Bota

Komisioni Europian prezantoi sanksione të reja ndaj Rusisë, duke lajmëruar uljen e importit të naftës bruto ruse për 6 muaj, deri në embargo të saj. Sanksionet pritet të përfshijnë dhe bankën më të madhe ruse dhe patriarkun Kiril. Luftimet vijojnë në Ukrainë, ndërsa Moska po përgatit paradën e fitores që do të zhvillojë më 9 maj në Mariupol.

Pushtimi i Ukrainës ka zbuluar dobësinë e vërtetë të Moskës. Pas një disfate ushtarake dhe plotësisht poshtëruese në veri të Ukrainës, me tanke të djegura dhe autokolona të blinduara të bllokuara, ushtria ruse tani po ekzekuton atë që e përshkruan si "fazën e dytë" të luftës së saj në Ukrainë. Me objektivin që të zgjerojë kontrollin e saj mbi të gjithë rajonin e Donbasit dhe ndoshta do ta kthej Ukrainën në një  vend pa dalje në Detin e Zi.

OKB-ja ka vlerësuar se që nga fillimi i luftës janë 3 mijë viktima. Sakaq 100 civilët e parë që u evakuuan nga Fabrika e çelikut Mariupol, kanë mbërritur në qytetin e Zaporizhzhia. Një korridor i ri humanitar do të hapet mëngjesin e sotëm për të shpëtuar më shumë njerëz

Quhet zakonisht luftë, por po etiketohet edhe si garbage (plehra). Male me mbeturina të qyteteve të zhdukura, të zhytura nën rrënoja; miliona refugjatë që janë larguar në çdo drejtim, pa ujë, ushqim dhe strehim të sigurt për muaj të tërë; pikëllim i pafund, dhimbje, plagë të pashërueshme dhe dhjetëra mijëra gjymtyrë njerëzore që janë zhdukur përgjithmonë, si në një pikturë surrealiste të Salvador Dalì.