e financimit Rus në këtë sallë, nuk e besonit. Shpresoj që gjykata e lartë ta zhbëjë vendimin e padrejtë të gjykatës. Senky gjyqtari ka anulluar edhe çështjet e pista të Saliut. Ju të rithemelimit kur ishit me Lulin thoshit nuk është e vërtetë. Kur ishit me Lulin, thoshit për lobimin që nuk është e vërtetë, tani që nuk jeni me Lulin thoni është e vërtetë. Lijani drejtësisë. Unë kam besim te drejtësia e re që po lind në rrënojat e drejtësisë së vjetër. Është koha që ne të ndërmarrim të gjitha nismat ligjore përfshirë punën te grupi i posaçëm i komisionit.  Non grata i Bosnjës dhe non grata i Shqipërisë janë problem për të gjithë Ballkanin Perëndimor. Sado pretendoni të bëni parti me një non-grata, do vijë një kohë që do të hani njëri-tjetrin. Ne i besojmë drejtësisë. Detyrat që ka Kuvendi në këto sfida, se financimi është vetëm një çështje. Jo vetëm rasti i 500 mijë euroshit të PD-së, por sa mijëra euro të tjera do të jenë dhënë te financimi i mediave të caktuara. Në 2018, 2019, protestat e opozitës të bashkëdrejtuara nga Berisha dhe Basha, jepeshin live në mediat ruse. Tre orë live në mediat Sputnik”, u shpreh Balla.

    • VIDEO

      Berisha thirrje Komisionit Europian: Mos disbursoni asnjë qindarkë pa hetuar aferat korruptive në Shqipëri

      Sali Berisha i ka bërë thirrje Parlamentit Europian dhe SHBA që të hetojnë aferat korruptive në Shqipëri. Në Kuvend kërkoi që Komisioni Europian të mos disbursojë asnjë qindarkë pa u hetuar afera e Butrintit dhe ndërtimet në Tiranë pasi sipas tij, bashkëpronar është Edi Rama.

      “Komisioni Europian, të kushtëzojë disbursimin e ndihmave me detyrimin e Shqipërisë për të përdorur standartet europiane në prokurimet publike, në konçensione dhe në Partneritetin Publik Privat. Kjo është të kushtëzojë me ndalimin në Shqipëri të tenderave sekretë që janë rritur me 20 herë!  Të kushtëzojë me detyrimin e kësaj qeverie që vjedh nga mëngjesi deri në darkë, të përdorimit të manualit të BE në ndërtimet publike,sepse sot ç’po ndodh?! 

      Është e vërtetë që ju po jepni dhe po kontrolloni në njëfarë mënyre, implementimin e projekteve tuaja, por me projekte të tjera dhjetëra herë më të mëdha kjo qeveri po vjedh qytetarët shqiptarë. 
      Ndaj të marrin fund tenderat sekretë! Impononi, qeverisë shqiptarë të përdorë manualin e ndërtimit të BE-së, sepse Shqipëria është vendi me kostot më të mëdha në planet të ndërtimeve publike.

      Kini mëshirë për taksat e qytetarëve shqiptarë dhe europianë. Po shtoj se paratë e taksapaguesve janë në aferën e djegësve. I kërkoj KE të mos disbursojë asnjë qindarkë pa hetuar aferën e Butrintit, një aferë korrupsioni, shpërbërja e njërit prej parqeve më të cmuara. I bëj thirrje PE dhe kongresit të SHBA të ndërmarrë hetim të plotë për këto afera të mëdha. Shqipëria ka kaluar cdo lloj vije të kuqe përsa i përket vjedhjeve. Punësimi u rrit vetëm 0.5%. Cfarë janë këto kulla? Mullarë gjigant të drogës të Edi Ramës.

      KE të hetojë sepse Tirana gumëzhin se në kulla është bashkëpronar Edi Rama. Sic thotë populli, ku ka zë, s’është pa gjë. Ka shumë të tjerë, por të gjithë tregojnë me gisht Edi Ramën. Përulem me nderim të madh para bujarisë së taksapaguesve europian, por të kushtëzojnë cdo qindarkë për të mbrojtur taksapaguesit shqiptarë”, tha Berisha.

    • VIDEO

      Celibashi: SHBA-të të shqetësuara për paratë ruse, duhet përmirësuar kuadri ligjor për financimet

      Kreu i KQZ-së, Ilirjan Celibashi është shprehur se në takimin e sotëm SHBA ka shprehur mbi financimet e huaja të partive politike.

