-
VIDEO
Largimi nga drejtimi i degës së PD në Fier, Luan Baçi: Nuk më është njoftuar shkarkimi
Deputeti i PD-së, Luan Baçi ka reaguar pas lajmit se ai nuk do të jetë më në krye të degës së PD në Fier dhe se në vend të tij është emëruar Agron Kapllanaj. Pasi ka zhvilluar një mbledhje urgjente me kryesinë e PD në Fier, Baçi tha për mediat se atij nuk i ka shkuar asnjë njoftim zyrtar për shkarkimin.
Ai shprehet po ashtu se ka zhvilluar mbrëmë një takim me kryedemokratin Lulzim Basha, ku i është kërkuar dakordësia për komandimin e dikujt tjetër, dakordësi të cilën shprehet se nuk e ka dhënë.
-
VIDEO
Sot mbledhja e radhës e Komisionit e Hetimor të 25 prillit, PD: Socialistët e bojkotuan, por s’na pengojnë për të faktuar vjedhjen e zgjedhjeve! PS: Nuk ishim njoftuar
TIRANË- Mbledhja e radhës e Komisionit Hetimor të zgjedhjeve ka përplasur sërish Partinë Demokratike dhe Partinë Socialiste, pasi nuk u plotësua kuorumi i nevojshëm për ta zhvilluar atë. Për këtë debat, palët kanë pretendime të ndryshme, ku sipas kryetarit të Komisionit, Enkeled Alibeaj, socialistët e kanë bojkotuar mbledhjen pasi nuk duan të dalë e vërteta për vjedhjen e zgjedhjeve të 25 prillit.
Mirëpo, përmes një reagimi, Partia Socialiste ka hedhur poshtë pretendimet e opozitës, duke thënë se nuk u paraqitën në mbledhje pasi nuk ishin njoftuar 24 orë përpara nga kryetari. Sipas nënkryetarit të Komisionit, Toni Gogu, në mbledhjen e kaluar që u zhvillua dy ditë më parë nuk u votua që Komisioni të mblidhej ditën e sotme, por PS kishte propozuar për mbledhje ditën e enjte.
-
VIDEO
Kriza, Ministria Energjisë: Grant për program pilot në 4 bashki për kursim dhe eficencë! Ka vështirësi për sigurimin e energjisë në tregun e huaj
Ministrja e Energjisë, Belinda Balluku tha se po punohet për mbështetjen e bashkive me energji inteligjence, ku në fillim plan do të zbatohet në 4 prej tyre. Balluku tha se ka vështirësi në sigurimin e energjisë elektrike, por që po punohet qe vendi të mos ketë asnjë shkëputje të energjisë elektrike.
-
VIDEO
Mbledhja e qeverive Shqipëri-Kosovë mbahet javën e fundit të nëntorit në Durrës
Ministrja e Jashtme, Olta Xhaçka tha se mbledhja e përbashkët e dy qeverive Shqipëri-Kosovë do të bëhet javën e fundit të nëntorit në Durrës. Në këtë do të bëhet një rikalim i 86 marrëveshjeve të lidhura deri më tani mes dy vendeve dhe të fokusohemi në fushat e tjera të bashkëpunimit. Xhaçka tha se të ngrihet një grup pune për zbatimin e marrëveshjeve në fuqi dhe përpilimin e planeve për marrëveshjet e reja që do të bëhen në të ardhmen.
-
VIDEO
Basha kritika drejtësisë së re: SPAK meriton 0, është shpenzuesi më i madh i parave të shqiptarëve
Kryetari PD-së Lulzim Basha ka kritikuar institucionet e drejtësisë, dukë thënë se SPAK ka shpenzuar miliona taksa të shqiptarëve dhe ka 0 rezultat.
