Kronikë

Si shkak i flakëve masive, të cilat janë fikur, dyshohet të ketë qenë një defekt në rrjetin e energjisë elektrike, ndërsa kreu i Shërbimit Zjarrfikës në Tiranë, Shkëlqim Goxhaj, shprehet i bindur se nuk ka indicie që zjarri të ketë qenë i qëllimshëm

Shërbimet e Policisë Rrugore u kanë bërë thirrje drejtuesve të automjeteve të tregojnë kujdes të shtuar në qarkullim dhe të përdorin goma dimërore e pajisje kundër rrëshqitjes, ndërsa vendi po vuan pasojat e motit të keq. 

Qytetarët e Durrësit janë ngritur në protestë për shkak të përmbytjeve masive që kanë prekur qarkun. Banorët janë dyndur drejt dyerve të bashkisë së qytetit për t'i kërkuar llogari kryebashkiakes, moment ku ka pasur dhe përplasje me policinë. 

Lezha, Kurbini dhe Kruja vijojnë të jenë peng i motit të keq, me përmbytje tokash dhe vërshim të ujit në banesa. Disa hidrovorë në Kurbin dhe Lezhë po punojnë në kuota kritike për shkak të çarjes së argjinaturës në lumin Droje, që preku disa fshatra në Kurbin dhe Krujë. 

Reshjet e dendura të dëborës kanë çuar në bllokimin e qafës së Llogarasë. Policia ka vendosur efektivë në zonë duke mos lejuar lëvizjen e automjetev për shkak të rrezikshmërisë që paraqitet në rrugë. Edhe juglindja dhe Veriu i vendit u përfshinë nga reshjet e dëborës, duke sjellë vështirësi në qarkullim

Si pasojë e përmbytjes së rrugës, qarkullimi në aksin e vjetër Fier–Vlorë është ndërprerë përkohësisht dhe është devijuar në autostradë.