-
VIDEO
‘Vritini, vritini’, Ngjela: Berisha urdhëroi të qëllohet drejt protestuesve më 21 janar! Shfaqet me automatik në dorë, pamjet janë në Kaliforni
TIRANË- Sali Berisha është urdhërues i vrasjeve të 4 protestuesve më 21 janar 2011. Kështu shprehet avokati Spartak Ngjela i ftuar në report Tv, teksa komenton 14-vjetorin e kësaj ngjarje të rëndë që u mori jetën protestuesve të pafajshëm. Sipas tij, drejtësia ka çaluar në zbardhjen e kësaj ngjarjeje, por thekson se pamjet e serverëve të kryeministrisë nuk janë fshehur përfundimisht.
-
VIDEO
Emisioni i plotë ‘Rreze Dielli’, 21 Janar 2025 – Receta/ Infeksioni në bajame, trajtimi natyral
Zonja Albana solli tre receta të shpejta dhe plot shije në “Rreze Dielli”. Recetat e përzgjedhura për ditën e sotme ishin: Qofte të shuara me birrë në salcë të bardhë / Speca të kuqe të zhytura në kos me miell / Bugaçe e ëmbël.
Pothuajse të gjithë njerëzit kanë kaluar sëmundjen e infeksioneve në bajame një herë në jetë. Bajamet janë pjesë bazë e sistemit tonë imunitar e funksioni kryesor i tyre është filtrimi nga bakteret dhe çdo organizëm tjetër që mund të shkaktojë infeksione. Por ndodh që bajamet mund të vuajnë një infeksion i cili çon në inflamacion. Tonsiliti është inflamacion i bajameve apo i grykëve. Shenjat dhe simptomat përfshijnë bajamet e fryra, dhimbjen e fytit, vështirësi në gëlltitje dhe inflamacion të nyjeve limfatike në anët e qafës. Po kush preket më shumë nga ky infeksion? Si të dallojmë menjëherë bajamet e infektuara tek fëmijët, por dhe të rriturit? Cilët janë shkaktarët e tyre dhe si mund t'i kurojmë në mënyrë natyrale? Flasim në studion e Rreze Dielli, në "Bima dhe Shëndeti" me biofarmacistin Ylli Merja, i cili do të na tregojë kurat më efikase me bimë mjekësore, por dhe metoda natyrale për trajtimin e bajameve të infektuara.
-
VIDEO
Çarja e ujëmbledhësit të HEC në Bunec, kryebashkiaku i Himarës Vangjel Tavo: U shkaktua nga mbingarkesa e ujit! Sot po punohet për vlerësimin e dëmeve
Kryebashkiaku i Himarës, Vangjel Tavo foli në Report Tv ditën e sotme lidhur me dëmet e shkaktuara nga çarja e ujëmbledhësit të HEC-it në Bunec, më 16 janar, e cila shkaktoi përmbytjet në fshatrat Lukovë, Bunec dhe duke dëmtuar 12 biznese dhe dy familje.
-
VIDEO
Bajame të infektuara? Ju duhen vetëm 3 përbërës që i keni në shtëpi / Ja kura e plotë nga Ylli Merja
Pothuajse të gjithë njerëzit kanë kaluar sëmundjen e infeksioneve në bajame një herë në jetë. Bajamet janë pjesë bazë e sistemit tonë imunitar e funksioni kryesor i tyre është filtrimi nga bakteret dhe çdo organizëm tjetër që mund të shkaktojë infeksione. Por ndodh që bajamet mund të vuajnë një infeksion i cili çon në inflamacion. Tonsiliti është inflamacion i bajameve apo i grykëve. Shenjat dhe simptomat përfshijnë bajamet e fryra, dhimbjen e fytit, vështirësi në gëlltitje dhe inflamacion të nyjeve limfatike në anët e qafës. Po kush preket më shumë nga ky infeksion? Si të dallojmë menjëherë bajamet e infektuara tek fëmijët, por dhe të rriturit? Cilët janë shkaktarët e tyre dhe si mund t'i kurojmë në mënyrë natyrale? Flasim në studion e Rreze Dielli, në "Bima dhe Shëndeti" me biofarmacistin Ylli Merja, i cili do të na tregojë kurat më efikase me bimë mjekësore, por dhe metoda natyrale për trajtimin e bajameve të infektuara.
-
VIDEO
Krimi shtetëror i 21 janarit, avokati i viktimave Idajet Beqiri: Provat se Berisha është autori i vrasjeve i kemi dërguar në SPAK! Jemi të indinjuar pse po vonon kaq shumë
Avokati Idajet Beqiri foli sot në Report Tv, teksa bëhën 14 vite nga krimi shtetëror i 21 janarit 2011. Beqiri thekson se SPAK u detyrua të niste hetimin për 21 janarin nga Gjykata e Lartë dhe ajo e Strasburgut. Provat, shton Beqiri, janë aty faqe qartë me autor Sali Berishën dhe Lulzim Bashën në atë kohë ministër i Brendshëm.
