Bota

Një ngjarje e e tmerrshme dhune ka tronditur Singaporin, ku gruaja e një oficeri policie ka pranuar se la pa ngrënë, torturoi dhe në fund vrau shërbëtoren nga Mianmari.

Testi më i madh për gjeopolitikën amerikane vjen nga Kina është shprehur kështu William Burns, i nominuari i presidentit amerikan Joe Biden për të udhëhequr Agjencinë Qendrore të Inteligjencës (CIA). Burns, i cili ka shërbyer më parë si ambasador në Rusi dhe Jordani, i bëri këto deklarata gjatë seancës së konfirmimit të tij në këtë pozitë, para Komitetit të Senatit për Inteligjencë.

Megjithëse në plan të parë shifrat e papunësisë nuk janë të larta në Gjermani, tregu i punës po tregon efektet e pandemisë. Më së shumti pasojat i vuajnë të rinjtë. Ekspertët paralajmërojnë nga një brez i humbur.

Presidenti i SHBA-së Joe Biden ditën e djeshme anuloi një urdhër që paraardhësi i tij, Donald Trump kishte vënë në fuqi, duke bllokuar aplikantët e “kartës jeshile” për shkak të pandemisë me argumentin se po cënoheshin interesat e amerikanëve dhe po dëmtohej ekonomia vendase.

Kompania Facebook premtoi të mërkurën të investojë të paktën 1 miliard dollarë në mbështetje të gazetarisë gjatë tre viteve të ardhshme ndërsa gjigandi i mediave sociale mbrojti qëndrimin ndaj një mosmarrëveshjeje me Australinë lidhur me pagesat për organizatat e mediave.

Hungaria është i pari vend anëtar i Bashkimit Evropian që përdor vaksinën kineze të Sinofarm kundër Covid-19. Vaksinimi ka nisur këtë të mërkurë, dhe u konfirmua me anë të një mesazhi të shkurtër në Facebook nga kryeministri i vendit Viktor Orban.

Gjermania miratoi tre teste të COVID-19 për përdorim shtëpiak, si pjesë e strategjisë së Ministrit të Shëndetësisë Jens Spahn, për testimin masiv dhe për të ndihmuar ekonominë më të madhe të Evropës të dalë nga një bllokim i cili ka filluar që prej mesit të dhjetorit të vitit të kaluar.

Administrata Amerikane e Ushqimit dhe Barnave FDA ka rekomanduar për përdorim vaksinën e Johnson & Johnson.

Temperaturat e ulëta dhe stuhia e dëborës në SHBA kanë krijuar pamje tejet të veçantë në një nga ujëvarat më të mëdha në botë atë të Niagarës.

Policia britanike, belge dhe holandeze në një bashkëpunim mes tyre arritën të sekuestrojnë  më shumë se 1,5 tonë heroinë në portin e Roterdamit, në Holandë. Agjencia Kombëtare e Krimit e Britanisë së Madhe (NCA) tha sot se ngarkesa ndodhej në fuçi të mbushura me kripë Himalaje.

Një gjykatë gjermane ka dënuar një ish-oficer të inteligjencës siriane me katër vjet e gjysmë burg për bashkëpunim në krime kundër njerëzimit.

Kompania e prodhimit të vaksinave AstraZeneca pritet të japë më pak se gjysmën e vaksinave COVID-19 që është kontraktuar të sigurojë në Bashkimin Europian në tremujorin e dytë të vitit.  Duke ngritur kështu shqetësime se kjo mungesë do të thotë që BE mund të mos jetë në gjendje të përmbushë synimin e saj për të vaksinuar 70% të popullsisë deri në verë.

Një grua italiane është dënuar me 6 muaj heqje liri dhe me një gjobë , pasi kishte ushëtuar plot 151 herë pa biletë në linjën Torino-Milano. Gruaja udhëtonte rregullisht nga Torino - Milano pa paguar. 

Pas kritikave të shumta për vonesa dhe jo rrallëherë edhe deklaratave të fuqishme se Programi i Organizatës Botërore të Shëndetësisë për vaksinat COVAX ka dështuar, ditën e sotme programi ka shpërndarë dozat e para.

Në përpjekje për të vënë nën kontroll përhapjen e Covid-19, veçanërisht pas rritjes së rasteve me variantet e reja të COVID-19, një pjesë e madhe e shteteve evropiane kanë zgjatur kufizimet.

Kina nuk e ka hetuar siç duhej origjinën e Covid gjatë tetë muajve të parë të pandemisë, sipas një raporti që ka rrjedhur nga OBSH dhe të publikuar nga The Guardian.

Aktori i famshëm francez Gérard Depardieu është vënë zyrtarisht nën hetim për përdhunimin e një aktorje në shtëpinë e tij tre vjet më parë. Gruaja e akuzon atë për përdhunimin e saj në Paris në gusht 2018.

Planeti tokë prej një viti është “pushtuar” nga pandemia e COVID-19, por ka një vend në botë në të cilin ende nuk është raportuar asnjë i infektuar. Ky vend ku koronavirusi ende nuk ka shkelur, është fshati i Bolognola në rajonin Marche në Itali.

Një gjykatë në Pekin ka urdhëruar një burrë që të kompensojë gruan e tij për punët shtëpiake, pas vendimit për tu divorcuar në atë që konsiderohet si një vendim historik.  Sipas të dhënave të gjykatës, burri i identifikuar me mbiemrin e tij Chen kishte bërë kërkesë për divorc vitin e kaluar pasi u martuan në 2015.