• VIDEO

    Ndarja nga jeta e Eduard Kukan, Kuvendi një minutë heshtje në nder të tij

    Deputetët e Kuvendit në seancën e stome parlamentare kanë mbajtur një minutë heshtje në nder të eurodeputetit Eduard Kukan, i cili humbi jetën ditën e djeshme.

    •  
  • VIDEO

    Manja i kujtoi prokurorët belg të ardhur për Toyota Yaris në Tiranë, Basha: Çoji cigare dy shokëve te 313, pas tyre do të vij radha ty

    Teksa Ministri i ka kujtuar Bashës praninë e prokurorëve belg në Tiarën për çështjen Toyota Yaris, Basha i është përgjigjur me ironi duke thënë që të çojë cigare dy shokëve të tij ën burgun 313, duke iu referuar Lefter Kokës dhe Saimir Tahirit.

    "Ministri duhet të ishte dënuar minimalisht për zbardhjen që u bë. Kujtohu pak për ministrin e brendshëm. Do vij dita që të japësh edhe ti llogari. Coji cigare shokëve te 313 se ke dy atje.Tani e kuptoj pse është e rëndësishme të mos i lëmë horrat dhe banditët, që të festojnë një ditë kur ONM të largohet dhe gjyqtarët e prokurorët jo 50-60% siç i emëron sot Ulsiu, por t’i emërojnë 100% këta. E kuptojmë ankthin e tyre, Dibra është një krim i pagjykuar. Ky që i premtonte hajdutit të votave promovimin, është promovuar vetë. Ja kam thënë dhe ambasadorëve, që e kanë për detyrë të takojnë ministrin e Drejtësisë, që duart po ja japin aleatëve të krimit. Që ai që është sot ministër drejtësie, në një vend normal do të ishte dënuar. Ka një gjë, drejtësia mund të vonojë, sa më shumë vonon, aq më shumë dëmton, por nuk mungon. Kujtohu pak për ish-kolegun tënd, ministrin e Brendshëm, dhe kapërdisjen e tij, majë më majë, shesh më shesh, madje edhe rrugëve të botës. Mendohu mirë Ulsi Manja, se për momentin mund të të duket vetja i përkëdhelur, i mbrojtur, por harroje ti se nuk do të vijë dita që të japësh llogari edhe ti me pjesën tjetër të bandës së strukturuar kriminale për dosjen 184”, tha Basha.", tha Basha.

  • VIDEO

    Prokurorët belg në Tiranë për Toyota Yaris, Manja i drejtohet Bashës: Unë nuk injoroj thirrjet nga asnjë autoritet gjyqësor brenda dhe jashtë vendit

    Ministri i drejtësisë Ulsi Manja i ka përmendur në Kuvend, Lulzim Bashës ardhjen e prokurorëve belg në Shqipëri për hetimin e dosjes së Toyota Yaris, ku do të pyetet edhe Lulzim Basha. Manja tha se as nuk i injoron dhe as nuk i shmanget drejtësisë apo çdo autoritet gjyqësor brenda dhe jashtë vendit.

     
  • VIDEO

    PD pro zgjatjes së vettingut, Tabaku: Thoni sa të doni jeni të shitur, ne s'e votojmë për PS! Kërkojmë të votohen Komisionet për Reformën Territoriale dhe Zgjedhore

    Nënkryetarja e PD-së Jorida Tabaku nga foltorja e Kuvendit ka konfirmuar edhe një herë qëndrimin e partisë së saj pro shtyrjes së mandatit për organet e vettingut. Tabaku tha se për PD nuk ka asnjë rëndësi nëse thonë janë shituar apo jo, pasi të këtë se votojnë për PS por kërkojnë që të ngrihen komisionet e kërkuara prej tyre për Reformën territoriale dhe atë Zgjedhore.

