-
VIDEO
Duma në Kuvend: Nuk kalojnë shoferët nga autostrada Tiranë-Durrës se ka aksidente! Njëri më tha të mos e riparojnë se do ecin makinat më shpejt
Nga foltorja e Kuvendit, deputetja e PD, Grida Duma ka folur për Integrimin si dhe për vendimin e qeverisë për konfiskimin e ndërtimeve pa leje. Një vëmendje i ka dhënë edhe rrugëve duke thënë se ka dëgjuar që shoferët shmangin autostradën Tiranë-Durrës për shkak të aksidenteve. Ndërsa një tjetër i thoshte se më mirë të mos e riparojnë rrugën se makinat do të lëvizin me më shumë shpejtësi.
“Kam bindjen që të gjithëve i ka ndodhur një moment që as qesh, as qan dot. Keni bërë pafund ‘sikur’ me Integrimin. Është e njëjta Shqipëri, e doktor gjilpërës por nëse do kishte dhënë recetat, do kishte thënë: “O njerëz me ngadal se nuk shërohet një i sëmurë mendor duke i dhënë ilaç vaj kapslliku”.
Dëgjova që tha IPA 3 do ketë 20 e ca milion. Sot po legalizoni? Çfarë? Pronat që nuk i keni parë në mes të Tiranës me objekte luksoze atje ku hani dreka e darka, aty te Liqeni s’kishit parë një 7 katësh nga kishte mbirë. Nuk e di në ka ndonjëri qëndrim tjetër, por duhet të jetë optimist se ne dhe rrugët e reja na duken të vjetra në sekond. Ka ardhur pushtuesi ka bërë bulevard perandorak dhe ne e mbajmë si pamjen më të bukur të kryeqytetit.
Nuk e di në ka më njeri që quan autostradë Tiranë-Durrës se kam dëgjuar njerëz që thonë nuk kalojmë më se ka gjithmonë në aksident. Ndodh aksident tha një tjetër, por më mirë që nuk e riparojnë se do të ecin më shpejt. Është si ato sofizmat, plaku shpejt se po u rinove harxhon jetën. Është gallatë e madhe propaganda juaj”, tha Duma.
-
VIDEO
Programi i IPA, ministrja e Jashtme: Do mbështesë vlerat e përbashkëta evropiane, i përafrueshëm me standardet e BE-së
Ministrja për Punët e Jashtme dhe Evropës Olta Xhaçka ka pohuar se programi i IPA-s është një program që sjell përafrimin me standardet e BE-së. Sipas saj tabela e paraqitur nga Tabaku është shenjë transparencë.
Tabela e paraqitur nga kolegia (Tabaku) është tregues i transparencës
Fushat ku do mbështes, vlerat e përbashkëta evropianë, modernizimi shoqërisë dhe ekonomisë, rimëkëmbja nga COVID19, përafrimi me standardet e BE. Janë vendosur për gjashtë vendet kandidate, 14.2 miliard euro të vëna në dispozicion- tha ajo.
-
VIDEO
‘Universiteti shqiptar në krizë ekzistenciale’, Gjekmarkaj për protestën e pedagogëve: Janë ende me rrogën arkeologjike të Fatos Nanos
Deputeti i PD, Agron Gjekmarkaj, ngriti shqetësimin e tij për protestën e pedagogëve sot në Fakultetin e Shkencave të Natyrës.
