Lajme nga emisionet

Mesditën e kësaj të premte  në emisionin “Pa Gjurmë” në Report TV u trajtua historia e dhimbshme e një nëne nga Shkodra, me vendbanim në Zvicër, e cila kërkon të takohet me dy fëmijët, Mateon 13-vjeçar të cilin nuk e sheh që prej vitit 2018 dhe Gianlucan 10 vjeç që s’e ka parë prej 6 vitesh.

Studentët që kanë kaluar COVID në 3 muajt e fundit duhet të lejohen të futen në auditore edhe nëse nuk kanë bërë vaksinën. Kështu sugjeroi epidemiologia e ISHP Gentiana Qirjako. Sa i përket situatës së pandemisë në vendin tonë ajo nënvizoi se është nën kontroll

Përjashtimin nga grupi parlamentar i PD të liderit historik të saj Sali Berisha, analistja Brizida Gjikondi e quan një vendim të guximshëm të kreut të PD Lulzim Basha.

Ndryshimet e shpeshta të cdo sezoni bëjnë që sidomos zonjat dhe vajzat të ndryshojnë garderobën e tyre çdo vit. Por për stilisten Anila Konomi kjo është e panevojshme pasi mjafton të bësh blerje të zgjuara dhe do të zgjasin për një kohë të gjatë në garderobë:

Në një rrëfim në ‘Rreze dielli’ ajo tregon rrugëtimin drejt modës, stilit dhe krijimit të biznesit.

U desh përjashtimi i Sali Berishës nga grupi parlamentar i PD-së që të dilnin në pah disa të vërteta që për opinionin publik ishin servirus si thashetheme, por sot konfirmohen goja e vetë protagonistëve

A po bashkëpunon Berisha me Bashën apo ai kërkon kokën e “djalit të tij shpirtëror”...kjo është një nga pyetjetet që nuk ka gjetur ende një përgjigje që nga përjashtimi i tij nga grupi i PD (ndoshta nuk do e gjejë kurrë) dhe ky është mendimi që i ndan edhe të ftuarit e sotëm në ‘Repolitix’.

Partia Demokratike u fut në Kuvend pas një mungese prej 2 vitesh e gjysmë, por megjithatë, sipas ish-deputetit Ralf Gjoni, vendi nuk ka opozitë. I ftuar në studion e "Sot Live në Shqipëri" në Report Tv, Gjoni tha se opozitë nuk do të thotë të shkosh në Kuvend e të grisësh letra, duke iu referuar veprimit të PD që bojkotuan votimin për Lindita Nikollën si kryetare  e Kuvendit, duke grisur fletët e votimit. Përplasjen Basha-Berisha, pasi ky i fundit u përjashtua nga grupi parlamentar i PD-së, Ralf Gjoni e ka quajtur fals.

Sot në emisionin “Pa Gjurmë” u trajtua historia e pazakontë e 55-vjeçares Mirela Gjoni, e cila emrin e vërtetë e ka Dallëndyshe Ahmetaj. Ajo ka zbuluar pas shumë viteve misterin e jetës së saj dhe dy identiteteve. 

Eksperti Ardian Haçkaj, Drejtor i Hulumtimit dhe Koordinator i Tirana Connectivity Forum, e konsideroi vizitën e kancelares gjermane Angela Merkel në Tiranë si përkushtimin e saj personal por dhe të Gjermanisë për rajonin e Ballkanit. Në një intervistë për Report Tv, Haçkaj tha se fakti që Ballkani u bë pjesë për herë të parë e tryezave në Bruksel ndodhi fal investimit të Merkel dhe incimit nga ana e saj e procesit të Berlinit.

Edvin Kulluri, pjesë e grupimit 'Për PD-në', thotë se Sali Berisha është i mirëpritur në aksionin e tij politik, por duhet të jetë i qartë në idetë që ai ka, që ta fusë partinë në një cikël demokratik. Kulluri tha se Berisha gëzon mbështetje në bazë, por synimi kryesor është që të demokratët të bëhen bashkë në mënyrë që të rikthejnë PD-në tek fitorja

Nga

Arsen Rusta

Tunelet te nënkalimi i Shqiponjës janë kthyer në burim aksidentesh ku vetëm ditët e fundit janë përmbysur disa makina për shkak të kthesës së fortë dhe mungesës së sinjalistikës. Inxhinieri i Sigurisë rrugore Spartak Tarka tha në Report Tv se duhet rregulluar sinjalistika. Ai siguroi se rrugët në Shqipëri auditohen dhe inskeptohen nga ekspertët, të cilët japin rekomandimet e tyre kur duhet ndërhyrë në akse për përmirësimin e tyre.

Stina e vjeshtës sjell edhe një larmishëri ushqimesh, të cilat mund të përdoren në gatimet tuaja. Nutricionistja Diola Dosti në një intervistë në emisionin “Rreze Dielli” krijoi shportën e saj të vjeshtës me perime dhe fruta të stinës, ku ndër to është edhe majdanozi, si një kurë magjike për personat që sapo janë vaksinuar kundër Covid-19. Sipas saj majdanozi largon metalet e rënda nga trupi. 

Në studion e ‘Repolitix’, Babaramo ka bërë një analizë të detajuar të ‘Open Balkan’ duke thënë se është ndryshe nga Procesi i Berlinit, pasi në ndryshim nga i pari, ky i fundit ka mbështetjen e shteteve më të fuqishme të Europës. Në një kohë kur Kosova refuzon që të marrë pjesë, Babaramo tha se Rama po synon që të marrë një vend në histori si “njeriu që pajtoi Serbinë e Kosovën. Mirëpo nuk është i këtij mendimi, Etjen Xhafaj, sekretar i Komisionit të Jashtëm. AI tha se krijimi i Ballkanit të Hapur është sepseProcesi i Berlinit ishte shumë burokrat.

Në një kohë kur dëgjojmë teori të tilla se “vaksina ka cip”, “vaksina nuk të lejon të mbetesh shtatzënë” se “vaksina na ndryshon ADN” të thëna nga njerëz që nuk bazohen në argumente shkencore dhe nuk citojnë asnjë studim, Skënder Brataj në cilësinë e mjekut ka dhënë arsye që pse sipas tij vaksina të mbron më shumë, se sa të rrezikon.

Braimllari në një intervistë për Report Tv tha se ato i kanë kërkuar Lulzim Bashës që mos të tradhëtojë kauzën e opozitës për interesa personale dhe të Edi Ramës.

Në një intervistë në emisionin “Rreze Dielli” në Report Tv, astrologu i njohur Jorgo Pulla tregoi më tepër për parashikimin e yjeve për dy javët e fundit të shtatorit, ku theksoi se do të kemi lajme të mëdha këtë fund shtatori.