     
  • VIDEO

    Berisha kundër ndërtimit të Skavicës: Po u vjedh tokat dibranëve! I përgjigjet Manja: Më dukesh si një zë që vjen nga bota e përtejme

    Sali Berisha është përplasur në Kuvend me ministrin e Drejtësisë Ulsi Manjën. Berisha tha se ai po denatyralizon Dibrën në kuadër të projektit të Skavicën, pasi banorëve po u merren tokat. Berisha u bëri thirrje dibranëve që të ngrihen dhe të mbrojnë tokat, ndërsa kryetarja e Kuvendit Lindita Nikolla i ndërpreu fjalën. Nga ana tjetër Ulsi Manja tha se nuk bën replika me zëra që vijnë nga bota vjetër.

    Berisha: Pse mbahet sekret vettingu i Sokol Sadushit, vettingu i Ervin Kukës, vettingu Ilir Pandës, mbi çbazë përveç se shpellës së mafies. Cili është roli yt në denatyralizimin e Dibrës me hidrocentralin e  Skavicës. A ndjek përgjegjësinë për shuarjen nga faqja e dheut të shuarjes se gjitha tokave të dheut. Çfarë marrë veshje ke bërë ti. U bëj thirrje dibranëve  të ngrihen dhe të mbrojnë tokat e tyre.

    Manja: Kur flet ti dhe këkon llogari për Dibrën më dukesh si zë i vjetër që vjen nga bota e përtejme. Dibranët janë në hallin dhe në punën e tyre dhe më 6 mars do të flasin vetë dibranët të zgjedhin më të mirin. Për replikë nuk replikoj me zëra që vijnë nga bota vjetër.

  • VIDEO

    Ministri i Drejtësisë: Shtyrja e afatit të vetingut deri më dhjetor 2024

    Ministri i Drejtësisë, Ulsi Manja tha se afati i shtyrjes së vettingut do të jetë deri në dhjetor 2024, ndërsa mbeten ende mbi 300 subjekte për t'u rivlerësuar.

    " Rezultatet e procesit të vetingut janë të prekshme. Për vettingun nuk ka më kthim pas, jemi në fund të këtij procesi, pavarësisht vonesave që ka paraqitur ky proces. Mbeten mbi 300 subjekte për t'u rivlerësuar, 60 % e subjekte kanë dalë nga sistemi. Konsiderojmë një kohëzgjatje të arsyeshëm duke caktuar një afat konkret mbarimit të vetingut që është dhjetori 2024", tha Manja.

  • VIDEO

    Berisha: Do marrim nismë ligjorë për mbrojtjen e banesave të qytetarëve! Zgjatja e vettingut? Bashkëpunim i pengut me pengmarrësin

    Deputeti Sali Berisha tha para Kuvendit se do të ndërmarre një nismë ligjore për mbrojtjen e banesave të qytetarëve shqiptarë. Duke ju referuar protestës së banorëve të ‘5 Majit’, Berisha tha se nuk jam për tu penguar urbanizimi, por tha se jam në mënyrë kategorike kundër shkatërrimit të pronave të qytetarëve pa dëmshpërblimin e plotë të tyre.

    ‘Do merret nisma ligjore, për mbrojtjen e banesave të qytetarëve shqiptarë. Me praktikës që po ndjek kreu i Meduzës janë qindra mira banesa të pasigurta në Shqipëri. Nuk jam për tu penguar urbanizimi dhe zhvillimit të territoreve, por jam në mënyrë kategorike kundër shkatërrimit të pronave të qytetarëve pa dëmshpërblimin e plotë të qytetarëve. Sipërfaqja e ndërtimit është 490 mijë m2. Nga këto familjet që strehohen nga tërmeti marrin 120 m2 së bashku. 320 familje që banojnë aty nuk do të marrin as 9% të sipërfaqes së ndërtimit. Në çdo zhvillues tjetër u jepet të paktën 25% të sipërfaqes.’- tha Berisha.

    Sa i përket votimit për zgjatjen e afateve të vettingut, Berisha u tha se ai do të votojë kundër, dhe tha se ky është një bashkëpunim i pengut dhe pengmarrësin.