Nga foltorja e Kuvendit, Gjekmarkaj u shpreh se pegagogët po paguhen me pagën arkeologjike të Fatos Nanos
Me një fjalë të vetme shprehet ideja, se fuqia shkon pas diturisë. Gjergj Fishta në një rrekje për të bindur kolegët, për rëndësinë që kishte dija, janë një sërë rrethanash për të cilat arsimi është goditur në thelbin e vetë. Të shumta kanë qenë ndërhyrjet ligjore, tubimet, premtimet, bujat dhe zhurma, që kanë synuar ikjen nga e vërteta. Sot Universiteti shqiptar gjendet në një krizë ekzistenciale. Ndokush ka bërë para me fondet, me projekte, dhe pedagogut i mungojnë të ardhurat për të realizuar mbijetesën, për të ndjekur aktivitetet. Një pedagogu të Universitetit të Tiranës i lejohet dy herë që të aplikojë për një projekt. Nuk mbulohet as udhëtimet apo konferencat. Disa prej tyre i shtyn që të bëjnë punë dytësore, që rëndon mbi profesionin dhe dijen. Jemi hipokritë se e përdorim atë fjalë si çamçakëzin, për të pastruar stomakun që nuk funksionin mirë. Them se qeverisë nuk i intereson që kjo trupë të jetë e fortë, por të jetë nën presion dhe nën diktat. Relativizmi i pedagogut i hap rrugë të fortit. Sot bie në sy shpërfillja e autonomisë së universiteteve. “Pse o pushtet zgjedh dudumin”, është shprehja që brohoret. Të nderuar kolegë, një pedagogu i duhet të paguajë qëndrimin, udhëtimin në një konferencë shkencore, që i duhen 1 mijë euro për të shpenzuar 3 ditë në Europë. Profesorati është thjesht i varfër, me rrogën që prej kohësh arkeologjike të Fatos Nonos.”, tha Gjekmarkaj.
-
VIDEO
Ambasadorja e SHBA-ve Yuri Kim shkon në KQZ, takon Celibashin
Ambasadorja e SHBA-ve ka shkuar sot në KQZ dhe ka takuar me kreun e KQZ-, Ilirjan Celibashi.
-
VIDEO
Balluku-opozitës: Po dizinformoni shqiptarët për energjinë! Në kohën tuaj përmbytej Shqipëria nga shirat dhe blinit nëpër importe
Zv.kryeministrja Belinda Balluku i është përgjigjur opozitës për përballimin e krizës energjetike duke thënë se dezinformojnë shqiptarët por thekson se ka fakte që vërtetojnë cdo gjë. Balluku hodhi poshtë pretendimet se janë shpenzuar 400 milionë dollarë për energjinë. Teksa mohon këtë, zv.kryeministrja i kujton opozitës përmbytjet duke i thënë se në kohën kur kishte shumë reshje dhe Shqipëria qeverisej nga PD, blinin energji elektrike.
“Për energjinë vazhdon e dizinformohet populli shqiptar, me apo pa dashje, nuk ka rëndësi, dua të flas me fakte.Nga viti 2013 kur në Shëqipëri mblidhej vetëm 43% e faturave, sot mblidhet 99.6% e faturave. Ky është fakt i pakundërshtueshëm që paguhet shërbimi i ofrimit të energjisë elektrike, as me dhunë.
Të marrësh raportin e ta transformosh dhe të thuash që 40% e shqiptarëve nuk kanë mundësi të paguajnë faturat, është një fakt i pavërtetë. Për ndihmën dhe mbështetjen që Republika e Shqipërisë i jep konsumatorëve në nevojë, sot dhe vitet që kanë kaluar i mbështet grupet në nevojë me mbi 22 milionë euro. Vendet që pasojnë janë Bosnje Hercegovina, Serbia dhe Kosova.
Nëse duam t’i referohemi shifrave, t’i referohemi në mënyrë të saktë. Dëgjova se janë shpenzuar mbi 400 milionë dollarë për energjinë. Nuk është e vërtetë. Deri në shtator janë konsumuar rreth 300 milionë, një pjesë e konsiderueshme janë mbuluar nga vetë sektori. Këto shifra nuk kanë ekzistuar në kohën tuaj kur përmbytej Shqipëria nga shirat dhe dilnit e blinit nëpër importe. Ju gënjeni për cfarë të doni, por sektori energjetik është i bazuar në numra, fakte e shifra. Ne nuk ju ndalojmë dot, por të keni parasysh që pavarësisht krizës, në Shqipëri nuk do të ketë kufizime të energjisë dhe prej më shumë se 1 viti mbrojmë qytetarët tanë duke mos rritur cmimin e energjisë”, tha Balluku.
