-
VIDEO
DOSJA 'Plumbi i artë'/ Ndryshoi ditët e lejes vjetore si alibi! Si futi në kurth ish-shefi i policisë babë e bir për vrasjen e Emiljano Ramazanit, që të shpëtonte Erion Alibej
Mes të ndalurve në kuadër të megaoperacionit të SPAK është edhe Leonard Palushi, ish-shef policie në Elbasan, aktualisht polic në Lezhë. Sipas burimeve, Palushi shiste informacion te grupet kriminale dhe dekonspironte aksionet . Ai është një personazh i njohur për mediat, pasi ai ka parë me sy vrasjen e nënkomisarit Saimir Hoxha nga 21 vjeçari Aldi Rama.
-
VIDEO
97-vjetori i themelimit, KLSH hap dyert për publikun, mundësi për t’u njohur me historikun dhe biseduar me audituesit
Kontrolli i Lartë i Shtetit kremton 97-vjetorin e themelimit në 25 maj 2022, organizon aktivitetin “Java e hapur për publikun” nga data 23 deri më 27 maj 2022, qytetarët mund të bisedojnë me audituesit më të lartë që kanë kontrolluar veprimtarinë financiare të ministrive, drejtorive dhe bashkiave.
-
VIDEO
Godet Spak-u, frikë nga 'plumbi i artë'
-
VIDEO
Dëshmon shoku para prindërve për zhdukjen Edison Bakos/’Ne arritëm në Angli, ai pati frikë
Edison Bako është 21-vjeçari, i cili rezuton i humbur që prej 5 shkurtit të 2022. I riu nga Kuçova ndodhej në shtetin gjerman që prej fillimit të muajit tetor të një viti më parë. Në një lidhje live e motra Mimoza Bako tha se kur foli për herë të fundit me vëllanë ai i kishte pohuar se po tentonte të kalonte ilegalisht drejt Anglisë, aty ku ndodheshin edhe shokët e tij. Pasditen e sotme emisioni 'Pa Gjurmë' u lidh me disa prej shokëve të Edisonit, të cilët dhanë një vendndodhje të mundshme të 21-vjeçarit. Dëshmia 1- Përshëndetje emisioni 'Pa Gjurmë'! Unë që po ju shkruaj kam një informacion për të humburin Edison Bako. E kam takuar atë në Dortmund të Gjermanisë dhe e kam marr tek shtëpia ime, ku ka qëndruar një natë. Të nesërmen e kam nisur për në Belgjikë. Më pas kam ikur edhe vetë në Belgjikë, ku kemi qëndruar sëbashku për dy javë në Bruksel. Pas dy javësh, unë jam nisur për në Angli e ndërsa ai ka qëndruar edhe për dy javë të tjera dhe më pas niset për Angli, por nuk mundi të kalonte. Atë e kapi policia e Holandës dhe u kthye sërish në Bruksel, pasi kishte letra azili në atë qytet. Pasi u kthye qëndroi dy ditë dhe iku në Gjermani, në Hamburg ku filloi punë në një kompani ndërtimi. Prej tre javësh i kam humbur kontaktet edhe unë me të, por jam i sigurtë që ai ndodhet ende në Hamburg, të Gjermanisë. Dëshmia 2- Kam qëndruar me Edison Bakon në Belgjikë, në muajin tetor të vitit të kaluar. Kam qëndruar 1 muaj në një dhomë me të, më pas unë kam shkuar në Angli. Kur pashë emisionin pyeta një shokun tonë të përbashkët, i cili më pohoi se deri para një jave ai ka qenë shëndoshë e mirë në Berlin
-
VIDEO
Gropa karstike, fenomen karakteristik i Dumresë, banorët: Është bllokuar rruga, rrezikojnë banesat
Gropa karstike e hapur së fundmi në fshatin Cestije të Belshit është një fenomen i zakonshëm natyror, për shkak të përbërjes gëlqerore të tokës. Por banorët ndjehen të rrezikuar për shkak se ndodhet afër banesave.
-
VIDEO
Conference League, zv.ministri i Brendshëm: Më 25 maj kemi bllokuar qarkullimin në Tiranë, do lejohen vetëm mjetet e urgjencës
Në prag të finales së Conference League mes ekipit të Romës dhe Fejnord në Tiranë, zëvendësministri i Brendshëm Julian Hodaj është shprehur se në pjesën më të madhe të rrugëve të kryeqytetit nuk do të lejohet kalimi i automjeteve. Hodaj thekson se në Tiranë do të lejohet vetëm kalimi i mjeteve të urgjencës e policisë së shtetit.