    ‘Është bashkëpunim i pengut me pengmarrësin. Unë i kam shprehur qëndrimet e mia ndaj këtij procesi gjigand politik. Është një proces i flaktë që nuk i beson më shoqëria shqiptare.’- tha Berisha.

  • VIDEO

    Braçe i ashpër në Kuvend: Çmimet e plehrave kimike janë rritur! Karteli grumbullues ka zaptuar tregun, 1 kg domate del nga sera me 65 lekë, këtu shitet me 250 lekë

    Deputeti Erion Braçe ka zhvilluar një interpelancë në Kuvend me ministren e Bujqësisë Frida Krifca, ku ka ngritur shqetësimin e rritje së çmimeve të plehrave kimike për prodhimet bujqësore. Braçe po ashtu u ndal edhe tek grumbulluesit e prodhimeve bujqësore, për të cilët tha se kanë zaptuar tregun.

    ‘Ju të komisionit të regjistrimit të pelhrave kimike. Tre ndërmarrje kanë importuar plehra kimike dhe duke i hedhur këto plehra kimike me çmime të rritura. Kam tre probleme. E para ka të bëjë me kartelin e grumbulluesve që ka zaptuar tregun. Gjatë kohës që domatja del me 65 lekë dhe shitet me 250 lekë. Ky është problemi. Në rast se grumbulluesit taposin tregun me çmime të larta, produktet do mbetet në serë. Çdo shitje nga sera dhe deri atje matanë është informale. Nuk ka një faturë të formalizuar që të shoqërojë gjithë zinxhirin e shpërndarjes. Nga 60 lekë -250 lekë e detyron konsumatorin të ulë konsumin dhe prodhimi mbetet në sera. Këtu shitet me 250 lekë domatja dhe njerëzit atje nuk marrin lekët. E treta është humbja e krahut të ri të punës, pasi të rinjtë po ikin në Malin e Zi dhe punojnë me 40 euro dita.’- tha Braçe.

  • VIDEO

    Protestuesja nga Bashkia e Tiranës: Dyert mund t’i mbyllni me zinxhir, por jo fjalën e lirë! Nuk kemi dalë kundër pushtetarëve, kërkojmë vetëm të drejtën tonë

    Një protestuese përpara bashkisë së Tiranës kundër shembjes së banesës së saj, tha se nuk ka dalë të protestojë kundër pushtetarëve, por vetëm për të mbrojtur banesën e saj. Ajo tha se fjala e lirë nuk mund të mbyllet me zinxhir dhe do të protestojnë derisa kërkesat e tyre të merren seriozisht.

    “I themi parlamentarëve tanë se mund t’i mbyllni të gjitha dyert me zinxhirë, por fjalën e lirë nuk e mbyllin dot me zinxhir. Ne po protestojmë prej 5 muajsh për pasurie tonë që e kemi të shenjtë. Nuk kemi dal të protestojmë kundër pushtetarëve, Kërkesa: Le të ndërtohet projekti, por përpara se ta bëni çdo veprim duhet të mbroni qytetarët. Nuk jemi përfitues, po kërkojmë vetëm një të drejtë imediate, protestat do të vijojnë deri në momentin që do të marrin një përgjigje serioze nga një shtet aspak serioz.”, u shpreh ajo.

  • VIDEO

    Përfundon takimi i Ramës me banorët e ‘5 Majit’: Askush nuk është hedhur në rrugë, përfitojnë shtëpi si ato me certifikatë pronësia dhe ato pa leje

    Ka përfunduar takimi i kryeministri Edi Rama me banorët e ‘5 Majit’.