-
VIDEO
Speca të kuqe të zhytura në kos me miell nga zonja Albana
Speca të kuqe të zhytura në kos me miell
Përbërësit:
- 4 speca të kuq
- 300 gr kos natyral
- 2 lugë gjelle miell
- 1 thelpi hudhër
- 2 kokrra vezë
- 2 lgj vaj ulliri
- Kripë, piper i zi
- Pak majdanoz i freskët
Përgatitja:
Lajmë mirë specat dhe heqim farat e brendshme. I pjekim në furrë ose i kaurdisim në një tigan me pak vaj, derisa lëkura e tyre të zbutet dhe të marrë pak ngjyrë të artë. Pasi të ftohen pak i presim në shirita ose copa të mesme. Në një tas rrahim vezët mirë me një pirun ose tel kuzhine. Shtojmë miellin gradualisht, duke e përzier për të shmangur krijimin e kokrrizave. Hedhim kosin, hudhrën e shtypur dhe e përziejmë derisa të bëhet një masë e njëtrajtshme. Rregullojmë shijen me kripë dhe piper. Në një tigan të thellë ose tavë, vendosim specat e pjekur. Hedhim sipër përzierjen e kosit dhe miellit, duke u siguruar që specat të jenë të zhytur mirë në të. E lëmë të gatuhet në zjarr të ulët për 10-15 minuta, duke e përzier herë pas here që të mos ngjitet. Sipas dëshirës mund t'a shërbejmë me pak majdanoz të freskët.
-
VIDEO
Qofte të shuara me birrë në salcë të bardhë nga zonja Albana
Qofte të shuara me birrë në salcë të bardhë
Përbërësit:
Për qoftet:
- 500 gr mish i grirë
- 1 qepë mesatare
- 1 thelpi hudhër
- 1 kokërr vezë
- 2 lugë gjelle galetë
- 1 lugë çaji mustardë
- 2 lugë gjelle majdanoz
- Kripë dhe piper
- Vaj ulliri ose luledielli për skuqje
Për salcën e bardhë me birrë:
- 200 ml birrë e lehtë
- 200 ml pana kuzhine
- 1 lugë gjelle miell
- 1 lugë gjelle gjalpë
- 2 thelpinj hudhër
- Kripë dhe piper i bardhë
- Pak arrëmyshk (opsionale)
Përgatitja:
Në një tas përziejmë mishin e grirë, qepën, hudhrën, vezën, galetën, mustardën, majdanozin, kripën dhe piperin. Formojmë qofte të vogla rrethore dhe e lëmë brumin të qëndrojë për 15 minuta. Më pas në një tigan të thellë, ngrohim pak vaj dhe skuqim qoftet derisa të marrin ngjyrë të artë. Përgatisim salcën e bardhë me birrë. Në të njëjtin tigan ku skuqëm qoftet, shtojmë gjalpin dhe hudhrën dhe e kaurdisim për disa sekonda derisa të shpërthejë aroma e hudhrës. Shtojmë miellin dhe e përziejmë shpejt që të formohet një masë kremoze pa kokrriza. Ngadalë shtojmë birrën, duke e përzier vazhdimisht me një tel kuzhine. E lëmë të gatuhet për 2-3 minuta dhe më pas shtojmë panën, kripën, piperin e bardhë dhe pak arrëmyshk nëse dëshirojmë. E përziejmë derisa të trashet salca. Vendosim qoftet në salcën e bardhë me birrë dhe i lëmë të gatuhen në zjarr të ulët për 10-15 minuta dhe më pas i servirim të ngrohta.
-
VIDEO
Bugaçe e ëmbël nga zonja Albana
Bugaçe e ëmbël
Përbërësit:
Për petët:
- 500 gr petë të gatshme
- 150 gr gjalpë i shkrirë
Për mbushjen:
- 500 ml qumësht
- 100 gr sheqer
- 80 gr gjalpë
- 2 vezë
- 50 gr miell misri (niseshte)
- 1 lugë gjelle vanilje
- 1 majë luge kripë
- Sheqer pluhur
- Kanellë pluhur
Përgatitja:
Fillimisht përgatisim kremin. Në një tenxhere përziejmë qumështin me sheqerin dhe niseshtenë. E vendosim në zjarr të mesëm, duke e trazuar derisa të trashet dhe të bëhet si krem. E largojmë nga zjarri, shtojmë vezët, vaniljen dhe gjalpin dhe e përziejmë mirë derisa masa të bëhet homogjene. E lëmë kremin të ftohet duke e mbuluar me plastmas kuzhine për të shmangur formimin e një koreje. Ndërkohë nxehim furrën në 180°C. Në një tavë pjekjeje.vendosim një petë dhe lyejmë sipërfaqen e saj me gjalpë të shkrirë. Vendosim disa petë të tjera mbi njëra-tjetrën, duke i lyer secilën me gjalpë. Hedhim kremin në qendër dhe e përhapim në mënyrë të barabartë. Palosim skajet e petëve mbi mbushjen për ta mbyllur mirë, duke përdorur dhe petë tjetër nëse është e nevojshme. Lyejmë sipërfaqen me gjalpë dhe e pjekim në furrë për 30-40 minuta, derisa të marrë ngjyrë të artë. Pas pjekjes e lëmë të ftohet pak dhe më pas e spërkatim me sheqer pluhur dhe kanellë sipas shijes.
