Kronikë

Trafikantët po korrin fitime të konsiderueshme nga kalimi ilegal i klandestinëve përmes Shqipërisë. Pagesa për të mbërritur në Gjermani është 5 mijë euro, siç del nga hetimet për sulmin me armë ndaj policisë në kufi më 26 maj. Klandestinët e arrestuar kanë thënë se janë grabitur e kërcënuar me armë.  

Gjykata Kushtetuese ka rrëzuar pretendimet e Ilir Kupës për të shpallur anti kushtetuese vendimet e 3 shkallëve të gjyqësorit në Shqipëri pasi sipas tij i janë shkelur të drejtat e njeriut për një proces të drejtë gjyqësor, për shkak se nuk ‘është prezumuar i pafajshëm’ dhe nuk ‘është dëgjuar në një proces penal’

Skandali me mbetjet në brigjet e lumit Mat në afërsi të burgut të Shënkollit në Lezhë vijon. Mbeturinave ju është vënë flaka gjatë natës ndërsa autoritetet që zbarkuan dje në terren nuk kanë arritur të zbulojnë personat që hedhin në këtë vend përfshirë edhe ata spitalore.

Fredi Beleri, i cili ndodhet në burg që prej datës 12 maj pasi akuzohet se ishte duke blerë vota, 2 ditë para zgjedhjeve, ndodhet me prej 2 ditësh në spitalin e burgut sre ka shfaqur probleme me zemrën. Ndërkohë që ai vazhdon betejën për të fituar lirinë

Dy efektivë të forcave ‘Shqiponja’ në Tiranë kanë rënë në pranga pasi u kapën duke i  marrë një shoferi 100 euro. Bëhet fjalë për policët Andi Çelmetën dhe Hashim Xhixhën

Gjykata e Posaçme ka pranuar kërkesën e gjykimit të shkurtuar për 16 të pandehur për inceneratorin e Fierit, teksa gjatë seancës togat e zeza kanë vendosur rrëzimin e kërkesës së supervizorit të punimeve Arben Dervishaj dhe Regan Merdanit për shpalljen e moskompetencës nga kjo Gjykatë.

Një 35-vjeçar i identifikuar si E.G., është arrestuar nga policia në Cërrik pasi kishte vënë lokalin e tij në dispozicion të organizimi të kundërligjshëm të lojës me zara.

Një person ka humbur jetën në spitalin e Traumës në Tiranë pas 12 ditësh në gjendje të rëndë. 34-vjeçari u rrëzua nga pema e lisit në Theth aksidentalisht

Çifti Saliaj dhe vajza e tyre mbeten të plagosur nga shpërthimi i bombolës së gazit në banesë. Ngjarja ndodhi në Patos, ndërsa po hetohet për shkaqet e rrjedhjes së gazit.

Një 28-vjeçar ka ndërruar jetë si pasojë e një aksidenti mbrëmjen e djeshme në Shkodër

Një 35 vjeçar në Korçë është arrestuar nga policia pasi po transportonte me furgon 23 emigrantë nga vendet e treta në këmbim të pagesave nga 300 deri në 1000 euro për person.

Nga

Keti Banushi

Dy oficerët e policisë së Elbasanit përfunduan në SPAK nga një përgjim i kapur nga Prokuroria e Përgjithme për bllokimin e makinës me dru. Në dosjen e siguruar nga Report TV, zbulohet se në rrjetën e përgjimit ishte prokurori i çështjes Arbër Berexha që urdhëronte oficerin Toska të mos e nxirrte makinën nga komisariati pa urdhërin e tij. Në përgjime zbulohem pagesa ryshfeti deri 1 mln lekësh të vjetra.

Gjykata e Kukësit la në masë arresti me burg për 3 muaj, 6 emigrantët e huaj nga vendjet e Lindjes, të cilët akuzohen se qëlluan ndaj policisë në kufirin Shqipëri-Kosovë në Morinë. Në mbrojtje të tyre u vu një avokate nga shteti, e cila tha se të arrestuarit kanë dashur vetëm të kalojnë kufirin e gjelbër për në vendet e BE, dhe se trafikantët e klandestinëve që qëlluan ndaj bluve, janë 3 persona të tjerë, gjithashtu të huaj.

Pothuajse 6 muaj që prej incidentit të 6 dhjetorit ku u godit me grusht ish kryeministri Sali Berisha, ekspertiza mjeko-ligjore ka dalë në përfundime për gjendjen mendore të autorit. Bëhet fjalë për Gerti Shehun, i cili në protestën e bërë nga Berisha, (në të njëjtën ditë që u mbajt edhe samiti i liderëve të BE-së në Tiranë), e goditi me grusht në fytyrë.

34-vjeçari Luan Dollani në Vlorë ka rënë në prangat e policisë pasi plagosi me thikë një 64-vjeçar për motive të dobëta.

Një 38-vjeçar është vënë në prangat e policisë së Borshit pasi është kapur në një zonë bregdetare duke lëvizur me një armë zjarri. Bëhet fjalë për Bledar Likajn, i cili qarkullonte i armatosur pa leje.

Në 2 operacione, në malësitë e Krujës dhe të Kurbinit, policia, e ndihmuar nga dronët dhe avionët e Guardia Di Finanza, zbuloi parcela të tëra me kanabis, duke asgjësuar në total gati 4 mijë bimë kanabisi. Në Kurbin u zbulua kultivuesi, i cili u arrestua, dhe një tjetër u shpall në kërkim