Lajme nga emisionet

Ndalur te situata në Shqipëri, ku po ashtu është vënë re një rritje e rasteve të infeksionit dhe fataliteteve, mjekja vuri theksin te procesi i vaksinimit, ku tha se po ecën me ritme të ngadalta. 41% e popullsisë sonë është vaksinuar me të dyja doza, shifër që për Dollenberg nuk është e mjaftueshme, në një kohë kur shumica e vendeve europiane këtë shifër e kanë mbi 70%.

Prej 19 ditësh, Sherif Mukaj, 28-vjeç nga Kolonja është raportuar i humbur. Fati i 28-vjeçarit ende nuk dihet, ndërsa kontaktet me familjen i ka humbur që prej datës 1 nëntor. Ndërkohë, Tre qytetarë  kanë hedhur dritë mbi vendodhjen e 28-vjeçarit, të cilët për emisionin 'Pa Gjurmë’ në Report Tv pretendojë se e kanë parë Sherif Mukajn në Shkodër.

Një rrëfim ndryshe dhe pa dorashka, ish-deputeti Anastas Angjeli zbulon shumëçka për jetën e tij personale.

Përplasja Berisha-Basha në PD për analistët do të sjellë pasoja të rënda për partinë. Arbën Skënderi tha se PD ka 8 vite që ka rënë në letargji dhe kjo për shkak se Basha nuk ka respektuar asnjë institucion. Ndërsa për ish anëtarin e Këshillit Kombëtar të PD, Gent Malko tha se Berishës ia kanë hequr me kohë vizën dhe se në PD duhet të kishin lindur forca të reja.

Fakti që familjarët e 8-vjeçarit Mateos Vasiu, po mbledhin firma për të kërkuar dënimin me vdekje për vrasësin e fëmijës së tyre, Klodian Çalamanit ka ngjallur një debat të madh në opinion publik nëse dënimi me vdekje duhet të kthehet apo jo. Kjo çështje është trajtuar mbrëmjen e sotme në Report Tv në emisionin ‘Repolitix’ nga gazetari Denis Minga.  

Nëna e dinte se kishte humbur nga qyteti i Vlorës, e dashura zbulon gjurmët e fundit nga Zvicra.

Një valë e re infektimesh nga COVID ka mbërthyer Europën duke rritur numrin e qytetarëve të prekur nga COVID. Mjeku Erion Dasho i cili ndodhet në Gjermani dhe mjeku Genc Kapxhiu, i cili jeton në Itali, thanë për Report Tv, se rritja e infektimeve vjen për shkak të qytetarëve nga qytetarët e pavaksinuar. Të një mendimi mjekët bënë apel për vaksinim pasi kjo është e vetmja armë ndaj këtij virusi dhe në këtë mënyrë mund të shkëputet zinxhiri i infektimeve

hiroja me biçikletën e autorit, detaji që ky i fundit i kishte dhënë porosi për t'i blerë në bukë në dyqan, fakti që ishte beqar, rasti i mëparshëm i pengmarrjes së vajzës, janë elementë që për ekspertët kanë shërbyer si një indice për të hedhur tezën se 38-vjeçari e ka joshur Mateon Vasiun për ta abuzuar seksualisht. Kjo ngjarje, përtej mos funksionimit të një zinxhiri institucioneve, pyetja që është shtruar në opinionin publik është rikthimi ose jo i dënimit me vdekje. Për këtë , të ftuarit në 'Repolitix', janë shprehur një të dyzuar dhe vështirë se japin një përgjigje fikse.

Në mënyrën më makabre dhe çnjerëzore një burrë i mori jetën një djali të vogël vetëm 8 vjeç ditën e djeshme në Fier. Lidhur me reagimet e njerëzve dhe profilin e kriminelit ka folur për Report Tv sociologu Profesor Gëzim Tushe, i cili tha se autori e ka kryer vrasjen në gjakftohtësi dhe kjo e bënë situatën edhe më të rrezikshme.

