• VIDEO

    Fushë-Kruja me qendër karantinimi 'fantazmë' që kushtoi 1 mln euro! Vatër e infeksionit, ngordhin pulat nga gripi i shpendëve

    Fshati Halil në Fushë-Krujë është sot vatër e infeksionit të gripit të shpendëve. Në ferma kanë ngordhur disa shpendë, ndërsa janë marrë masa për groposjen e tyre. Por si për ironi të fatit, 4 vite më parë në këtë zonë u ndërtua një qendër karantinimi me vlerë 1 milionë euro, por që nuk është vënë asnjëherë në funksionon. Qendra asokohe është inauguruar nga ish-ministri i LSI, Panariti

  • VIDEO

    Të përfituara nga aktiviteti kriminal, sekuestrohen pasuri me vlerë 3 mln € në pronësi të tre biznesmenëve, dy prej të cilëve vëllezër! Të përfshirë më parë në skema mashtrimi

    Policia ka sekuestruar pasuri me vlerë rreth 3 milionë euro, në pronësi të biznesmenit Gëzim Sallaku, vëllait të tij Saimir Sallakut dhe të një personi tjetër, me të cilin dy vëllezërit kanë lidhje shoqërore.

  • VIDEO

    ‘Jep alarmin për t’i dhënë fund!’, fushata e BE për ndërgjegjësimin e qytetarëve për të luftuar korrupsionin

    Qytetarëve shqiptarë u bëhet thirrje të japin alarmin kur konstatojnë raste të korrupsionit. ‘Jep alarmin për t’i dhënë fund!” është fushata e nisur me mbështetjen e BE për sensibilizim.

  • VIDEO

    Kurti: Të hyjmë në BE si rajon i përbashkët sa i përket ekonomisë dhe tregtisë! Serbia po mban peng veten duke mos njohur Kosovën

    Kryeministri i Kosovës, Albin Kurti ka dhënë një propozim të tij se si mund të integrohen vendet e Ballkanit Perëndimor në BE, teksa tha se Serbia po mban peng veten e saj duke mos njohur Kosovën.

    “BE nuk është Europë, se nuk është i plotësuar me 6 vendet e Ballkanit Perëndimor, ne jemi popull më Europian në Europw, të gjitha nismat rajonale po ngecin se mungon njohja e Kosovës nga Serbia, njohja nga Serbia do krijonte situatën në të vilën të gjitha vendet do të bashkëpunonin më shumë. Në këtë aspekt nuk mjafton vetëm tregu i përbashkët, por vlerat e BE duhet të vendosen edhe në raport me të gjitha shtet, barazia, lufta e korrupsionit, investimet në ekonomi, sundimi i ligjit e kështu me radhë, dhashë edhe një propozim si mund të ecim përpara dhe ky është modeli i marrëveshjes europiane, EFTA, që ne të hyjmë si rajon i përbashkët në BE sa i përket Ekonomisë dhe Tregtisë që në fund të kësaj të dekade të ishim të gatshëm të hynim në BE. Nuk ka më më minishengen, por procesi i Berlinit”, tha Kurti.

  • VIDEO

    Tritol godinës në ndërtim në Vlorë te ‘Uji i ftohtë’, pronari jeton jashtë Shqipërisë prej vitesh

    VLORË- Një palalt në ndërtim ka shpërthyer gjatë natës, pasi persona të paidentifikuar kishin vendosur një sasi lëndë plasëse. Ngjarja ka ndodhur në lagjen “Uji i Ftohtë” në  Vlorë, ku ndërtesa ishte në pronësi të D. K., i cili prej vitesh jeton jashtë vendit. 

    Në këtë objekt punimet ishin ndërprerë prej disa muajsh, e ndërsa sa sa mësohet paraprakisht lënda plasëse ishte vendosur në sasi të vogla.Kjo ngjarje nuk ka një autor, teksa grupi hetimor veprimet për identifikimin dhe kapjen e autorit.

