Lajme nga emisionet

Shaip Kamberi, deputeti shqiptar në Serbi e ka quajtur të drejtë vendimin e Kosovës për të mos lejuar automjetet me targa serbe në territorin e saj. Duke folur për 'Report Tv', Kamberi tha se presidenti Aleksandër Vuçiç nuk po zbaton marrëveshjet e nënshkruara mes dy vendeve në Bruksel. Ndërsa i bëri thirrje Uashingtonit zyrtar që të ndërhyjë për t'i ulur palët në bisedime, pasi BE nuk e ka fuqinë që ta detyrojë Serbinë të respektojë marrëveshjet. 

Nga përplasja e Sali Berishës me kryetarin e PD-së Lulzim Bashën, demokratët po dëmtohen dhe debati politik mes tyre, por bëhet vetëm për interesa personale të secilës palë dhe jo në interes të elektoratit të djathtë. Kështu ka deklaruar në Report Tv, Fatbardh Kadilli, i cili nënvizoi se ky është një derbi nga i cili nuk ka përfitim askush e aq më pak demokratët, duke shtuar se të dy janë një barrë për PD-në

"Me PD pa PD, me Berishë pa Berishë, me Lul pa Lul do të ketë gjithmonë opozitë". Ky është thelbi i qëndrimit të një prej personazheve më besnikë të së djathtës shqiptare në këto 30 vite, Dashamir Shehit, për gjithçka po ndodh në PD me përplasjen Basha-Berisha.

Ardhja e vjeshtës na frymëzon shpeshherë që të ndryshojmë  arredimin e shtëpisë duke iu përshtatur edhe ngjyrave të natyrës. 

Në dosjen hetimore mbi skenarin Hollywood-ian të zhdukjes së biznesmenit italian Davide Pecorreli është konstatuar që në makinën e djegur është gjetur një kafkë njeriu, megjithatë, kryebashkiaku, Gjon Gjonaj ka deklaruar se në Pukë nuk ka pasur asnjë varr të cenuar.

Minatori Fiqiri Karaji humbi jetën në thellësinë e nëntokës në shkurt të këtij viti, duke lënë pas bashkëshorten dhe 3 vajza. E sot, mes dhimbjes së humbjes së bashkëshortit, gruaja e tij, Fatbardha detyrohet të përballet çdo ditë me mjerimin e varfërinë ekstreme. 'Report Tv' ishte sot në banesën e  kësaj familje që ia dalin me vetëm 35 mijë lekë të vjetra pension që merr vajza e vogël dhe rrogën e Fatbardhës që tregon se ka nisur punë prej një muaji në seleksionimin e kromit.

Armando Hidi është trajneri personal i cili pasionin  e tij për palestrën e ka kthyer në profesion duke i dhënë sfida vetes për të ndryshuar jetën e shumë njerëzve.

Marrëdhëniet e hapura me SHBA-në e 'detyruan' kreun e Partisë Demokratike, që të përjashtojë Sali Berishën nga grupi parlamentar. Kështu ka deklaruar nënkryetari i PD, Ervin Salianji, i cili thotë se pyetja thelbësore që duhet të ngrihet ndërmjet demokratëve është se 'A duhet të mbajë PD marrëdhënie me SHBA apo jo?.  Salianji tha se ky vendim i Bashës është në interes të demokratëve dhe se nuk kishte zgjidhje tjetër

Deputeti demokrat Flamur Noka tha në ‘5 pyetjet nga Babaramo’ në Report Tv tha se Basha gjatë mbledhjes së kryesisë së grupit parlamentar sot, fyeu  bazën duke i thënë se nuk lejon ‘kongres anti-Amerikan’.  

PD po shkatërrohet pas vendimit të Lulzim Bashës për të përjashtuar nga PD liderin historik Sali Berisha. Kështu tha deputeti i PD Flamur Noka në emisionin "5 pyetje nga Babaramo" në Report TV, ndërsa ka zbardhur edhe debatet që ka bërë me Bashën sot në mbledhjen e grupit parlamentar të PD. Ai pohoi se Basha e quajti bazën e partisë, anti-amerikanë

Dy krisma që u dëgjuan të shtunën e kaluar rreth orës 17:00 tronditën fshatin Babunjë të Divjakës dhe mbarë opinionin publik. Krim i dyfishtë në familje, një ngjarje e përsëritur kjo në vendin tonë, në vetëm pak ditë.

Në rubrikën “ Bima dhe shëndeti’ me specialistin e bimëve mjekësore Ylli Merja diskutuam sot për problemet e shëndetit në periudhën e vjeshtës, e cila është edhe periudha kur nisin virozat. Diarre dhe të vjella janë dy simptomat kryesore tek virozat e stinës por në të njëjtën kohë edhe varianti I ri I Covid -19, mutacioni Delta ka këto simptoma, duke bërë kështu që shpesh herë të ngatërrohemi dhe të mos kuptojmë nëse është virozë e stinës apo virusi Covid-19.

Ish-presidenti Bujar Nishani nuk e ka përjashtuar si mundësi që Lëvizja e Sali Berishës të ketë ardhur për interesa personale, pas përjashtimit nga grupi i PD, por është i bindur se kjo i shërben partisë. Ai nuk beson te një pakt i fshehur me Lulzim Bashën, e ndërsa shtoi se me mbledhjen e Kuvendit Kombëtar të PD-së, kryedemokratit ‘do i merren ‘çelësat e partisë’