Prokurori i Tiranës Adriatik Cama është pranë shkarkimit nga detyra, pasi është kapur me shumë shkelje nga Komisioni i Pavarur i Kualifikimit, në seancën e zhvilluar paraditen e sotme. Nga hetimi i KPK ka rezultuar se Cama, ish-prokuror i disa dosjeve me rëndësi, mes tyre ’21 Janari’ nuk justifikon pasurinë, është i korruptuar dhe vihet në presion nga struktura kriminale, pra është i papërshtatshëm për të vazhduar detyrën.
Prokurori i Tiranës Adriatik Cama para Komisionit të Posaçëm të Kualifikimit
Adriatik Cama kandidat për Kolegjin e Lartë të Prokurorisë, ishte vetë i pranishëm përballë trupës së KPK, ndërsa gazeta Shqiptarja.com zbardhi sot të shkuarën profesionale të tij. Trupa e KLP u shpreh se sipas ILDKPKI, gjyqtari nuk kishte probleme me deklarimin e pasurisë, ndërsa nga hetimi ka rezultuar se ka kryer deklarim të rremë, pasi nuk justifikon 1 milion e 865 mijë e 30 lekë te blerja e banesës, makinën dhe ka probleme me një deklarim të një ambienti.
ILDKPI ka sjell raport se ka deklarim të saktë ka burime të ligjshme nuk ka fshehur pasurinë nuk ka kryer dëklarim të rremë. Kemi kryer një hetim të thelluar për prokurorin Cama. Prokurori ka apartament me sipërfaqe 77 m2. Apartamentin e ka blerë në 2011. Blerë me të ardhura ndër vite. Në vitin 2003 e ka blere për herë të parë këtë pasuri.
Në deklaratë thotë se e ka blerë 3.4 milionë lekë. Ndërsa sipas kontratës është blerë me 29 e 700 dollarë. Prokurori ka kryer deklarim të pasaktë mes deklaratave 2003 e 2017. Po ashtu disa herë për këtë pasuri ka bërë deklarime të rrëme që kanë cënuar rëndë figurën e prokurorit. Çmimi i apartamentit është likuiduar që në 2003, prokurori dhe gruaja e tij kanë të ardhura vetëm nga paga, por nga analiza financiare rezulton se nuk justifikojnë 1 milion e 865 e 30 lekë. Në 2009 prokurori ka blerë një ambient 47.5 m2, 18 mijë euro, burime të ardhurat dhe kredia.
Prokurori e cilëson këtë pronë si ambient ish-garazh, por në kontratë është shkruar dyqan. Rezulton se prokurori ka mungesë pasurie në shumën prej 650 mijë lekë. Prokurori ka autoveturë Passat blerë në 2010, me vlerë 6000 mijë euro. Burimi, paga burrë e grua dhe shitja e një mjeti më të vjetër, nuk e justifikon. Prokurori nuk ka deklaruar shtesën e llogarisë në vlerën prej 1 mijë euro në një bankë të nivelit të dytë. Kjo ka ndodhur në periudhën 2011-17. Prokurori është pyetur për këtë gjë, por ka thënë që askush si ka kaluar lekë në llogari. Prokurori si ka deklaruar këto të ardhura.Trupa e KPK
Prokurori nuk është kapur me shkelje vetëm për pasurinë, por edhe nga DSIK, pasi sipas raportit, është i papërshtatshëm për të vijuar detyrën. DSIK thekson se Cama është përfshirë në korrupsion kur ishte në prokurorinë e Lushnjes. Nga hetimi ka rezultuar se Cama kur ishte drejtues në Lushnje sëbashku me një prokuror tjetër kanë marrë para nga familjarët e një të arrestuari për kontrabandë duke pushuar çështjen.
DSIK ka sjellë raport për prokurorin Cama. Sipas këtij raporti është i papërshtatshëm për detyrën, pasi është i përfshirë në korrupsion. Korrupsioni është konsumuar në prokurorinë Lushnje kur ka qenë në detyrë. Kur Cama ishte drejtues në Lushnje sëbashku me një prokuror tjetër kanë marrë para nga familjarët e një të arrestuari për kontrabandë. Ky raport nxjerr në pah korrupsionin dhe urdhrat arbitar. Prokurorët kanë kërkuar dhe marrë para për pushim çështje.
