Kronikë

Bashkëshortja e Lulzim Bitrit, i cili u qëllua me armë pranë një karburanti në Elbasan, ku ishte së bashku me Ardian Çollakun ka treguar se së fundmi kanë pasur dhe vështirësi ekonomike

Pas një hetimi 1-vjeçar SPAK ka goditur një grup kriminal në fushën e kultivimit të kanabisit në zonat malore të Pukës e Mirditës duke vënë në pranga 9 trafikantë, mes tyre kokat e grupit. 4 efektivë të tjerë janë në masën "detyrim paraqitje", ndërsa është shpallur në kërkim nënkomisari i policisë së Pukës, Kastriot Bicukaj i akuzuar për favorizim të kultivimit të kanabisit për grupet kriminale.

Eksperti i kriminalistikës, Fatjon Softa në një intervistë për Report Tv, tha se kjo është një situatë e rëndë për rolin e policisë së shtetit dhe se tregon një papërgjegjshmëri nga ana e Ministrisë së Brendshme, për t’i kontrolluar këto efektivë. Softa tha se Ministria e Brendshme duhet të kontrollojë efektivët e policisë, kryesisht në zonat me pika kufitare dhe të vendoset një filtër i fortë, pasi do të ndalohen kalimet qoftë të drogës apo klandestinëve. Për Softën efektivët e arrestuar duhet edhe të hetohen nga krimi ekonomik

Në operacionet e zhvilluara ditën e djeshme në Tiranë dhe Korçë janë arrestuar 4 efektivë policisë dhe 6 janë pezulluar. Gjithçka lindi nga hetimet  dhe përgjimet që po u bëheshin policëve të Korçës, në lidhje me kalimin e paligjshëm të emigrantëve. Nga përgjimet dolën edhe efektivët e Tiranës të Komisaritati nr. 1 që akuzohen për lejim të kalimit të personave jashtë orarit policor të vendosur për shkak të COVID-19. Efektivët akuzohen veprat penale "Shpërdorim detyre" dhe "Falsifikim i dokumenteve"

Pas përfundimit të hetimeve SPAK ka dërguar për gjykim dosjen për Altin Ndocin, Klevis Allën, Besjan Xhixhën dhe Enver Divën të përfshirë në vrasjen e dy vëllezërve Haxhia në Durrës. Ndërsa për Talo Çelën dhe Nuredin Dumanin hetimet janë pezulluar për 1 vit pasi nuk janë arrestuar ende. SPAK i ka kërkuar policisë që t'i gjejë se ku fshihen.

Është finalizuar me sukses operacioni policor i koduar “POROSIA” nga blutë e qytetit të Durrësit, duke shoqëruar kështu 4 persona, 2 prej të cilëve doganier. Artan Topuzi, 58 vjeç dhe Enkel Shehi, 52 vjeç, me detyrë doganier, të dy banues në Durrës, janë arrestuar pasi dyshohet se kanë shpërdoruar detyrën duke mos kryer kontrollin e imtësishëm të mjetit ku u gjetën mallrat kontrabandë

Një pikë karburanti është grabitur mbrëmjen e kaluar në Bulqizë. Sipas policisë dy persona ende të paidentifikuar dyshohet se kanë vjedhur një shumë parash në pikën e karburantit të shtetasit Q.J., në aksin rrugorë Bulqizë-Shupenzë

Ngjarja ka ndodhur mbrëmjen e djeshme në Vlorë, ku biznesmeni i linjës së udhëtarëve Vlorë-Sevaster, Pellat Bonaj, 57 vjeç, ka vajtur për t'i kërkuar llogari kryebashkiakut Binaj se pse linjën që ai e kishte në administrim i ishte dhënë pa të drejtë një subjekti tjetër. Pas debatit të ashpër, biznesmeni ka goditur me grusht kryetarin e Bashkisë Selenicë, Pëllumb Binaj. Pas ngjarjes ai është arrestuar.

Një 33-vjeçar nga Dubai është arrestuar në Rinas pasi ishte i shpallur në kërkim ndërkombëtar nga autoritetet Pakistaneze e akuzojnë për mashtrime publike duke pëdorur arsye fetare.

Dy shqiptar janë arrestuar nga policia në Padova të Italisë, pasi janë kapur më gjysmë kilogrami drogë, të cilën e kishin fshehur në makinën e tyre

Hetimet e SHÇBA për klandestinët kanë zbuluar shkeljet në radhët e vetë uniformat blu, për pasojë, si rezultat i një operacioni të kryer mbrëmjen e kësaj të mërkure, janë arrestuar 4 efektivë policie në Tiranë, si edhe 6 të tjerë të pezulluar në Korçë, mes tyre edhe shefi i Komisariatit, Krenar Gjokutaj e shefi i qarkullimit, Kelmend Pikuli.

Pas dy vitesh, Dorian Petoku iu dorëzua autoriteteve italiane nga pala shqiptare. Petoku është cilësuar nga mediat italiane, jo vetëm një trafikant droge, por mbret i trafikut evropian të drogës dhe është një nga figurat më të spikatura të mafies shqiptare, e cila ka "mbytur" Romën me kokainë, marijuanë dhe armë.

Një javë nga vdekja e misterioze e 4 turistëve rusë në Shqipëri jo vetëm që nuk është zbuluar shkaku, por hetimet kanë shkuar në pikën zero. Kjo për faktin se Instituti i Shëndetit Publik ka kthyer mbrapsht provat e prokurorisë e policisë pasi mostrat e ujit e klorit janë marrë jo në përputhje me ligjin.

Një ngjarje e pazakontë është regjistruar në Tiranë, ku një kompani është vjedhur nga vetë menaxheri dhe punonjësi i saj. Report Tv ka mësuar se dyshja në bashkëpunim me njëri-tjetrin kanë arritur që të vjedhin 3.5 mln lekë.

Drejtuesi i një grupi të strukturuar kriminal, i cili bënte të mundur që të dërgonte sasi të ndryshme me lëndë narkotike (kokainë dhe marihuana) në Norvegji, sasi këto që shiteshin nga përfaqësuesit e tij në këtë shtet është shpallur në kërkim ndërkombëtar