-
VIDEO
'Këtu ndodh gjithçka? Jam xheloz' Nga vizatimet, te topi i basketbollit dhe libri për Shqipërinë komuniste! Rama i prezanton zyrën Michel
Kryeministri Edi Rama ka publikuar një video nga momenti kur i prezanton zyrën e tij kur u prezanton zyrën e tij Presidentit të Këshillit Europian, Charles Michel.
“Këtu ndodh gjithçka? Jam xheloz”, tha MIchel, teksa Rama po i tregonte me detaje gjithçka.
Gjatë "turit" në zyrë presideti i KE vuri re një top basketboll, ndërsa po kërkonte një kosh.
"Ja edhe topat e basketbollit.", tha ai
Në momentin kur nuk e priste, Rama i hapi një derë në zyrë dhe i tregoi koshin e basketbollit. MIchel menjëherë provoi të bënte kosh.
"Vualah", i tha Rama sapo ai beri koshin.
Gjatë bisedës kryeministri i dhuroi edhe një libër MIchel. Libri nga shkrimtare shqiptare flet për fëmijërinë e saj në Shqipërinë komuniste.
-
VIDEO
Tatim progresiv ose taksë fikse për profesionet e lira, Ibrahimaj: Ofrojnë shërbim dhe s’taksohen! Do ndryshojë tatimi i të ardhurave personale e i dividentit
Qeveria po mendon 2 altenativa se si do të taksojë profesionet e lira. Strategjia e parë flet për një tarifë me fasha në varësi të të ardhurave, njëjtë si për të punësuarit e tjerë. Por nuk përjashtohet edhe vendosja opsionale e një tarife fikse për të gjitha profesionet e lira.
-
VIDEO
DOSJA 'Plumbi i artë'/ Porosia e Suel Çelës, ditën që mbeti i plagosur Nuredin Dumani ishte nisur për të vrarë Elton Kilën! A u fut në kurth? Rrëfimi i Henrik Hoxhajt: Mora 70 mijë euro
Ditën e 29 marsit 2022, kur mbeti i plagosur dhe më pas u arrestua, Nuredin Dumani ishte nisur për të vrarë Elton Kilën. Porosinë për vrasjen e Kilës, një njeri i njohur për institucionet ligjzbatuese si i dënuar më parë.
Në dosjen e siguruar nga Shqiptarja.com dhe Report Tv jepen detaje të plota mbi këtë ngjarje, që ishte edhe preludi i zbardhjes së gjitha këtyre krimeve monstruoze pasi solli arrestimin e Dumanit dhe Henrik Hoxhaj, të cilët u bënë më pas të penduar të drejtësisë.
Këtë ngjarje për SPAK e ka zbardhur Henrik Hoxhaj i cili ka thënë se Nuredini ka ardhur nga Kosova që të mbaronin një punë për të cilën e kishte porositur më parë. Më tej Henriku ka shpjeguar se ka vajtur disa herë në Elbasan që të vriste personin foton e të cilit ia kishte dërguar Nuredini me foto.
Nuredini i ka premtuar se do të paguhej 70 000 Euro. Pasi ka studiuar terrenin e ka parë të vështirë që ta vriste vetëm këtë person dhe në këtë mënyrë ka ardhur Nuredini që ta kryenin bashkë vrasjen.
Më datë 26 mars 2022 kanë vajtur me Nuredinin për të vrarë personin në fjalë por nuk e kanë parë. Më tej Henriku shpjegon se kanë vendosur të shkojnë në Elbasan 3 ditë më vonë, më 29 mars për të mbaruar punën….
Por teksa janë nisur me makina të ndryshme, Hoxhaj tregon se në një moment ka marrë një mesazh nga Dumani që i ka thënë se e kanë plagosur. Më pas ai e ka marrë dhe e ka ccuar në Fier dhe ka kërkuar ndihmë mjekësore.
Nuredin Dumani në lidhje me këtë ngjarje ndër të tjera ka shpjeguar se ka qenë Suel Çela që i ka kërkuar që të vrasë Elton Kilën (Otin). Sueli i çonte foton e Otit në telefon. Duke qenë se Henriku nuk po e gjente Otin Nuredini ka ardhur vetë nga Kosova. Në deklarimet e tij shtetasi Nuredin Dumani ka shpjeguar hollësisht rrethanat lidhur me këtë fakt penal dhe personat e përfshirë në kryerjen e këtij akti.