-
VIDEO
'Shtypi i Ditës dhe Ju', ja çfarë shkruajnë gazetat për sot e martë 21 janar 2025
Titujt e gazetave për sot, nga Trump betohet si president dhe premton se epoka e artë e SHBA-ve nis tani te mesazhi për prokurorët e SPAK që t'i japin paqe pikëllimit të 21 janarit e deri tek misteri shekullor i vdekjes së Ismail Bej Vlorës!
-
VIDEO
Zbulohen SKENARËT, ç'ndodh me TRUMP! A do plasë LUFTA në BALLKAN? DETAJET në studio | E PLOTË
Emisioni “5 pyetjet nga Babaramo” në Report TV pati në qendër të analizës dhe diskutimeve ceremoninë e betimit të presidentit Donald Trump, premtimet e tij, çfarë pritet të ndodhë dhe nëse do ketë luftë ekonomike dhe ushtarake. Të ftuar deputetët Kreshnik Çollaku dhe Etjen Xhafaj, eksperti Ledion Krisafi dhe gazetarja Esmeralda Mulaj
-
VIDEO
Çfarë sjell Trump për Kosovë-Shqipëri? Xhafaj: Kurti luajti jashtë rregullave! Çollaku: S’mendoj se PD i fiton zgjedhjet prej tij! Sazani më mirë i Trump, sesa i shokëve të Beqajt
A. Mendohet edhe takimi Trump-Putin në Beograd për t’u mbajtur. Pra afrimi SHBA-Rusi e bën të paneglizhueshme vëmendjen ndaj Beogradit, sepse Rusia e ka Serbin raport të fortë e në vëmendje dhe Rusia do dëgjohet më shumë në vijim. Asociacionin asnjë nuk e do, sepse nuk funksionon. Trump nuk do kapet pas kësaj, ndryshim kufijsh bie si tabu, rreziku do jetë permanent dhe Kosova dhe Bosnja do ndodhen të ekspozuara. Në bisedat që kam pasur më kanë thënë për Kosovën dhe Pavarësinë e saj, “kaq keni kërkuar dhe kaq keni marrë”. Jam kundër ndarjes së Kosovës por nëse ka një diskutim shkëmbimi kufinjsh të pranueshme jam dakort, të monitoruar, pse jo”, thotë ligjvënësi.
Kurse për pyetjen nëse fitorja e Trump do ndikojë apo do sjellë PD-në në pushtet ai u shpreh:
“Nuk mendoj si naiv se fitorja e Trump në SHBA do sjelli PD-në në pushtet. Por normalizon marrëdhëniet e PD-së sigurisht. PD duhet të bëhet vetë e aftë për t’i fituar zgjedhjet”.
Gazetarja Esmeralda Mulaj vuri në dukje rrezikun e rritjes së konflikteve në rajon, sidomos me Republikën Serpska dhe pasivitetin që ka treguar Kosova në planet e saj. Ajo tha se qeveria e Kosovës nuk ka asnjë plan.
“I tremben një Republika Srpska në Ballkan dhe rajon. Kosova nuk ka bërë një statut që ta bëjë dhe t’ua çojë në BE. E ka bërë Brukseli dhe ua ka çuar. Çfarë i intereson Kosovës, do të anëtarësohet në NATO? A u liberalizuan vizat nga BE, pra nëse Kosova do ndiqte parimin e avancimit nëpërmjet heshtjes do kishte marrë më shumë. Si do lobojë, sepse ka miq të shqiptarëve, por ka edhe miq të serbëve. Të kenë një plan dhe platformë se çfarë duan të bëjnë”, tha gazetarja.
Eksperti Ledjon Krisafi u shpreh se qëllimi i Serbisë dhe presidentit Vuçiç është të marrë një “copë Kosovë” dhe të shprehet se e realizoi qëllimin strategjik dhe nacionalist.
“Vuçiç ka qëllim që thjesht të marrë një copë të Kosovës dhe të thotë që ja morëm diçka. Ka një plan rus për ta bërë rajonin, Kosovën dhe Bosnjën. Shkëmbimi i territoreve është prioritet kryesor i Vuçiçit dhe të dalë e të thotë që ja unë e mora. Trump është person që mund të tundohet dhe t’i japi zgjidhje një problemi shekullor”, u shpreh ai.
A.Q/Shqiptarja.com
-
VIDEO
Gazetari Berisha në Report TV: Trump nuk i ka qejf politikanët e llastuar, do merret shkurt me Ballkanin! Kurti nuk do jetë më kryeministër pas 9 shkurtit
Gazetari kosovar Rid Berisha ishte i ftuar sot në emisionin “5 Pyetjet nga Babaramo” në Report TV, ku analizoi premisat gjeopolitike me presidentin e ri amerikan për të ardhmen e rajonit.
Ai u shpreh se Trump nuk do e ketë shumë në radar Ballkanin dhe rajonin, teksa do i vendosë në opozitë palët Kosovë dhe Serbi për marrëveshjen dhe dialogun.