Lajme nga emisionet

Një nga motivet kryesore për humbjen e opozitës, deri në kufijtë e një gafe të pafalshme,  kreu i PDK-së, Nard Ndoka ka vlerësuar se ka qenë mungesa e komunikimit të kryedemokratit Lulzim Basha me aleatët. Mosbashkëpunimi në këto zgjedhje ka arritur deri aty sa PD-ja nuk i kishte informuar për ngritjen e grupit për mbrojtjen e votës. 

I akuzuar rëndë nga drejtuesi politik i PD-së në Qarkun Lezhë, Mark Marku për blerje votash, kreu i Bashkisë së Lezhës, Pjerin Ndreu, deklaroi në një intervistë për Report Tv se me Markun do të përballet në gjykatë. 

Bojien Abazi, kryetari i Lëvizjes Vetëvendosje në Shqipëri, i cili garoi si i kandidat i pavarur në Tiranë në zgjedhjet e 25 prillit, ka akuzuar Partinë Socialiste se ka deformuar votën e qytetarëve.

Belind Këlliçi, i cili u zgjodh deputet nga zgjedhjet e 25 prillit në Partinë Demokratike, i ka cilësuar thirrjet për largimin e Lulzim Bashës nga drejtimi i PD nga demokratët e zhgënjyer, si të nxituar dhe se partisë dhe strukturave drejtuese të saj duhet t’i jepet koha e duhur për të bërë analizën se ku kanë çeduar dhe ku kanë gabuar për të nxjerrë mësimet e duhura.

Shkodra nuk pati rezultatin e pritur për socialistët duke marrë vetëm 3 mandate, por kjo sipas kryesues së listës Edona Bilali nuk do të ndikojë të vizionin e qeverisë për kryeqendrën e veriut. Në një intervistë për Report TV deputetja e zgjedhur u shpreh se "për projektet ne do të trakasim në derën e Kryeministrit njësoj sikur rezultati i Shkodrës të ishte në të njëjtën linjë me atë të të gjithë vendit".

55-vjecarja nga Tirana, Lirie Manjani rezulton e humbur, që prej mesditës së 2 majit. Të shqetësuar edhe për shkak të shëndetit të saj, pasi prej 17 vitesh vuan nga skleroza, familjarët iu drejtuan këtë të hënë për ndihmë emisionit 'Pa Gjurmë' në Report TV.

Mjekja shqiptare në Gjermani Aurora Meta Dollenberg në një intervistë për Report Tv ka folur për një medikament që po studiohet i cili mund të shërojë brenda 5 ditëve simptomat e COVID

Duke folur për rezultatin personal të arritur dhe për faktin që s'do të jetë pjesë e Kuvendit të ardhshëm, kreu i Partisë Balli Demokrat Liberal ia vë fajin numërimit. Sipas tij votat kundër Ramës duhet të ishte shumë më e fuqishme.

E ftuar në studion e emisionit "Rreze Dielli" në Report Tv, astrologia Meri Gjini, tregon se çfarë thonë yjet për muajin maj, si dhe karakteristikat për të gjitha shenjat.

Zonja Rakacolli garanton se deri më tani nuk ka pasur asnjë efekt anësor nga vaksinat e kryera. Sipas saj fushata e vaksinimit është një nga fushatat më mirë të organizuar.

Endri Shabani, kryetari i Partisë Nisma Thurje, që nuk arriti të sigurojë asnjë mandat në zgjedhjet e 25 prillit, bëri fajtor sistemin zgjedhor në vend. Shabani  tha në emisionin “Pa Protokoll” se nëse vendi do të kishte sistem proporcional kombëtar sot Nisma Thurje do të kishin një deputet në Kuvend. Ndërsa Etjen Xhafaj tha se problematikë e këtyre zgjedhjeve ka qenë numri i lartë i fletëve të pavlefshme të votimit.

Partia "Nisma thurje" nuk mori asnjë mandat në zgjedhjet e 25 prillit, por sipas kandidatit të saj Pano Soko ajo doli forcë e parë ndër forcat e reja që kandiduan. Ndërsa hodhi akuza për blerjen e votave përmes disa mënyrave përfshirë këtu edhe legalizimet, Soko theksoi se ka dhe disa kandidatë të panjohur që kanë thyer herësin.

Rezultonte i humbur që prej 18 marsit të këtij viti, Bledar Salinja telefonon papritur live në emisionin “Pa gjurmë” në Report Tv. Prej ditësh ai kërkohej në program nga ish-bashkëshortja dhe djali i tij, ndërsa këtë të premte surprizoi jo pak familjarët por edhe vetë moderatoren Odeta Dume, ndërsa u drejtua në vetën e parë.Ai tha  se ishte mirë dhe se nuk kishte humbur.

Pas humbjes së zgjedhjeve të 25 prillit, në radhët e demokratëve janë shtuar zërat për largimin e kreut të PD-së, Lulzim Basha. Ish-anëtarja e kryesisë së Partisë Demokratike në një intervistë për Report Tv tha se kjo është një betejë jo vetëm për largimin e Bashës, por është një hap për të rithemeluar PD dhe për t’i dhënë vendin një opozitë përballë një Rame që është shumë i pushtetshëm

Për deputetin Ralf Gjoni e gjithë kjo përplasje mes Ilir Metës dhe mazhorancës që ka njoftuar shkarkimin e Presidentit, është thjesht një gjë personale mes Ramës e Metës.  Ai thotë se nuk do të merrte pjesë në votim në këtë proces. 

Lefteri Gjosha autore e librave me receta të ndryshme tradicionale  në një intervistë nostalgji në emisionin “ Rreze Dielli” risjell në kujtime receta të vjetra shqiptare mjaft të shijshme.