• VIDEO

    Pse u tërhoqët dje papritur? Berisha për Report Tv: Në çdo betejë ka tërheqje, hodhën gaz ndaj meje por unë vazhdova

    Për Sali Berishën gazi lotsjellës me sasi të madhe e ka bërë që të tërhiqet nga vazhdimi i sulmit dje në PD. Pyetjes së gazetares së Report Tv Danjela Maloku, se çfarë e bëri ta shpërndante papritur protestën e djeshme, Berisha tha se mbështetësit e tij ishin shpërndarë anëve të Lanës nga gazi.

     
  • VIDEO

    34 të arrestuar nga ‘lufta’ mes demokratëve, Berisha: Akt i turpshëm dhe kriminal! Basha armik i të gjallëve dhe të vdekurve në PD

    Sali Berisha, e cilësoi arrestimin e 34 demokratëve që morën pjesë në protestën e djeshme si një akt kriminal.

    "Lulzimi po bashkëpunon me narkopolicinë e Edi Ramës. Pas protestës janë arrestuar, ndaluar demokratë që nuk kishin kryer në mënyre absolute asnjë lloj akti për të cilin duan t’i bëjnë përgjegjës. Kjo është një tjetër histori turpi e Lulzim bravës, si një vegël e Edi Ramës.  Basha është sot në armiqësi të plotë dhe totale me të gjithë anëtarësinë, familjet e anëtareve të PD, me të vdekur dhe të gjallë të kësaj partie.  Arrestimi i demokratëve ishte një akt i turpshëm dhe kriminal. Basha ka fshehur vrasësit dhe kriminelët në seli. Të dhëna të sigurta që Lulzim Brava, ka nxjerr armët e tyre me mjetet e tij, që nëse policia do të hynte brenda të mos gjendeshin të armatosur banditët.", tha ai.

  • VIDEO

    Berisha një ditë pas sulmit në PD: Heronjtë e 8 janarit ishin gjakftohtë, i japen dyert e blinduara të Bashës! Nuk do të ndalemi

    Nga Partia Demokratike, Sali Berisha nuk shfaqi asnjë distancim nga dhuna e ushtruar dje në selinë e PD.

    "Falënderim ndaj heronjve të 8 janarit, të cilët në një mision historik me guximin, mençurinë, vetëpërmbajtjen, gjakftohtësinë që karakterizon një shumicë demokratike u faktuan shqiptarëve se Lulzim Brava është sot një armik po kaq i egër, një fytyrë po kaq mizore për demokratët shqiptarë.

  • VIDEO

    Veliaj pret kryebashkiakun e Prishtinës, Përparim Rama dhe i jep Çelësin e Tiranës: Çelim një kapitull të ri bashkëpunimi

    Kryetari i Bashkisë së Tiranës, Erion Veliaj priti sot homologun e Prishtinës, kryetarin e sapo zgjedhur te Komunes, Përparim Rama. Në pritjen zyrtare të vizitës së tij të parë si kryebashkiak në Tiranë, Veliaj tha se sot çelet një faqe e re bashkëpunimi mes dy kryeqyteteve. 

     
  • VIDEO

    A është ky momenti kur Sali Berisha urdhëroi sulmin në PD?! Do të thirret në Prokurori?

    Ishte rreth orës 11:45, kur Sali Berisha shkon në oborrin e selisë së Partisë Demokratike dje. Situata ishte e tensionuar, pas përplasjes me anëtarin e Kryesisë së PD Roland Bejko, por ende nuk kishte asnjë sulm nga të gjitha drejtimet në godinë. Me të mbërritur në oborr, në këtë moment Sali Berisha shfaqet duke udhëzuar turmën. Ky gjest përsëritet disa herë.

  • VIDEO

    Si mund t'i besosh dokrrave të të dyve?! Rama: Koha për t'i 'varur teneqen' Bashës dhe Berishës! Të shpëtojmë opozitën

    Në fund të komunikimit të tij me demokratët në Facebook, Kryeministri Rama tha se e ka të vështirë ta kuptojë se si mund që dikush të besojë se Basha po mbron orientimin euroatlantik të PD dhe Berisha po mbron dinjitetin njerëzor me çekiç.

     
  • VIDEO

    Përplasja Basha-Berisha, ironia e Ramës: Nëse duan 2 seli jemi të gatshëm t'i ndihmojmë! Prisni se po vjen dhe një i treti

    Duke komentuar edhe me ironi atë që ndodhi dje në Selinë e Partisë Demokratike, Kryeministri Rama tha se është i gatshëm t'i ndihmojë të dyja palët duke i dhënë dy godina.

  • VIDEO

    Rama: Luli dhe Saliu 2 pengmarrësit e demokratëve! I pari nuk guxoi të provonte se kishte apo jo shumicën! I dyti 'i ngritur nga varri për të luftuar si i marri'

    Të dy pengmarrës të demokratëve. Kështu i cilëson Kryeministri Rama, Lulzim Bashën dhe Sali Berishën. Sipas tij i pari nuk guxoi të provonte se kishte apo jo shumicën ndërsa i dyti ' është ngritur nga varri për të luftuar si i marri'.