  • VIDEO

    'Boshatiset' Infektivi, vetëm 20 të shtruar! Rrëfimi i Najada Çomos para se të marrë mandatin

    TIRANË- Spitali Infektiv ishte i pari që priti e trajtoi te sëmurët më COVID -19 dhe për këtë shkak u quajt COVID-1.

     Që në fillimet e pandemisë Report Tv ka ndjekur nga afër herë pas here betejën e bluzave të bardha për të shpëtuar të prekurit nga koronavirusi. Report Tv u ka afruar shikuesve nga ky spital, trajtimin dhe përjetimet e të sëmurëve në kulmin e pandemisë.

    Edhe sot kur Infektivi është i vetmi spital që pret e trajton të infektuarit, Report TV sjell atë cfarë ndodh në pavionin me 20 pacientë të shtruar.

    Doktoreshë Najada, pas një kohe të gjatë, është fiks një vit e tre muaj, që kur rasti i parë erdhi pikërisht në Spitalin Infektiv. Gjatë muajve të fundit oborrin e kemi parë të mbushur plot me Urgjenca që vinin, sillnin të sëmurë të cilët kishin nevojë për ndihmën tuaj dhe të të gjithë mjekëve të Spitalit Infektiv. Ndërkohë sot e shohim situatën fatmirësisht krejt ndryshe, të qetë. Si mund ta përshkruani këtë eksperiencë?

    Sigurisht vijmë pas një periudhe kohore një vit e tre muaj fiks, sikurse e thatë ju, sot. Një kohë e gjatë, e cila ka pasur brenda një mund dhe një punë të jashtëzakonshme të të gjithë stafit mjekësor të Spitalit Covid 1, dhe sigurisht këtu përfshihet brenda dhe Qendra Kombëtare e Urgjencës që ka qenë prurësi i pacientëve me Covid-19. Për disa duket e largët, për disa duket e afërt, por sot jemi para një realiteti të ri që kemi një fluks të minimizuar të pacientëve që kërkojnë ndihmën për infeksionin nga Sars-Cov-2. Pra, realisht kemi ulje drastike të numrit të rasteve.

  • VIDEO

    Nesër dita e fundit e regjistrimit në kopshte dhe çerdhe, drejtoresha në Tiranë: Shërbimi do vijojë normal edhe gjatë verës!

    Dita e nesërme është afati i fundit për prindërit për të dorëzuar dokumentacionin e nevojshëm për të regjistruar fëmijët e tyre në çerdhe dhe kopshte. Në një intervistë të dhënë për gazetaren e Report Tv, Doris Sallaku, drejtoresha e Kopshteve dhe Çerdheve në Tiranë, Zhaneta Beqiri ka sqaruar se aplikimi do të vijojë nesër deri në orën 14:00 dhe më pas dokumentat e dorëzuara do të shqyrtohen për të nxjerrë edhe emrat e fëmijëve që do të frekuentojnë çerdhet dhe kopshtet.

    "Procesi i aplikimit do të vijojë deri nesër në orën 14:00. Në prezencë të një komisioni, të interesuarit janë paraqitur me dokumentacionin përkatës dhe nga një rezyme që kemi, fluksi nga viti në vit është në rritje. Dokumentacioni do dërgohet në Drejtorinë e Çerdheve dhe Kopshteve të premten dhe më pas do Komisioni do i shqyrtojë për të nxjerrë emrin e fëmijëve që do frekuentojmë çerdhet që do fillojë që në muajt e verës", tha Beqiri.

    Ajo tha se numri i aplikimeve është shumë më i lartë se sa vendet bosh, duke bërë me dije edhe kategoritë prioritare. Janë fëmijët me nevoja të veçanta, fëmijë të prindërve me nevoja të veçanta, fëmijë me status jetimi  apo të prindërve me status jetimi dhe të prindërve që trajtohen me ndihmë ekonomike ata që do të marrin me prioritet këtë shërbim, ndërsa më pas grupimi tjetër janë fëmijët e prindërve që janë në marrëdhënie pune dhe këtu do shihen fëmijët e prindërve me pagën më të ulët. 