Cama identifikohet si person që vihet në presion nga struktura kriminale dhe është i papërshtatshëm për të vazhduar detyrën. Kemi marrë dosjen e pushuar nga Cama, që u anulua nga drejtoria e inspektimit. Sipas prokurorisë së përgjithshme ku pushim është marrë i pa mbështetur në ligj dhe prova. Referuar këtij informacioni Cama ka pasur kontakte të papërshtatshme dhe ka shkëmbyer favore e dhurata me persona të përfshirë në krimin e organizuar.
Trupa e KPK
Pas raportit që lexoi trupa e Komisionit të Pavarur të Kualifikimit, e mori fjalën prokurori Adriatik Cama që u shpreh se besonte te një proces i drejtë, por gjetjet i cënojnë figurën morale dhe profesionale, pasi sikur tha ai, pasi ‘ka shumë të pavërteta’.
Nuk kam shpjegime të tjera veç atyre të nisura me e-mail. kam besuar qe do ishte proces i drejt vetting ndaj meje. Por pas këtij raporti mendoj se jo të gjitha gjetjet mund të cënoj figurën time morale e profesionale. Aty ka të pavërteta. Në raportin e lexuar nga ju janë pasqyruar provat e mia
kam qenë bashkëpunues sa kam mundur. Por ka pasur e pamundësi objektive. Konstatoj se në raportin tuaj nuk janë llogaritur shpenzimet e familjes time. Përsa i takon dyqanit nuk bëhet fjalë për dyqan por ish parkim me lartësi 1.2 m nën tokë pa ndriçim. Paaftësia e firmës për të bërë letra të saktë nuk mund të konsiderohet gabim dhe tentativë për fshehje nga unë.
Prokurori Adriatik Cama
Përsa i përket financimit të llogarisë nga persona të tjerë, ai tha se janë kreditime nga tre fëmijët e kunatës.
Sa i përket financimit të llogarisë time e bashkëshortes. E theksoj nuk ka financim. Të gjitha ato janë kreditime dhe vjen si marrëdhënie e familjes me tre fëmijët e kunatës sime. I kam ndihmuar si i afërm dhe prindërit e tyre m’i kane kaluar ato para. Këto kanë qenë marrëdhënie që nuk kanë sjellë as shtim as pakësim në llogaritë tona
Adriatik Cama
Gjithashtu prokurori mohoi gjetjet e raportit nga DSIK se vihet në presion nga bandat. Përsa i përket hetimit të dosjes së 21 janarit, Cama u shpreh se nuk është influencuar nga askush. Mohoi edhe akuzat për korrupsion kur ishte në Lushnje, ndërsa tha se në 1997 kur shteti kishte rënë ka lëshuar urdhër arrete për krerë bandash. Ai tha se ka punuar me integritet, prandaj kërkon rikonfirmimin në detyrë.
Sa i takon kontrollit të figurës, që unë mund të vihem në presion nga grupet kriminale apo kam kryer korrupsion. Këtë e kundërshtoj me forcë. Kam kërkuar ballafaqim. Unë nuk mund të bëhem preh e personave që fshehin qëllime te tjera. Kur kam qenë në Lushnje kam punuar me integritet moral e profesional. Mund të behej hetim i thelluar ja besova një magjistrati atë dosje. Prej 26 vitesh kam punuar kudo. Në 1997 kam qenë në Delvinë. Në këto ngjarje në Delvinë kam bërë punën e prokurorisë kur shteti kishte rënë. Kam bërë urdhër ndalimi për krerë bandash. Kam marrë kërcenime e nuk jam tutur. Për dosje e 21 janari nuk jam influencuar nga askush. Nëse më gjykoni për shmangie nga tatimet unë këtë se pranoj. Se pranoj të më gjykoni për 50 mijë lekë. Puna jonë nuk lë njerëz të kënaqur. Por hetoni më thellë për personin që ka bërë këtë informacion. Në atë që thuhet se kam bërë kurrë. Nuk kam pranuar kurrë të marr korrupsion. Nuk ka një person në botë të më thotë prokuror ke bërë këtë gjë. Më bëni çte doni por se pranoj të më thoni që vihem në presion nga grupe kriminale. Kjo nuk ndodh me mua
Adriatik Cama
Cama, prej disa vitesh ushtron veprimtarinë e tij si prokuror në Tiranë, duke qënë pjesë e hetimit në disa çështje të nxehta dhe të dështuara si ajo e dosjes 21 janari, mosdënimi i Mark Frrokut për vrasjen e Aleksandër Kurtit në Belgjikë dhe cështje të tjera hetimore. Cama ka shërbyer dhe në qytetin e Lushnjës, ku ka hetuar disa nga anëtarët e bandës së Lushnjës, hetime këto që nuk kanë sjellë rezultat. Prokurori Cama, është një nga kandidatët për të qënë anëtar i Këshillit të Lartë të Prokurorisë, por për tu bërë pjesë e këtij institucioni ende të paformuar, duhet më parë të kalojë lupën e “Vetting-ut”. Vendimi për prokurorin do të jepet nesër në orën 09:00, ndërsa është thuajse i shkarkuar.
