Lajme nga emisionet

Gazetar Flogert Muça, tha se fushatën për Tiranën do ta drejtojë vet kryeministri Edi Rama. Juristi Përparim Çaça, tha se Manastirliu, është emëruar që sot si kryetare e përkohshme e Bashkisë së Tiranës.

Juristi Kreshnik Spahiu, ka deklaruar se Tirana mund të shkojë në zgjedhje brenda dy muajve. Ai ka thënë se kryeministri Edi Rama është i sigurt në fitoren e PS në zgjedhjet e reja për kreun e ri të Bashkisë së Tiranës.

Të ftuar në studion e Report Tv, këshilltarët e Bashkisë së Tiranës, Alfred Muharremi i PS dhe Mirela Ruko e Lëvizjes Bashkë, replikuan për shkarkimin e Erion Veliajt.

Ilir Alimehmeti tha se Veliaj duhej që të kërkonte leje tek organet e drejtësisë për të folur në mbledhjen e Këshillit Bashkiak. Ai theksoi se shkarkimi i kreut të Bashkisë së Tiranës duhet që të ndodhte kohë më parë kur bëri PD kërkesë për shkarkimin e tij.

Në emisionin “Sot, Live në Shqipëri”, nën drejtimin e Nertil Agalliut, ishin të ftuar gazetarët Arbër Agalliu dhe Nicola Bavasso, të cilët treguan rëndësinë e lartë dhe vlerën e madh të këtij realizimi si për televizionin ashtu dhe në radio, për të gjithë komunitetin arbëresh si një kontribut i madh dhe i vyer për ruatjen e tratidave të hershme me rrënjë shqiptare.

Eksperti i Pushtetit Vendor, Agron Haxhimali, ka deklaruar se Veliaj duhet të dëgjohej jo vetëm në Këshillin Bashkiak, por edhe në Këshillin e Ministrave. Sipas Haxhimalit, procedurat burokratike mund t’i japin të drejtë Erion Veliajt në Gjykatën Kushtetute.

Në një lidhje të drejtëpërdrejtë nga Gjermania, mjeku Erion Dasho tha për Report Tv se ende nuk ka një vendim përfundimtar se përdorimi i paracetamolit ndikon te autizmi.

Ish-deputeti i PS Petro Koçi, tha, këshilli nuk e ka shkarkuar Veliajn sot, por ka bërë propozimin për shkarkimin, pasi shkarkimi bëhet nga qeveria. Endri Shabani, kreu i Nismës Thurje, tha se procesi ndaj Veliajt mund të zgjas për vite me radhë dhe se bashkia ka nevojë për një drejtues.

Avokati Alban Duraj, tha se 3 rastet kur mund të shkarkohet një kryetar bashkie është kur ka qenë në shkelje të rëndë të kushtetutës, kur është dënuar me vendim të formës së prerë dhe kur nuk paraqitet më shumë se 3 muaj në detyrë pa arsye. 

Ish-prokurori Eugen Beci, i ftuar në emisionin ‘Frontline Intervieë’ në Report Tv tha se një person që është nën akuzë duhet që të dëgjohet. Ai tha se edhe në mungesë të tij, tashmë praktike është edhe paraqitja e kundërargumenteve të personit nën akuzë me shkrim, por kjo është në shkelje të procesit.

Yzeiri bën kritika edhe ndaj prokurorëve të SPAK, për të cilët tha se po e mbajnë “peng” Veliajn nën masën arrest në burg.

Rada argumenton se PS do të duhej të kishte ndërmarrë hapa të tjerë para se të kërkonte shkarkimin e Veliajt. Sipas tij, nuk dihet nëse kryebashkiakut i është kërkuar që të dorëhiqet. Për zgjedhjet që pritet të mbahen në bashki, ai tha se PD po vonohet duke mos bërë publike emrin e kandidatit.

Ervin Salianji tha në emisionin “5 pyetjet” me Ilir Babaramon në Report Tv se primaret nuk forcuan aspak meritokracinë brenda Partisë Demokratike, pasi shumë prej fituesve të këtij procesi u lanë jashtë listave të kandidatëve për deputetë në zgjedhjet e 11 majit.