    ‘Kemi pasur një bisedë intensive, dhe kam sqaruar atë që ka qenë e vërteta qysh ditën e oarë. E vërteta i ka të vështira rrugët këtu pasi ka shumë kthesa të qëllimshme. Për të gjithë banorët qoftë të zonës së 5 Maj, unazës të cilët janë të ndarë në dy kategori do të ketë një trajtim solidar njësoj siç u bë me ata që humbën shtëpinë nga tërmeti. Për ata që janë me certifikata pronësia zgjidhja është e qartë ose dëmshpërblim financiar ose me shkëmbim. Për ata që janë pa letra fare përsëri qasja është solidare, nuk është hedhja në rrugë. U shpjegova se kanë marrë njoftim.

    Shtëpia që është pa leje prishet dhe familja merr kompensimin me shtëpi njësoj si ato që mbetën pa shtëpi nga tërmeti dhe deri në marrjen e shtëpisë paguhen më bonus qiraje. Ku futet politika në mes, gjërat bëhen çorap, ato janë letra të pafirmosura, do të ulen banorët, do i shikojnë letrat, janë 51 familje që kanë firmosur, dhe këto marrëveshje do shkojnë të regjistrohen në kadastër, dhe në momentin kur mbaron ndërtimi dhe shtëpia është gati, do futen në shtëpi, kërkesa që e duam shtëpinë këtu dhe e duam këtu, nuk e plotësojmë, këto njerëz për shkak se kanë derdhur mund e djersë pa leje, do marrin shtëpi.'- tha Rama.

  • VIDEO

    Xhaferraj: Projekti për ndërtimin e Portit të Durrësit shmangu konkurencën dhe transparencën! Për një vit keni vendosur vetëm një tabelë

     

    ‘Qeveria nuk ka në qendër të saj interesat e qytetarëve. Ligji parashikon marrëveshjen me Emiratet e Bashkuara Arabe. Citohet se kjo marrëveshje nuk i nënshtrohet asnjë procedure të prokurimit publik. Procedura e ndjekur është në kundërshtim me marrëveshjet e nënshkruara nga vet ju. Projekti shmangu konkurencën dhe transparencën. Porti i Durrësit është një aferë korruptive. Mbi çfarë dispozita urdhrash u morën, ka qenë një grabitje e Portit të Durrësit. Vlera e investimit, për një vit kanë vendosur vetëm një tabelë. Njësitë strukturore janë 93% banime, dhe 7% shërbime. Edhe ky tender dëshmon se qëllimi juaj u vetëm është vetëm grabitja në interes të qytetarëve. Pa një plan për Portin ekzistues si pretendoni të jeni në vend i besueshëm dhe serioz me aleatët. Shpresoj t’i trembeni drejtësisë.’- tha Xhaferraj.

    •  
  • VIDEO

    ‘Emar Group s’ka lidhje me ndërtimin e Portit të Durrësit’, Xhaferraj interpelancë me Ballukun: Do t’i kalojë një kompanie me pronarë të dyshimte

    Deputeti Ferdinand Xhaferraj ka kërkuar një interepelancë për ministren e Infrastrukturës Belinda Balluku për projektin e ndërtimit të Portit të Durrësit.

    ‘Sot nuk do të merrem me tenderat korruptive që zhvillohen në këtë zyrë qeveria. Sot do të merrem me Portin e Durrësit. Porti i Durrësit ka përfituar financime dhe kredi nga Banka Botërore, por më 16 prill 2021 Edi Rama vendosi ta nxjerr portin nga boshti perëndimor duke e kthyer në një kompleks vilash. Gjatë prezantimit është shprehur se do të jetë një nga portet më të mëdha dhe do të ketë vlerë 1 mlrd euro dhe do ndërtohet nga ‘Emar Grup’. Jemi informuar se Emar s’ka lidhje me këtë, por një kompani 'Symphony Real Estate', pronarët e të cilës janë të dyshimtë. Balluku të japë shpjegime dhe informacione për këtë projekt. Pse ka mungesë transparence. Bashkë flasim për këtë projekt me një investim 2 mlrd eurosh.’- tha Xhaferraj.

    •  

Për lajme të tjera kërkoni në arkiv