    "Nuk kam asnjë respekt as për 'Lulin tim' dhe as për Saliun tënd. Janë 2 pengmarrësit e demokratëve. Sot zihen të dy se kush është shërbëtori im. Njëri thotë jo 'pengu' dhe tjetri jo tubi i oksigjenit. Dhe ia thonë pikërisht demokratëve duke i trajtuar si budallenj. Të dy për interesin e tyre krejt personal. Vetëm ky interes mund ta mbajë një udhëheqës të një partie politike si të ishte një princ mesjetar i mbyllur në një kështjellë që nuk guxon të dalë dhe të thotë 'ja ku më keni, ta provojmë kush e ka shumicën'. Nuk po e diskutoj tjetrin fare se është shumë e qartë se çfarë është. Qëndronte atje pas se kishte lënë këtë dhe ky i bëntë ccdo gjë që donte ai. E ka mbrojtur këtë më shumë se sa ky dinte të mbrojte veten e vet. E kishte administratorin e pronës. Por mirëpo ja që bota u rrotullua ndryshe", tha Rama.

  • VIDEO

    Basha me të tijtë orë të vështira në godinë? Rama: Ta kuptojnë se ç'kanë përjetuar punonjësit e Kryeministrisë nga dhuna e të dyve bashkë

    Kryeministri Rama në komunikimin me demokratët komentoi edhe mënyrën se si janë ndjerë Lulzim Basha dhe mbështetësit e tij të ngujuar në katin e dytë të Selisë së PD-së dje.

    "Ata kaluan orë të vështira dje brenda asaj godine dhe shpresoj që t'i bëjë të kuptojnë se si janë ndier ata vajza dhe djem që punojnë në këtë godinë këtu, shumë vite më shumë se sa kam unë këtu", tha Rama.

  • VIDEO

    Rama: Demokratët duhet ta gjejnë vetë udhëheqësit por t'i japim fund tani këtij mentaliteti dhe ndasisë! Vendi prej kohësh pa opozitë

    Për Ramën demokratët duhet të bëjnë ccmos që t'i japin fund kësaj situata që e ka kapluar dhe duhet ta gjejnë vetë se cili do t'i udhëheqëse.

    "Mbahen të dy që të mos bien të dy, ndërkohë që ne duam të ndihmojmë paqen. Unë s;jam këtu për të kërkuar sot nga demokratët që të bëhen votues të Partisë Socialiste e as për të thënë 'sa mirë që u shkatërrua opozita' Por të bëjmë çmos të gjithë së bashku që ta çlirojmë politikën nga ky mentalitet, këtë ndasi dhe urrejtje të ccmendur mes dyja kampeve. Të gjejmë rrugë që kjo situatë të marrë fund. Demokratët duhet ta gjejnë vetë atë që duhet t;i udhëheqë. Kjo do të kërkojë kohën e vet por ama është shumë e rëndësishme se nuk bëhet fjalë këtu për të fërkuar duart", tha Kryeministri, i cili nënvizoi se ky vend ka kohë që është pa opozitë

  • VIDEO

    ‘Kafshimi i përgjakshëm mes demokratëve’, Rama: Nuk ishte argëtuese, por e neveritshme! Fatkeqësisht kafshuesit janë ende aty

    Kryeministri Edi Rama i cilësoi pamjet e djeshme në selinë e PD të neveritshme dhe aspak argëtuese, duke shtuar se pavarësisht se “kafshimi i përgjakshëm” mes demokratëve u shmang, “kafshuesit” vijojnë të jenë një kërcenim.

     
  • VIDEO

    'Policia meriton përgëzim të veçantë', Rama: U sulmua nga të dyja palët e së njëjtës materie, treguan se s'kanë lidhje me shtetin! Janë e njëjta mbetje, e ndarë përgjysmë

    Kryeministri Rama lavdëroi punën e djeshme të policisë së shtetit dhe kritikoi ashpër të dyja palët e konfliktit në PD që e sulmuan atë.

    "Policia e stërvitur për të përballuar këtë materie politike, këtë lloj qasjeje dhe këtë lloj drejtimi politik që e përfshin dhunën si mjet politik me agresionin ndaj godinave, meriton një falënderon shumë të posaçëm. Mbajti të njëjtin standard siç e ka krijuar në mbrojtjen e godinës së Qeverisë nga kjo materiel, kjo prurje, kjo turmë e cila dje ishte ndarë përgjysmë, njëra pjesa brenda godinës dhe tjetra jashtë. Sulmet e të dyja palëve pasi gjërat u kthyen në një farë normaliteti ndaj policisë është shëmbëlltyre se të dyja ato kufoma janë shumë larg idesë së shtetit, kulturës dhe ligjit dhe ligjshmërisë sepse janë në fakt e njëjta gjë, e njëjta mbetje e ndarë përgjysmë. E vjetra apo e reja këtu është thjesht biologji dhe nuk është absolutisht asgjë tjetër", Rama.

Për lajme të tjera kërkoni në arkiv