Lajme nga emisionet

E ftuar në emisionin ‘Pa Protokoll’ në Report Tv, duke ju referuar përplasjeve që ndodhën Ditën e Verës’,Rudina Hajdari nënvizoi se ndëshkimi i këtyre bandave duhet të ishte kryer me kohë, dhe jo të pritej ajo ditë për ti identifikuar. Sipas Hajdarit, partitë politike provokuan me flamuj dhe me militantë, ndërkohë që asnjë person nuk u arrestuar pas ngjarjes

Situatën e tensionuar në Elbasan, afro një muaj para zgjedhjeve të 25 prillit, kandidati për deputet i ‘Nismës Thurje’, Pano Sako, e lidh me mungesën që kanë partitë politike për t’u përplasur me ide

Kandidatja për deputete e PS në qarkun e Gjirokastrës, Kjara Adhami u ka bërë thirrje të gjithë të rinjve që të përfshihen në politike, të jenë pjesë e saj dhe e vendimmarrjeve në mënyrë që ta përdorin atë si mjet për t'i çuar gjërat para dhe sjellë një zhvillim më të madh për politikat që ndiqen për to.

Ndodh edhe kështu, ndërkohë që jemi duke kërkuar ende një të humbur dalin në pah edhe problematika të tjera sociale. Thellohen problemet, por edhe hiqet dorë nga kërkimet. Një gjë e tillë ka ndodhur me humbjen e Destan Bushit, nga Bulqiza.

E motra denoncoi humbjen e tij në ’Pa Gjurmë’ në Report TV, kur mësoi se kërkohej në emisionin, vëllai rilidh kontaktet pas 6 muajve. 

Në një intervistë në emisionin 'Rreze Dielli' folëm me Flora Totën, parashutistja  e parë grua në Shqipëri, për aktin e guximshëm që ndërmori bashkë me tre vajza të reja. Ajo ndoqi ëndrrën e saj, duke krijuar kështu një copëz të vogël historie.

EMA deklaroi sot se vaksina AstraZeneca është e sigurt, e efektshme dhe nuk shkakton trombozë apo mpiksje gjaku. Në emisionin 'Repoltix" në Report Tv po diskutohet pikërisht për AstraZeneca-n, ku një panel mjekësh dhe nga sektori i Shëndetësisë thanë njëzëri dhe me bindje se do të vaksinohen me AstraZeneca pa hezitimin më të vogël.

Ministrja e Infrastrukturës, Belinda Balluku në një intervistë për Report Tv tha se 5 kompanitë që ishin në garë për ndërtimin e Tunelit të Llogarasë janë skualifikuar pasi nuk plotësonin kriteret ligjore dhe teknike. Gjithashtu Balluku tha se më 18 prill do të mbahet fluturimi i parë nga aeroporti i Kukësit, ndërsa në fund të marsit do të hapet tuneli i dytë te ish sheshi Shqiponja ku po kryhen punimet për ndërtimin e Unazës së Madhe, që do të lehtësojë trafikun.

Një çift nga Lezha janë në kërkim të vajzës, që i bëri prindër për herë të parë. Foshnja me emrin e rrallë, Metër, u lind më 13 qershor të vitit 1968, në shtëpinë e saj në Kashnjet të Lezhës. 

Njerëz të zhdukur, në vitet e para të eksodit shqiptar, vazhdojnë të denoncohen në programin ‘Pa Gjurmë’ në Report TV.  Sipas statistikave, nga vitet ’90 deri ’95 rezultojnë mbi 300 persona të humbur, kryesisht në Greqi dhe Itali. Këtë të enjte, emisioni i fokusuar me këto histori humbjesh, prezantoi për herë të parë pasaportën e Altjon Selamaj nga fshati Llakatund i Vlorës. 

Nga

Doris Sallaku

Në fund të muajit qershor, Tirana pritet të arrijë imunitetin kolektiv. Kështu thotë anëtari i Komitetit të Imunizimit, Genc Sulçebe, i cili gjithashtu veçon se AstraZeneca është vaksinë e sigurt.