Komente
Lajme të tjera
-
Pas vendimit të KPA, Prokurorja Antoneta Sevdari kthehet në detyrë! Shteti duhet t’i kthejë pagat që prej përjashtimit në shkurt 2019
13 Maj, 12:54
-
Raporti për lirinë/ Freedom House: Qasja e shqiptarëve në drejtësi po përmirësohet! Shqipëria dhe Kosova vende ‘pjesërisht të lira’ pavarësisht përparimeve
29 Shkurt, 07:43 -
U shpall fajtor për fshehje pasurie, Ish anëtari i Kolegjit të Posaçëm të Apelimit, Ardian Hajdari dënohet me 1 vit burg! Dënimi i konvertohet në 2 vite shërbim prove
24 Janar, 13:18 -
Rikthimi i Vetting-ut në polici, 33 drejtues ‘në sitën’ e AMP-së! Kreu i sindikatës së policisë: Ligji u jep të drejtën efektivëve ta shmangin filtrin
18 Qershor 2023, 16:27
-
E ‘harroi’ KLD-ja / Vetingu shkarkon Majlinda Andrean 6 vite pasi dënimit për korrupsion, ish anëtarja e Gjykatës së Lartë shpëtoi Metën dhe Mediun nga burgu
5 Qershor 2023, 17:17
-
KPA lë në fuqi vendimin e KPK-së për shkarkimin e gjyqtares së Apelit Nure Dreni
15 Mars 2023, 19:13 -
Bilanci i 2022/ Lista me 94 gjyqtarët dhe prokurorët që 'ia mbathën' nga frika e Vettingut, përjashtohen të gjithë nga drejtësia! 15 subjekte të dorëhequra
2 Janar 2023, 16:19
-
Nënshkruhet marrëveshja Kosovë-Shqipëri për sistemin ligjor, Bushka: Historike! Rrustemi: Përvoja me Vettingun, e nevojshme për ne
21 Nëntor 2022, 12:22 -
Probleme me 3 shtyllat e vettingut, shkarkohet nga detyra gjyqtarja Ariana Caco! Pjesë e trupës gjykuese së procesit të 21 Janarit
7 Tetor 2022, 10:03 -
KPK e shkarkoi Gjovalin Përnocën, KPA lë në fuqi vendimin! Largohet nga detyra gjyqtari i Krimeve të Rënda
25 Korrik 2022, 21:49 -
U shkarkuan nga vetting-u, dhjetëra prokurorë e gjyqtarë “bëhen” avokatë
28 Maj 2022, 11:06
-
Biznesmeni Shkëlqim Fusha i dha 140 mijë euro hetuesit Emror Kasaj që e kishte marrë në pyetje për një dosje, rrëfimi befasues i prokurorit para Vetingut
18 Mars 2022, 14:20
Po vetingu per politiken pse s behet ?
PërgjigjuKy qe dhe kandidat për KLP dhe doli "ku thërret qameti" ,po të tjerët????VETING VETING VETING derisa të shporren gjithë maskarenjtë nga gjyqësori .
Përgjigju