• VIDEO

    Berisha justifikon pjesëmarrjen e ulët në protestë: U mblodhëm me thirrje të shpejt, protesta deri në rrëzimin e regjimit të Ramës

    Sali Berisha ka paralajmëruar protesta për rrëzimin e asaj që ai e quan regjimi i Edi Ramës, e ndërsa justifikon edhe pjesëmarrjen e ulët.

    “Këto 8 vite ne u vodhëm dhe plackitëm më shumë se të gjithë qytetaret e Europës me bastë dhe të Europës, pasuria u shndërrua në pasurinë e ministrave, afera 3 mln euro e djegësit të Elbasanit është thjesht një kafe e mëngjesit, Lefter Koka një hajdut i dobishëm. Ligjet u shkelën një e nga një, SPAK të cilit tani Lulzim Brava po i thur lavde kërkon të mbyll, t’i vërë kapak aferës me 3 mln euro të vjedhura, jemi këtu të betohemi para njëri tjetrin se s’do të ndërpresim protestën gjerisa regjimi i Ramës të vendoset para ligjit. U mblodhëm me një thirrje të shpejt, por ne arritëm të rivendosim në piedestal monumentin e pluralizmit që mori peng Rama, ky ortek nga ndalet më, ndaj dhe më lejoni që ta paralajmëroj Edi Ramën, mos guxo të dalësh para, mos mendo se me pakicë mund të shtypësh shumicën”, tha Berisha.

  • VIDEO

    Plas grushti te protesta e Berishës

    Dy mbështetës të Berishës janë përfshirë në një sherr me njëri tjetrin në protestën e sotme. Ata kanën goditur me grushte e shqelma njëri-tjetrin.

    •  
  • VIDEO

    Këlliçi nga protesta e Berishës: Rama duhet të ishte mes jush, por po darkon shtrenjtë me mikun e tij Vuçiç

    Duke folur nga protesta e Sali Berishës, Belind Këllici tha se Edi Rama duhet të ishte mes protestuesve, por ai po darkon me presidentin serb, Vuçiç.

    "Jam i lumtur që sot PD i është rikthyer sheshit, protestës, betejës për Shqipërinë sovrane!Rama Ik! Rama Ik! Nuk mund të ketë integrim në BE me Ramën! Jam krenar që vetëm me një njoftim në rrjetet sociale, ky shesh është mbushur me shqiptarë. Jam krenar që zemra e shqiptarit rreh fortë për të mbrojtur Shqipërinë në të gjithë trojet. Rama, ti Vuçiç mund ta kesh mik të zemrës, por s'mund t'ia shesësh shqiptarëve si mik. Ne e kemi me korrupsionin që mban emrin, Edi Rama. Do të heqim nga qeveria, që e ke korruptuar. Rama hiq dorë nga largimi masiv që po i bën të rinjve shqiptarë. Ke larguan 110 mijë të rinj. Për herë të parë ke futur Shqipërinë për emigrimin e shqiptarëve nën 18 vjeç. Në vend që Rama të jete mes jush, ai darkon me pjata të shtrenjta me vëllanë e tij Vuçiç. Ne jemi pro procesit të Berlinit dhe kundërt "Ballkanit të hapur'. Jemi forca që rilidhi marrëdhënien me SHBA, jemi pro amerikan dhe pro bashkimit Evropian.", tha Këlliçi.

  • VIDEO

    Tritan Shehu: 'Ballkani i Hapur', përpjekje për ta degdisur Shqipërinë në lindje! Aspirojmë të ardhmen europiane, jemi forca më pro-perëndimore

    Tritan Shehu, nga protesta e Sali Berishës u shpreh se 'Open Ballkan' po tenton ta kthejë Shqipërinë drejt lindjes. Sipas Shehut, ata duan marrëdhënie të mira me fqinjët, por shtoi se duan që ato të udhëhiqen nga procese Europiane. Shehu shtoi se lëvizja e nisur nga Berisha, është më pro-europiane dhe më pro-amerikane.

     
  • VIDEO

    Vokshi në protestën e Berishës: Pavarësia e Kosovës luftohet sot nga Vuçiç, e papranueshme që Rama është me të

    Deputetja e PD-së, Albana Vokshi në fjalën e saj në protestën e Berishës tha se sot pavarësia e Kosovës po kërcënohet nga Presidenti serb, Aleksandar Vuçiç. Sipas Vokshit, është e papranueshme që kryeministri Edi Rama është sot me Vuçiç, në vend që të ishte në protestë.

     
  • VIDEO

    Nishani: Kjo protestë kundër hajnisë (Vuçiç) dhe tradhtisë (Basha)

    Ish-presidenti Bujar Nishani në fjalën e tij nga protesta e Berishës tha se të gjithë qytetarët janë mbledhur këtu kundër hajnisë, duke quajtur kështu Vuçiç dhe tradhtarit, që quan Lulzim Basha.

