Bota

"Nuk ka më një zonë të kuqe - tha Kryeministri Conte - do të ketë vetëm një Itali që shpallet 'zonë e mbrojtur'. "Objektivi ynë kryesor është shëndeti i qytetarëve i cili prevalon mbi interesat e tjera. E ardhmja e Italisë është në duart tona dhe secili duhet të bëj pjesën e tij".

Ka arritur në 4,024 numri i viktimave nga koronavirusi në të gjithë globin, ndërsa afro 115 mijë të tjerë janë konfirmuar mbartës të tij. Situata është kthyer në alarmante në Evropë dhe SHBA. Italia ka vendosur mbylljen totale të vendit për shkak të epidemisë, teksa në Kinë nga ana tjetër, virusi po humbet "fuqinë" e tij. Vetëm në 24 orët e fundit Kina ka shënuar 19 raste të reja të infektimit, teksa nga të dhënat mësohet se kjo është dita e 3 që nuk shënohen persona të infektuar jashtë Hubeit.

Italia është vendosur e gjitha në karantinë. Pas vendimit të së dielës për të ndaluar lëvizjen në Lombardi dhe 14 provinca të tjera, mbrëmjen e sotme kryeministri Italian Conte ka vendosur që të shtrijë dekretin në këtë regjim karantine, duke bllokuar çdo lëvizje të brendshme.