‘SPAK mertion 0! Është shpenzimi më i madh i parave të shqiptarëve. SPAK qilim kuqi, për shkak të paradave që bën. Që të fillojë punën për të cilën paguhet, ruhet me makina, speciale, u kanë dhënë staf mbështetës, sekretare, po ju japim një shans për të cilin janë investuar taksat e shqiptarëve, amerikanë e europianëve. Po dëshmojmë se jo vetëm që nuk u trembemi institucioneve të drejtësisë, por po i mbështesim që të vijojnë punën.’- tha Basha.
-
VIDEO
Basha: 95 % e demokratëve më duan! Nuk dal në bazë se s'dua të vë para inferioritetit Berishën
Kreu I PD-së. Lulzim Basha kur pyet për përçarjen brenda PD, ku Berisha ka dalë me 'Foltoren' e tij dhe pse nuk jep dorëheqjen tha se ai ka 95 % mbështetjen e demokratëve dhe se nuk do të dalë në bazë para anëtarësisë pasi nuk do të vë para inferioritetit Berishën.
-
VIDEO
A ka PD propozim për hartë të re të ndarjes territoriale? Basha: Po punojmë, kemi ngritur një grup që drejtohet nga Bardhi
Një grup pune i ngritur në Partinë Demokratike dhe që drejtohet nga Gazment Bardhi po punon për një propozim për hartën e re të ndarjes territoriale të Shqipërisë.
"PD ka ngritur një grup të brendshëm të kryesuar nga Sekretari i Përgjithshëm me ekspertë nga më të mirët. Finalizimi i një dokumenti të brendshëm pune do të ecë në paralel me kërkesën tonë për ngritjen e komisionit të reformës territoriale. Të zhbëjmë atë që u bë dhe që sot qytetarët e vuajnë sepse ndonjëherë duhet të udhëtojnë qindra kilometra për të marrë një shërbim", tha Basha në konferencën për shtyp.
-
VIDEO
Basha: Kryeministër jo më shumë se 8 vite! Presidenti të zgjidhet nga populli
Lulzim Basha tha se një kryeministër nuk mund të qëndrojë më shumë se 8 vite dhe presidenti duhet të zgjidhet nga populli.
“I qëndroj asaj që thash që mandati i kryeministrit duhet të jetë jo më shumë se 8 vite. Besoj se një president nga populli është një opsion që nuk duhet përjashtuar", tha Basha.
-
VIDEO
Vettingu i politikanëve, Basha: Nuk do kthehet në ‘gjueti shtrigash’, por do të pastrojë politikën nga krimi organizuar
Kryetari i Partisë Demokratike Lulzim Basha tha gjatë një deklarate për mediat, vettingu i politikanëve do të bëhet në kushtet e proporcionalitetit dhe respektimit të të drejtave të njeriut, dhe nuk do të kthehet në gjueti shtrigash. Basha tha se e gjitha kjo do të garantojë pastrimin e politikës nga krimi.
‘Ky objektiv ka qenë i 2018 , është edhe sot. Ka një ndryshim themelor. Komisioni i Venecias ka thënë se qëllimi pse kërkohen këto ndryshime është i përligjshëm. Ka kërkuar që një proces i tillë të bëhet në kushtet e proporcionaliteti dhe respektimit të të drejtave të njeriut dhe mos të kthehet në një gjueti shtrigash, por të garantojë pastrimin e politikës nga ato politikanë të lidhur më krimin e organizuar, të cilët nuk i shërbejnë qytetarëve. Këtë detyrë ja kalojmë SPAK. Funksionimi i të cilit është në provë, janë investuar milionat e taksapaguesve, amerikanë, europianë dhe shqiptare, por edhe shpresa atyre ku politikanët e korruptuar nuk promovohen, por ndëshkohen. Të shkëputet krimi i organizuar nga politika. Ky është momenti që të ndahet shapi nga sheqeri. SPAK të marrë si fillim këta 200 e sa politikanë të lartë dhe t’i fusë në sitën e kontrollit të imtësishëm sa i përket lidhjes me krimin e organizuar, familjarëve, apo personave të tretë. Ajo që duhet është vullneti politik dhe ky është vullneti i PD-së. Edhe nëse do kisha votat, duhet te kishin konsensusin e të dyja palëve. Kush është i lidhur me krimin e korrupsionin duhet të ikë, s’ka rëndësi është demokrat ose socialist.’- tha Basha.