  • VIDEO

    Lehtësimi i masave anti-COVID, Gjonaj për Report Tv: Në 2 muajt e fundit, asnjë rast i ri në Burgje

    Në një intervistë për Report Tv, ministrja e Drejtësisë, Etilda Gjonaj ka argumentuar arsyet se përse u mor vendimi për lehtësimin e masave anti-COVID. Ajo ka thënë se në 2 muajt e fundit nuk është regjistruar asnjë rast i ri me COVID.

    “Ishte shumë sfidë për t’u garantuar shëndetin të burgosurve, është menaxhuar shumë mirë pandemia, me angazhim të stafit dhe e kemi menaxhuar me sukses, prandaj s’kemi asnjë rast me COVID prej më shumë se 2 muajsh në burg, prandaj kemi lehtësuar masat kufizuese që morëm gjatë pandemisë. Megjithatë do të monitorohet për të mos rrezikuar atë që kemi bërë”, tha Gjonaj.

  • VIDEO

    Mali i Zi pret turistë pa tampon dhe pasaportë vaksine, ambasada promovon mrekullitë natyrore

    Mali zi është gati për të pritur turistë shqiptarë dhe ato nga rajoni pa pasur nevojën e tamponit apo një pasaporte vaksinimi anti COVID duke e bërë një vend ideal për një pushim të paharruar. Krahas sigurisë dhe ofertave të ndryshme, Mali i Zi merr përsipër edhe shpenzimet spitalore për ato që infektohen gjatë pushimeve.

    Kur shumë vende në Botë kërkojnë pasaportat e vaksinimit ndaj Covid -19  apo një tampon negativ, në Mal të Zi funksionon gjithçka ndryshe. Shteti kufitar me vendin tonë,është plotësisht i hapur për të pritur shqiptarët dhe vizitorë nga rajoni, me risi në oferta dhe çmime shumë të arsyeshme, por edhe siguri.

    Për turistë të relaksuar,  në hotele, akomodime private, plazh apo në restorante, do të zbatohen protokolle shëndetësore të higjienës dhe distancimin social. Dhe jo vetëm kaq. Për të gjithë ata që gjatë qëndrimit infektohen me COVID-19, Mali i Zi do ti mbuloj shpenzimet e trajtimit spitalor.

    “Sot Organizata Turistike Kombëtare e Malit të Zi së bashku me organizata lokale është në Tiranë për ti treguar publikut shqiptar se çfarë ka për të ofruar Mali i Zi gjatë këtij sezoni turistik veror. Gjëja më e rëndësishme është se për të hyrë në mal të zi nuk nevojite PCR, dhe në rast se dikush sëmuret në Mal të Zi, shteti do ti mbulojë të gjitha shpenzimet e shërimit", tha Liliana Çukiç, menaxhere në Organizatë Turistike Kombëtare e Malit të Zi.

  • VIDEO

    Lufta kundër korrupsionit/ Gjonaj: SPAK dhe GJKKO kanë të gjitha hapësirat e nevojshme për ta bërë punën me efikasitet!

    Ministrja e Drejtësisë Etilda Gjonaj në intervistën e dhënë për gazetarin e Report Tv, Arsen Rusta, u shpreh se korrupsioni është një fenomen global dhe si i tillë kërkon ndërhyrje edhe ndërkombëtarisht.

    "Unë besoj që në kuadrin edhe të konferencës së organizuar nga OKB, që është e para për louftën kundër korrupsionit, u vu re që korrupsionit ndodh në të gjithë vendet e botës. Sot nuk mund ta shikojmë korrupsionin vetëm në kufijtë nacionalë. Në OKB u nënshkrua një deklaratë për luftën që duhet bërë kundër korrupsionit ndërkombëtarisht", tha Gjonaj.