-
VIDEO
U kap duke transportuar 6 emigrantë të paligjshëm, vihet në pranga 39-vjeçari në Pogradec
Një 39-vjeçar nga Pogradeci është arrestuar pasi u kap duke transportuar 6 emigrantë të paligjshëm me një makinë të llojit "Audi A3".
Mësohet se 39-vjeçari me iniciale A.A i kishte premtuar emigrantëve se do t’i siguronte kalimin drejt vendeve të BE-së, duke i marrë nga 120 euro.
-
VIDEO
DOSJA ‘Plumbi i artë’/ Si kërkuan 4 emrat e njohur të botës së krimit ‘kokën’ e Sokol Sanxhaktarit, dhëndrit të Qazim Sejdinit! Në tavolinë 200 mijë euro, i ndoqën lëvizjet
Nuredin Dumani në dëshminë e tij për SPAK ka rrëfyer detaje për një atentat që do t’i bëhet Sokol Sanxhaktarit, me kërkesë të 4 emrave të njohur të krimit Vrasja e tij do të bëhej për shkak se ishte i lidhur me Suel Çelën dhe do të paguhet 200 mijë euro.
I penduari i drejtësisë Henrik Hoxhaj ka thënë se ai ka biseduar me Nuredinin në kohën kur ishin tek shtëpia e tij para vrasjes së vëllezërve Haxhia.
“Gjatë një bisede Nuredini më tha se kishte marrë një ofertë për vrasjen e shtetasit Sokol Sanxhaktari që ishte dhëndri i kryebashkiakut të Elbasanit Qazim Sejdini. E lamë për të takuar shtetasin Bled Muça pasi Nuredini e kishte marrë porosinë prej këtij shtetasi. Takimi me Bledin nuk u realizua pasi u realizua vrasja e vëllezërve Haxhia. Në lidhje me përgatitjen për vrasjen e Sokolit, Nuredini kishte çuar njerëz për të marrë informacion mbi lëvizjet e tij dhe kishte mësuar se Sokoli dilte në mëngjes ose mbasdite i shoqëruar nga një person i armatosur, me makinë që të dy. Për ta takuar Bled Muçën do shkonim të dy kurse për ta bërë punën do ta bëja unë sepse nuk doja që lekët të ndaheshin me persona të tjerë. Ai që do të përdorej si shofer në vrasje do të ishte dhe informatori për lëvizjet e Sokolit. Unë do të merrja 150.000 euro ndërsa shoferi 50.000 euro. Kjo shumë më është thënë mua nga ana e Nuredinit. Nuk e di arsyen se përse do të kryhej vrasja. Unë nuk kam kryer asnjë takim me asnjë person përveç se me Nuredinin”, ka thënë ai.
Prokuroria në kërkesën e paraqitur arsyeton se: Tërësia e këtyre provave krijon dyshimin se shtetasit Nuredin Dumani, Florenc Çapja, Eljo Bitri, Vis Korçari dhe Bledar Muça (aktualisht i vdekur), kanë konsumuar elementë të veprave penale të “Sigurimi i kushteve dhe i mjeteve materiale për të kryer vrasje”, në dëm të shtetasit Sokol Sanxhaktari, kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 80, 28/4, 333/a/1, 334 të Kodit Penal.
-
VIDEO
DOSJA ‘Plumbi i artë’/ U pagua 150 mijë euro, kush e porositi Dumanin të vrasë administratorin e shkollës 'Willson' në Tiranë
Nuredin Dumani kërkoi 200.000 Euro nga shoku i Suel Çelës për të vrarë administratorin e shkollës private në Tiranë, por ai i ka ofruar shumën prej 150.000 Euro. Për herë të parë, del emri i Suel Çelës pas atentatit të dështuar ndaj pronarit të shkollës private “Wilson” ngjarje e ndodhur më 18 janar 2022 në Tiranë. Sipas dëshmisë së të penduarit të drejtësisë, Nuredin Dumani, porosia i është dhënë nga Suel Çela, por në fakt vrasjen e Lulzim Mashës e kërkonte një mik i Çelës, emrin e të cilit Dumani nuk e bën të ditur, pasi thotë se i kishte vetëm numrin e telefonit.
Skerdi Tasi është arrestuar për këtë ngjarje, ndërkohë që vetë biznesnmetni Masha është shprehur se për gati një javë para se të qëllohej është ndjekur dhe është ndjekur dhe është mbajtur në vëzhgim nga një person.