-
VIDEO
Ndryshimet kushtetuese , PD dorëzon në Kuvend amendamentet! Basha: T'i çojmë shërbimet te qytetarët, të zhbëjmë ndryshimet e 30 korrikut dhe vetting politikanëve
Partia Demokratike ka dorëzuar në Kuvend amendamente për ndryshimet Kushtetuese për 3 çështjet kryesore, atë për reformën zgjedhore, reformën territoriale dhe vettingun e politikanëve
-
VIDEO
Progres raporti i KE, Zef Mazi: Negociatat do zhvillohen me metodologjinë e re, po nuk pati progres do të cilësohet si regres! Të përgatitur që kjo të mos ndodhë
Kryenegociatori i Shqipërisë për Integrimin, Zef Mazi tha se negociata për Shqipërinë po zhvillohen me metodologjinë e re që nëse nuk ka progres do të cilësohet regres dhe kjo mund të nis negociatat për një çështje nga fillimi. Megjithatë Mazi tha se Shqipëria është e përgatitur teknikisht dhe politikisht që kjo të mos ndodhë dhe BE të jap një datë deri në fund të vitit për konferencën ndërqeveritare.
"Është ndjekur realizmi i planit kombëtarë të integrimit. Për 2020 Shqipëria realizon 89 % të planit, për 2021 procesi është në ndjekje nga afër. Negociata do të bëhen me metodologjinë e re që do të jetë më rigoroz dhe në kohë që nuk do të ketë progres do të quhet automatikisht regres. Në këtë rast negociatat nisin nga fillimi, por ne jemi të përgatitur teknikisht dhe politikisht që kjo të mos ndodhë. Shpresoj se BE të gjet forcën e duhur tani dhe fundi i vitit të mos na gjejë duar bosh", tha Mazi
-
VIDEO
Bylykbashi: E thotë dhe OSBE-ODIHR nuk kishim as zgjedhje të lira as të ndershme ! SPAK-u duhet të godiste shitblerjen e votës
Në mbledhjen e Këshillin të Integrimit, deputeti i Partisë Demokratike Oerd Bylykbashi u ndal te zgjedhjet e 25 prillit. Bylykbashi tha se këto zgjedhje edhe sipas raportit të OSBE-ODIHR nuk ishin as të lira as të ndershme. Sipas Bylykbashit pati një përsëritje të shkeljeve dhe se problem mbetet edhe shitblerja e votës si dhe mos ndëshkimi i saj nga SPAK.
‘Raporti më i mirë ka qenë në 2009. Është përsëritur në këtë raport shkeljet e një numri të OSBE-së. U bë kontroll mbi zgjedhësit ndërmjet të dhënave personale. Problem mbetet shitblerja e votës dhe nuk kemi dënime. Këto zgjedhje nuk ishin as të lira as të ndershme, këtë e thotë edhe OSBE-ODIHR. Është ngritur një sistem gjigand për të kontrolluar votuesit për të kontrolluar zgjedhësit. Kemi ndryshim të sistemit zgjedhor në mënyrë të njëanshme. Është detyra e shtetit të garantojë zgjedhje të lira e të ndershme, por kemi ndërhyrje sistematike të shtetit në procesin zgjedhor. Zgjedhjet e 25 prillit ishin maksimumi. SPAK-u duhet të godiste shitblerjen e votës, nuk e bëri dhe as nuk e parandaloi. Garancitë që prodhuan në mënyrë të qëllimshme dështuan.’- tha Bylykbashi.