X

POP 5

Lajmet më të lexuara të 5 minutave të fundit

Sport

6 pjesëtarë të Skënderbeut dëshmojnë në Apel, vendimi nga UEFA pas një jave

Janë pyetur me radhë edhe ish-kapiteni Bledi Shkëmbi (tani trajner i Lirisë së Prizrenit), ish-mesfushori kosovar Bernard Berisha (luan me Akhmat Grozny në Rusi), si dhe Liridon Latifi (Akadema Pushkash në Hungari), të tre protagonist vite më parë me
6 pjesëtarë të Skënderbeut dëshmojnë në Apel, vendimi nga UEFA pas një jave

Ekipi i Skënderbeut të Korçës

Duke nisur nga ora 12:00 e mesditës së sotme dhe deri rreth orës 17:00 përfaqësues së ekipit të Skënderbeut, kanë dhënë dëshmitë e tyre para Komisionit të Apelit në zyrat e UEFA-s në Nyon të Zvicrës.

Pas rreth 6 orë pyetjesh dhe përballje faktesh, përfundon paraqitja e përfaqësuesve të Skënderbeut përballë Komisionit të Apelit të UEFA-s.

Përveç presidentit Ardjan Takaj, ka dëshmuar edhe Sabien Lilaj, i cili ishte i kërkuar nga vetë anëtarët e Komisionit të Apelit. Gjithashtu, me anë të një video-konference nga Korça, ka folur edhe futbollisti afrikan Bakari Nimaga, i cili nuk ka udhëtuar në Zvicër për shkak të dokumentacionit.  

Janë pyetur me radhë edhe ish-kapiteni Bledi Shkëmbi (tani trajner i Lirisë së Prizrenit), ish-mesfushori kosovar Bernard Berisha (luan me Akhmat Grozny në Rusi), si dhe Liridon Latifi (Akadema Pushkash në Hungari), të tre protagonistë vite më parë me Skënderbeun në grupet e Europa League.

Komisioni i Apelit pritet të japë vendimin pas një jave nga kjo seancë dëgjimore, por dënimi prej 10 vitesh nga kupat e Evropës dhe gjoba prej 1 milion euro nuk besohet se do të hiqen apo reduktohen.

Bëhet fjalë për një gjykim që bëhet brenda UEFA-s nga dy komisione të të njëjtit organ dhe në bazë të precedentëve, Komisioni i Apelit nuk ka përmbysur një vendim të dhënë më parë nga Komisioni i Disiplinës apo i Etikës së UEFA-s.

Mundësitë për klubin korçar janë për në Gjykatën e Arbitrazhit Sportiv (CAS) të Lozanës, ku drejtuesit e Skënderbeut do të kërkojnë pafajësinë, e premtuar kjo edhe nga avokatët që po merren me këtë çështje.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

‘Violinisti’/ Fëmijëria e Arbenit dhe Saimirit në film, Bajo përlotet në premierë për të vëllanë, nëna në sallë: Edhe në ditët e fundit flisnim për skenat!

‘Violinisti’/ Fëmijëria e Arbenit dhe Saimirit në film, Bajo përlotet në premierë për të vëllanë, nëna në sallë: Edhe në ditët e fundit flisnim për skenat!

26 Prill, 16:26