Bota

Një minierë qymyri në Qarkun Hutubi në rajonin Xinjiang, në Kinë është përmbytur, duke lënë të bllokuar 21 minatorë, teksa ishin në krye të detyrës.

Administrata e Presidentit Joe Biden ka thënë se nuk do të përfshihet në sistemin kombëtar për “pasaportën e vaksinimit”, duke ia kaluar barrën kompanive private për të zbatuar mekanizmat, që njerëzit të provojnë se janë të vaksinuar për udhëtime dhe aktivitete të tjera.

Asgjë nuk ndal pasionin për sportin dhe dëshirën për të festuar, të qindra adhuruesve të skisë, të cilët pavarësisht ngricës, temperaturave të ulët dhe dëborës, janë mbledhur në resortin Sochi të Rusisë, për të marrë pjesë edhe një herë në festivalin e përvitshëm “BoogleWoogel”, duke “sfiduar” të ftohtin të veshur vetëm me rroba banje.

Një ngjarje e rëndë ka tronditur Italinë, pasi një 83-vjeçar, Renzo Tarabella me një armë zjarri, vrau gruan e tij, djalin me aftësi të kufizuara dhe dy bashkëshortët e moshuar, pronarë të apartamentit në të cilin jetonte, në Torino.

Burri i Mbretëreshës Elizabeth, sa i dashur për publikun ka qenë në qendër të vëmendjes së mediave, për shkak të dyshimeve për marrëdhënie jashtëmartesore.

Trazirat në Irlandën e Veriut nuk kanë të sosur dhe për të tetën natë radhazi rrugët e Belfastit u mbushën me protestues. Edhe pse pati një rënie të konsiderueshme të numrit të tyre pas vdekjes së bashkëshortit të Mbretëreshës, Dukës së Edinburgut.

Kompania kineze e shitjeve online Alibaba, është gjobitur me një shumë rekord prej 2.75 miliardë dollarësh. Rregullatorët kinez deklaruan se shkak për këtë gjobë ishte abuzimi me pozicionin e tij dominues në treg për disa vjet.

Në dhimbjen e jashtëzakonshme për ndarjen nga jeta të princit të ndjerë, për mbretëreshën Elisabeth, ka një ngushëllim, që ajo dhe Princi Philip ishin së bashku deri në frymën e fundit.

Pas muajve të zymtë të dimrit dhe kufizimeve anti-COVID, në Holandë u shfaqën edhe dritëzat e para të shpresës të kthimit në normalitet.

Vullkani La Soufriere ka shpërthyer të premten në mëngjes në ishullin Karaibe të Saint Vicent dhe përsëri pasdite, duke e dërguar hirin mbi 20,000 metra në ajër.

Të akuzuara për një fushatë tejet të ngadaltë të vaksinimit në disa vende evropiane, ditët e fundit ka përjetuar një rritje të theksuar. 

Të shtëna për të nderuar Dukën e Edinburgut u mbajtën në të gjithë Mbretërinë e Bashkuar, në Gjibraltar dhe nga anijet luftarake në det. Princi Philip, bashkëshorti 73 vjeçar i Mbretëreshës Elizabeth II, vdiq të Premten në moshën 99 vjeçare dhe ishte bashkëshorti me jetën më të gjatë në historinë mbretërore britanike.

“Vrasja e një gazetari është një akt i neveritshëm, frikacak”, kështu është shprehur Presidentja e Komisionit Europian, Ursula von der Leyen, në reagimin e saj për ekzekutimin e gazetarit grek, George Karaivaz.

Kompania Pfizer kërkon të zgjerojë përdorimin e vaksinës anti COVID te adoleshentët e moshave 12 deri në 15 vjeç.

Ndarja nga jeta të Dukës së Edinburgut Princi Philip ka bërë që media britanike BBC të ndërpresë transmetimin dhe të jap lajmin e trishtë.