Destinacioni i turistëve, Gramshi çel sezonin turistik! Qytetarët festë me këngë e valle tek liqeni i Zambakëve

Bashkia e Gramshit çel sezonin turistik. Këngë, valle dhe gatime tradicionale janë organizuar në Liqenin e Dushkut, ku mijëra qytetarë kanë ardhur me familjen e tyre për të festuar dhe bërë piknik. Zyrtarisht Gramshi hyn në sezonin e ri si një nga destinacionet më të preferuara të turistëve, në liqenin piktoresk të Dushkut ose siç quhet ndryshe liqeni i zambakëve.

Organizuar si një piknik gjigand, shoqëruar edhe me muzikë e valle popullore, aktiviteti mblodhi me mijëra qytetarë jo vetëm nga Gramshi, por edhe zona të tjera. Rruga jo plotësisht e shtruar me asfalt nuk i ndaloi ata të mblidheshin e të festonin. Këtë atmosferë do donin madje ta përjetonin më shpesh.

“Kemi ardhur se dëgjuam që do bëhej koncert. Kam ardhur me familjarë”, tha një qytetar.

LEXO EDHE:
Final 4/ Sezoni i shkëlqyer i Egnatias, Edlir Tetova: S'dua të kem pengje, objektiv është finalja

“Nga Gramshi jam. Kemi ardhur dhe herë të tjera dhe sot është atmosfera shumë e bukur. Është gjë e mirë që liqeni të njihet në të gjithë Shqipërinë”, tha një tjetër.

Por ky është vetëm fillimi i aktiviteteve kulturore në vend, tha kryebashkiaku i Gramshit, Besian Ajazi.

“Sot çelem sezonit turistik. Menduam ta zhvillojmë tek liqeni i dushkut apo liqenin e zambakëve. Është një nga destinacionet e preferuara të turistëve, por është dhe një perlë e natyrës. Është vetëm fillimi, por do vazhdojmë me aktivitete pa fund. Me festivalin e livandës, me festivalin muzikë dhe birrë me motorët harli Devitson. Me maratonën e këngës popullore dhe 4 netët e “Gusht e Nfest”. Sot kemi takuar njerëz nga gjithë vendi, për të ju bashkuar këtij mega pikniku. Reklamimi ka bërë punën e vet”, tha kryebashkaiku i Gramshit.

Aktiviteti i organizuar në Liqenin piktoresk të Dushkut që është rreth 25 kilometra larg nga qyteti i Gramshit, mblodhi edhe të apasionuar pas makinave sportive 4 x 4 të cilët nuk nguruar të shijonin zonën.

M.Q./N.Xh/Shqiptarja.com

TAG:
• liqeni i zambakeve
• sezoni turistik
• Elbasan
• gramsh