      “Përcollën shqetësim që të rrisin vëmendjen dhe çfarë është në fuqinë e tyre për të bërë më mirë që paratë dhe financimet e huaja dhe jo vetëm ato ruse të mos kenë ndikim në politikën shqiptare. Ajo që mund të thuhet është se ka nevojë të kuadrit ligjor që KQZ t’i japin mundësi praktike të hetojnë m thellë me sasinë e parave nga pikëpamja administrative, nga i marrin, si i përdorin, kjo është evidente ndoshta. Një lloj informimi dhe përcjellja e një shqetësimi, nuk u bën diskutime, ata si përfaqësues të PD konfirmojnë nevojën për ta qasur nga pikëpamja rregullatore, në vijim do ketë ndryshime”, tha Celibashi.

    • VIDEO

      Gjiknuri pas takimit në KQZ: Në fokus ishte parandalimi i financimit të paligjshëm të partive politike! SHBA e shqetësuar për influencat e huaja

      Sekretari i përgjithshëm i PS, Damian Gjiknuri foli në përfundim të takimit në KQZ duke thënë se në fokus të diskutimit ishte financimi i partive politike nga burime të paligjshme që përbëjnë rrezik për interesat e vendit.

      “Potencialin e financimeve te shteteve të huaja, në këtë rast ishte fokusi tek Rusia dhe masat që duhet të marrin institucionet shqiptare dhe partitë politike për të parandaluar çdo lloj financimi të paligjshëm në rrezik dhe për interesat.

      Shqipëria ka një kuadër shumë të mirë ligjor dhe instrumentet për të parandaluar financime të panevojshme apo që nuk i dihet mirë burimi. Duhet parandaluar tashmë çdo lloj akti. Ky është një shembull për tu marrë parasysh se si partitë politike që të mos përfshihen në financime që nuk i bëjnë mirë vendit.

      Kemi komision të reformës zgjedhore që mund të forcojë dispozitat për fushatën zgjedhore por fokusi ishte për shqetësimin e SHBA për përfshirjen e influencave të huaja dhe dëmtimin e interesave të këtij vendi. Biseda nuk ishte teknike apo çfarë masash do të merren. U bë, u transmetua shqetësimi nisur dhe nga raporti i fundit. Partitë kryesore të marrin masat që të mos përsëriten”, tha Gjiknuri.

    • VIDEO

      Braçe: Thënë troç na duhen ato para! Por fondet evropiane në demokraci më shqetësojnë, duhen siguruar me taksat e qytetarëve

      Deputeti socialist Erion Braçe është shprehur se fondet evropiane janë të nevojshme në vendin tonë dhe se transparenca ndaj tyre nuk ka munguar. Por deputeti duket se nuk i ka ‘zbutur’ kritikat ndaj qeverisë. Me syrin e një opozitari dhe me bindje e funksion socialisti Braçe u shpreh se për këtë projekt e shqetëson struktura. Për fondet evropiane nuk është i nevojshëm shfrytëzimi i tyre për demokracinë, atë duhet ta sigurojë mazhoranca dhe opozita me taksat e qytetarëve.

    • VIDEO

      Bushati në Kuvend: Rama dhe Balluku që nuk janë të pranishëm në sallë të marrin masa për taksën e qarkullimit

      Deputeti i PD, Helidon Bushati ka komentuar mungesën e kryeministrit Edi Rama në Kuvend duke thënë se nuk kanë marrë asnjë masë për të hequr ose ulur taksën e qarkullimit.

      “Kryeministri nuk vjen më në kuvend. As zv kryeministrja nuk është në Kuvend. Në këtë moment të vështirë për popullin shqiptarë, duhet të ketë ndonjë çokollatë për të shpërndarë në formë fotovoltaike.

      Çmimet në Shqipëri janë më të lartat në Ballkan. Dikush argumenton faktin që ne, por edhe kolegët thonë se kemi taksën e qarkullimit. Sot e kësaj dite nuk doli as kryeministri as zv.kryeministrja nuk morën asnjë masë për të ulur akcizën apo për të hequr apo ulur taksën e qarkullimit në nivelin që ka qenë më parë. Këto po i bën  çdo vend i Europës. Ne qytetarët më të varfër të Ballkanit paguajmë më shtrenjtë karburantin. Kjo është fatkeqësi”, tha Bushati.

    • VIDEO

      PD përpjekje për t’u bashkuar për zgjedhjet vendore? Agalliu: Kemi bërë takime formale dhe informale që të dalim me një kandidat

      Partia Demokratike ka nisur takimet formale dhe informale me synimin për të gjetur një dakordësi që në zgjedhjet e ardhshme vendore të dalin me një kandidat të përbashkët.

    Për lajme të tjera kërkoni në arkiv