-
VIDEO
Balluku i përgjigjet kritikave të Tabakut: Fakti që kemi ndryshuar 4 herë koordinatorin, bën që të humbë memoria! S’bazojmë fitoren me individët
Ministrja e Infrastrukturës në Kuvend iu përgjigj shqetësimit për mosfunksionimin e duhur të programit IPA të miratuar. Balluku tha se fakti se vendi ynë e ka ndryshuar 4 herë koordinatorin për faktin se nuk e bazojnë fitoren e suksesin te puna te individi por te puna në grup dhe se puna do të përmirësojë procesin.
“Ky është një projektligj shumë i rëndësishëm, të cilin e miratojmë sot. Unë do të përgjigjesha për disa gjëra që tha parafolësja. Fakti që kemi ndryshuar 4 herë koordinatorin, bën që të humbë memoria. Ne nuk i kemi bazuar as arritjet as fitoret tek individi, por puna në grup.
Ekspertët që merrem me IPA vijojnë dhe përmirësojnë punën e tyre. Nëse kërkojmë të rrisim aftësinë për përthithjen e fondeve IPA dhe të kemi organizim tjetër për koordinatorin apo edhe të angazhojmë më shumë forca, kjo nuk tregon që krijojmë vakume.
Gjatë programit IPA 2, nga 2014 në 2020 janë miratuar 9 mbështetje buxhetore me buxhet 324 milion. Lehtësira për zbatimin e projekteve IPA janë të rëndësishme për zbatimin e projekteve me këto fonde. Duhen kapacitete njerëzore, eksperiencë nga shkruara deri tek përthithja e fondeve.
Ne po përmirësojmë procesin. Tashmë kemi drejtori të dedikuar për të gjithë procesin. Duhet thënë që format e zbatimit të programit IPA 3 nga 2021-2027 parashikohen përmes disa programeve. Ratifikimi i marrëveshjes për IPA 3 i lë vend nisjes së procedurës për marrëveshjen IPA 2021 duke nisur zbatimin e 5 projekteve me kosto 64.9 milionë euro.
Në tetor 2022 pritet të miratohet paketa financiare IPA 2022.
-
VIDEO
PD 500 mijë dollarë nga Rusia, Majko: Drejtuesit me dhe pa zyrë të japin llogari! S'është faj individual! Alibeaj: Do përgënjeshtrohet si akuzë
Debate në kuvend për akuzën se PD-ja ka marrë 500 mijë dollarë nga Rusia.
“Besoj që sot në kufijtë 24 orëve, drejtuesit e PD, me ose pa zyra e dinë shumë mirë që PD ka marrë rreth 500 mijë nga fondet ruseve, mirë do ishte që kur flasin për fondet europiane, të flasim dhe për fondet anti europiane, nuk mbyllet me ironi, përpara se t’i kërkoni Beqes sonë, po Beqes suaj, dhe ky nuk është jë faj individual, është një akuzë e konfirmuar nga administrata amerikane”, tha Majko.
“Më në fund Pandit i qenka shëruar goja se për çështje delikate, i vetmi që nuk duhet të fliste nuk duhet të ishe ti, se e di një gjë që është një makinacion që mungon sot, po si i vjetër në politikë, së paku prit dhe ca orë se do të përgënjeshtrohet, dhe shko prap të dentisti”, tha Alibeaj.
"I respektoj shumë këta që kanë mjekët të bardhë dhe flokë të zinj dhe dua si të jetë kështu, siç thonë këta, por po e përsëris dhe njëherë, ajo që keni diskutuar ju dhe midis vedit, është një akuzë e cila dje është ripërsëritur, unë uroj që Basha të shkojë normalisht në SHBA dhe partia që u krijua nga studentët të mos ketë këtë akuzë", tha Majko.
