AKU bllokon 50 tonë mish nga Brazili, produkti kishte salmonelë

Autoriteti Kombëtar i Ushqimit, AKU ka bllokuar 2 konteinerë me mish nga Brazili. Në total, ngarkesa ka qenë rreth 50.2 tonë, që sipas njoftimit nga analizimi i monstrave ka patur prezencë salmonele. Kjo është sasia e disatë që kapet nga autoritetet shqiptare brenda pak muajsh. Vetëm gjatë këtij viti, AKU ka sekuestruar 130 tonë mish të ardhur nga Brazili. 

Njoftimi i plotë:

Në kuadër të masave të gjithanshme të MBZHR-së për kontroll efikas për sigurinë ushqimore, AKU ka vijuar me kontrollet rigoroze të ngarkesave me produkte shtazore nga importi.

LEXO EDHE:
SPAK përfundon hetimet, çon në GJKKO dosjen e ish gjyqtarit të Elbasanit, Ilir Pashaj! Akuzohet për korrupsion e fshehje pasurie! I vuri në emër të vjehrrit e kunatit

Kështu së fundi AKU ka bllokuar dy kontenierë me mish, të importuara nga Brazili, në total 50.2 tonë mish, pasi nga analizimi i mostrave u konstatuan me prezencë “salmonella”. Po vijojnë procedurat për kthimin në origjinë të produktit.

Gjatë këtij viti nga AKU-ja janë bllokuar e kthyer në origjinë edhe 5 kontenierë të tjerë, me 130 tonë mish. Numri total i ngarkesave të importuara nga Brazili gjatë kësaj periudhe të vitit është 195 kontenierë; secili prej të cilëve është kontrolluar e analizuar me rigorozitet.

Kontrollet efikase të shoqëruara me cilësinë e analizave janë garanci e plotë, që produktet që futen në treg janë të sigurta.

TAG:
• sekuestro
• aku
• mish nga brazili
• salmonela

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.6%

• Jo

  74%

• Nuk e di

  7.4%

Vota total: 981

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di