    “Pranisë fizike i bashkohen qindra mijëra patriot shqiptar kudo në botë, juve sonte iu ka bashkuar një mision i madh, por edhe fisnik, i vështirë, por i thjeshtë për ta marrë përsipër, dalja Zot e fatit tuaj, të familjeve tuaja, ju sonte në këtë shesh dhe në këtë betejë që po nisni iu ka bashkua misioni për të luftuar hajninë dhe tradhtinë bashkë, një qeverisje e mbrapshtë nuk ka punuar asnjë minutë për ju, por për xhepin e saj”, tha ndër të tjera Nishani.

  • VIDEO

    Bumçi mban fjalën i pari në protestën e Berishës: Rama po e shet Vuçiç si lider Europian, Ballkani i Hapur synon izolimin e Kosovës

    Aldo Bumçi ishte i pari nga mbështetësit e Sali Berishës që mbajti fjalën në protestën para kryeministrisë.  Sipas tij, Ballkani i hapur është vetëm për të izoluar Kosovën.

    “Ata që bënë aleancë me krimin, duan t’i paraqesin para botës sikur të jenë garantuesit e vlerave europiane, ballkani i hapur, dhunuesit më të mëdhenj t’i paraqesin si vlera të mëdha. Pas projektit për ndarjen e Kosovës, vazhduan me Ballkanin e Hapur, duan të realizojnë izolimin e Kosovës, është fasada që Rama i jep Vucic, ai flet për Botën Serbe, që po nxit konflikt në Bosnje, Rama i bën fasadën që e nxjerr si lider Europian. Pazare për pushtet, nuk është projekt Europian”, tha Bumçi.

  • VIDEO

    Ish-deputetja e LDK në protestën e Berishës: 'Ballkani i hapur' si Jugosllavia e re! Vuçiç kritikon Millosheviçit sepse nuk shfarosi shqiptarët deri në fund! Rama të shpallë nul nismën

    Ish-deputetja e LDK-së, Melihate Tërmkolli tha se "Ballkani i hapur" synon të bëhet një Jugosllabi e re. Ajo tha se presidenti serb Aleksander Vuçiç është kritikuesi më i madh i Millosheviçit, jo për shkak të gjenocidit, por sepse nuk i shfarosi ata deri në fund.

    përmes fjalës së saj ajo i kërkoi kryeministrit ta shpallte këtë nismë nul.

    "Sot ne këtu dhe gjithnjë do ta kundërshtojmë me gjithë fuqinë tonë dhe fuqia jonë nuk është e vogël, është e madhe. Do ta kundërshtojmë në vazhdimësi, këtë pakt për "Ballkanin e hapur", për atë që do të thotë Jugosllavi e re. Kjo nuk do të ndodh. Vuçiç, a dini ju që ai është ndër kritikuesit më të mëdhenj të Millosheviçit?!  Jo për shkak të gjenocidit ndaj shqiptarëve, por sepse nuk i shfarosi ata deri në fund dhe nuk i hodhi në det. kam dëgjuar që thonë nëse Serbia e njeh Kosovës, do të pranojmë Ballkanin e hapur. Kurrë! Edhe nëse Serbia e njeh Kosovës, nuk do e njohim. Rama duhet ta shpalli nul këtë veprim, nuk e duron Kosova dhe Shqipëria këtë paktë. Ne shqiptarët kemi vetëm një pakt dhe një lidhje direkte me SHBA dhe Europën. SHBA është me popullin shqiptarë, ndërsa shqiptarë me Sali Berishën. Shqipëria ka 2 liderë. ë madhin presidentin Ibrahim Rrugova dhe liderin aktual, Sali Berisha.", tha ajo.

  • VIDEO

    Edith Harxhi në protestën e Berishës: 'Ballkani i Hapur', një përrallë e shëmtuar! Kombi ynë në rrezik nga Rama dhe Vuçiç

  • VIDEO

    Report Tv siguron pamjet, Sali Berisha braktiset totalisht nga mbështetësit! Më pak se 1000 veta në shesh

    Më pak se 1000 vetë ka mbledhur ish-Kryeministri Sali Berisha në protestën e sotme të organizuar prej tij para Kryeministrisë.

    Report Tv ka siguruar pamje ku duket qartë dështimi i ish-Kryeministrit, i cili ka nisur aksionin që sipas tij do ta rikthejë si drejtues i vendit.

     
  • VIDEO

    Protestuesit e Berishës si huligan, grisin dhe djegin flamurin serb që ishte vendosur për vizitën e Vuçiç

    Protestuesit grisin dhe djegin flamurin serb.

    •  
  • VIDEO

    Protesta 'anti Vuçiç', Berisha shmang selinë e PD, i bashkohet protestuesve në marshimin për te Kryeministria

Për lajme të tjera kërkoni në arkiv