-
VIDEO
Programi i IPA-s, kritikon Tabaku: Ndarja e koordinimit të fondeve të BE copëtojnë procesin! Janë ndryshuar 4 herë
Deputetja e PD-së, Jorida Tabaku ka listuar disa problematika lidhur me marrëveshjen e miratuar nga Kuvendi të IPA II për distrubimin e fondeve. Tabaku tha në kuvend se ndërrimet e shpeshta të këtyre proceseve nuk sjellin efiçencë, pasi copëzohet.
‘Sot në parlament do të diskutohet marrëveshje kuadër të fondeve IPA. Unë dua të ngre disa shqetësime në lidhje me fondet me efektivitetin e zbatimit të tyre dhe financat. Kam ngritur me shqetësim faktin që Shqipëria ka ndryshuar koordinatorët. Nuk kam ndermen të merrem me cilësi por me integritetin. Dua të merrem me strukturë.
Ndarja e koordinimit të fondeve të BE dhe IPA të vendosura nga një godinë tjetër nga ajo e Ministrisë së Jashtme e copëtojnë procesin. Shqipëria e ka ndryshuar 4 herë operatorin kombëtar të IPËS. Kjo ka sjellë problem, e si parlament nuk duhet të lejohen të ndodhin.(..) Nuk bie dakord me vendimet e PS-së, aq kohë sa pengojnë integritetin.’- tha ndër të tjera Tabaku.
Pas miratimit të marrëveshjes IPA III nga Kuvendi, do të nisë dhe disbursimi i fondeve nga programi IPA 3, që ka një afat deri në vitin 2027. Fillimisht pritet miratimi i IPA 2021 me rreth 65 milion euro dhe në 6 tetor nga Brukseli pritet të miratohet edhe IPA 2022, me një fond 79 milion euro.
-
VIDEO
Shtyhet për javën e ardhshme votimi i kandidatëve për anëtarë të Këshillit Drejtues të RTSH
Është vendosur të shtyhet për javën e ardhshëm votimi i kandidaturave të Albert Minga dhe Edmond Tullumani si kandidat për anëtarë të Këshillit Drejtues të RTSH. Kjo vjen pas kërkesës së grupit socialist. Taulant Balla tha se grupi i PS ka nevojë për më shumë kohë ndërsa kërkesa është pranuar nga opozita.
-
VIDEO
Deputetët mbajnë 1 minutë heshtje për Mbretëreshën Elizabeth II! Sot në Kuvend diskutohet marrëveshja e ekstradimit me Emiratet e Bashkuara dhe emigracioni me Britaninë
Kjo e enjte mbledh deputetët në Kuvend. Sipas rendit të ditës, do të diskutohet për ratifikimin e marrëveshjes financiare në kuadër të partneritetit ndërmjet Shqipërisë dhe Komisionit Evropian për rregullat specifike te zbatimit të asistencës financiare të BE-së
-
VIDEO
PS dhe PD grup të përbashkët pune për paketë të re ndryshimesh për Reformën në Drejtësi! Ja emrat
Komisioni i Ligjeve ka vendosur që të ngrejë një grup pune të përbashkët mazhorancë-opozitë për të përgatitur një paketë të re ndryshimesh për ligjet e reformës në drejtësi.
-
VIDEO
Lufta në Ukrainë, Rama për gazetën austriake: T’i mbajmë larg kërcënimet nga Ballkani! Të mos i bëjmë presion Serbisë për sanksione ndaj Rusisë
T’i mbajmë larg kërcënimet nga Ballkani, deklaroi kryeministri Edi Rama, në një intervistë për Hans-Peter Siebenhaar të gazetës së njohur austriake ”Die Presse”.