Për ish-deputetin Andi Përmeti dhe analistin Ylli Pata, pas 11 dhjetorit Partia Demokratike do jetë më e përçarë se kurrë, ndryshe nga sa pretendon Sali Berisha dhe Lulzim Basha se Kuvendet e gjithsecilit do i bashkojnë demokratët. Të ftuar në emisionin ‘Repolitix’ në Report Tv, përballë gazetarit Denis Minga dy të ftuarit deklarojnë se muaji janar do të sjellë ndarjen e PD-së në dy parti.

Edvin Kulluri u shpreh se do të marrë pjesë më 11 dhjetor në Kuvendin e thirrur nga Berisha, nëse do të ketë një ftesë për të. Sipas Kullurit, data 18 dhjetor për thirrjen e Kuvendit nuk është datë e dalë nga delegatët, por nga 'kryesia e Bashës'.

Gjendet pas 5 muajve mjeku, Jetmir Shehu, i zhdukur në Rinas. ’Pa Gjurmë’ ka sjellë plot emocione mesditen e kesaj të marte, duke ribashkuar 32-vjeçarin me familjen e tij. Jetmir Shehu me banim ne SHBA, kishte udhëtuar drejt Shqipërisë qershorin e këtij viti dhe kishte humbur çdo kontakt me familjen. Falë informacioneve të mbërritura në Repor TV u lokalizua menjëherë vendndodhja e tij dhe u realizua takimi mes familjarëve, emocione që u përcollën nga moderatorja e programit Odeta Dume.

Lulzim Basha fitoi betejën në kryesinë e Partisë Demokratike duke mbledhur 26 vota pro, 3 kundër dhe 7 abstenime për mbledhjen e Kuvendit me datë 18 dhjetor dhe jo me datë 11 si kërkonte grupi i Sali Berishës. Por ish-deputeti i Partisë Demokratike Klevis Balliu, i rreshtuar hapur në mbështetje të lëvizjes së ish-kryetarit Sali Berisha, i cili kërkon të rikthehet të marrë drejtimin e PD-së, tha se Kuvendi legjitim është ai i datës 11 dhjetor.

Pas rritjes së çmimit të bukës, mbetet dyshuese edhe cilësia e saj. Në një intervistë në emisionin ‘Rreze Dielli’ në Report Tv, prof. Dr. Abdyl Sinani nëpërmjet një eksperimenti të realizuar në studio tregon nëse buka ka ngjyrues, a janë të dëmshëm për organizmin dhe si ta kuptojmë këtë. 

Deputetja e Partisë Demokratike, Albana Vokshi në emisionin '5 pyetjet nga Babaramo' në Report Tv është shprehur se vendimi i Lulzim Bashës për të mbledhur Kuvendin Kombëtar të PD-së, në 18 dhjetor nuk bën gjë tjetër veçse e përçan edhe më shumë partinë.

‘Lufta’ në Partinë Demokratike mes Lulzim Bashës dhe Sali Berishës po sjell përçarjen e demokratëve. I ftuar në emisionin ‘5 pyetje nga Babaramo’ në Report Tv, deputeti demokrat, Saimir Korreshi thotë se kjo situatë po dëmton elektoratin e partisë.

Jetmir Shehu, i cili prej 20 vitesh jetonte në Amerikë ka humbur gjurmët në Shqipëri. 32-vjeçari nga Fieri rezulton i humbur që prej 19 qershorit të vitit 2021, gjurmë të cilat janë zbuluar nga sistemi TIMS. Në emisionin ‘Pa Gjurmë‘, në Report TV mbërrijnë live mjaft telefonata, ndwrsa qytetarët lokalizojnë vendndodhjen e 32-vjeçarit në zonën Laprakës në Tiranë. Babai flet live në studio me dëshmitarin, stafi i programit niset në terren. Pas historisë së zhdukjes e më pas gjetjes së Mirela Zefit dhe djalit 9-vjeçar, ky është i dyti rast i denoncuar në emisionin ‘Pa Gjurmë‘ kur një shtetas shqiptar lë Amerikën dhe humb gjurmët në Shqipëri.

Në një intervistë në emisionin ‘’Rreze Dielli’ specialisti i bimëve mjekësore Ylli Merja tregoi gjithçka që duhet të dini për diabetin dhe kurat bimorë të cilat duhet të përdori cdo person I diagnostikuar me diabet për ta mbajtur nën kontroll këtë sëmundje.