    Duke u kthyer në Shqipëri ministrja shprehet se me sistemin e ri të drejtësisë, institucionet ligjzbatuese i kanë të gjitha hapësirat e nevojshme ligjore për ta luftuar me efikasitet korrupsionin dhe krimin e organizuar.

    "Ne ndërtuam një sistem të ri drejtësie ku një vend të posaçëm do e kishin pikërisht institucionet që merren posaçërisht me luftën kundër korrupsionit dhe krimit të organizuar. Në bëmë ndryshimet në ligj që SPAK dhe GJKKO të kenë hapësirat e nevojshme për ta bërë punën e tyre me efeciencë", tha Gjonaj.

    E pyetur nga gazetari Rusta për atë që quhet 'Procesi 41 biss', Etilda Gjonaj vlerësoi bashkëpunimin me prokurorinë dhe gjykatën e posaçme.

    "Procesi 41 biss nuk ka aktor vetëm Ministrinë e Drejtësisë. Unë jam shumë e kënaqur me bashkëpunimin që kemi pasur me SPAK dhe GJKKO që vazhdimësia e këtij procesi të jetë e pacenueshme. Ky është një regjim që vazhdon dhe në momentin e parë që do të kemi kërkesa nga Prokuroria e Posaçme do të marrim vendimin tonë siç na takon", tha ministrja e Drejtësisë.

  • VIDEO

    Plotësimi i Gjykatës Kushtetuese, Gjonaj thirrje gjyqtarëve: Ka ardhur koha që të bëjmë diçka të mirë për vendin

    Duke marrë shkas nga rihapja e procesit të kandidimit për të gjithë gjyqtarët nga Gjykata e Lartë për vendet vakante në Gjykatën Kushtetuese, ministrja e Drejtësisë Etilda Gjonaj i bën thirrje në intervistën për Report Tv të gjithë gjyqtarëve që të aplikojnë pasi sipas saj është koha për të bërë diçka të mirë për vendin.

    "Duke e mbajtur në konsideratë që afati i kandidimit sapo ka rifilluar besoj se do të kemi kandidaturat në fatin 30 ditor. Gjithkush e ka kuptuar tashmë se nëse përfshihet në sistemin e re të drejtësisë do të ketë mundësinë ta bëjë punën e tij pa ndërhyrje. Gjej rastin t'i bëj thirrje të gjithë që ky është momenti për të bërë diçka për vendin", tha Gjonaj.

  • VIDEO

    Turistët e huaj në Shqipëri zgjedhin plazhin e virgjër të Porto Nova: Natyra shumë e bukur, jemi rehat

    Sikurse edhe sezonet e tjerë, Porto Nova në Zvërnec të Vlorës,vizitohet nga turistë të shumtë që e zgjedhin mes destinacioneve të tjera për të kaluar pushimet e tyre.

    Një vend i qetë, larg qytetit, plazhi i virgjër i Porto Nova duke zgjedhje perfekte për turistë nga Gjermania, Anglia, Holanda apo Franca. Ata vlerësojnë jo pak natyrën e mrekullueshme, gjë që shprehen se nuk e gjejnë në vendin e tyre.

    Por megjithatë, një minus, siç shprehet një turist gjerman, janë mbeturinat në bregdet.

    "Jam nga Gjermania, kam tre ditë që kam ardhur dhe duam të rrimë 3 javë. Do të shkojmë edhe më në jug, nuk kemi shkuara akoma në qytet në Vlorë. Është shumë bukur këtu, por i vetmi problem është fakti se ka shumë mbeturina në plazh. Erdhëm nga Greqia, nuk na u kërkua certifikatë vaksinimi, unë nuk jam vaksinuar. Deri tani çdo gjë po na shkon mirë, shqiptarët janë njerëz të mirë, planifikojmë të rrimë ca këtu", shprehet një turist nga Gjermania.

Për lajme të tjera kërkoni në arkiv