Kronikë

Në orën 3.15 minuta të natës është ulur në aeroportin e Rinasit avioni i parë me 121 emigrantë afganë te cilët u larguan nga atdheu i tyre i pushtuar nga forcat terroriste talebane. Report Tv sjell video  nga ambientet ku ata janë akomoduar , që për ta tashmë do shndërrohet në një shtëpi të dytë.

Në aksident në të cilin janë përfshirë 2 automjete është shënuar mëngjesin e kësaj të premte në aksin nacional Korçë-Pogradec.

Ditët e nxehta dhe të thata të verës përgjatë muajit gusht, me temperaturë mesatare prej 39 gradësh, në Kukës kanë shkaktuar jo vetëm zjarre por edhe një ulje të ndjeshme të nivelit të ujit.

Arrestohet Rexhina Çelhaka, 22-vjeçarja që i preu rrugën furgonit me pasagjerë në Qafë-Muzinë, duke shkaktuar kështu 5 viktima. Në dëshminë e dhënë nga dy vajzat italiane që ishin pasagjere në mjetin tip 'Land Rover' që drejtohej nga 22-vjeçarja, thuhet se furgoni e mori kthesën gjerë dhe Çelhaka ka frenuar në mënyrë që të shmangte përplasjen me furgonin, por mjeti i tyre ka rrëshqitur nga lagështira.

Ferdinant Llanaj, i njohur me pseudonimin "Robi", Dritan Begaj, dhe Ergi Cura kanë rënë në prangat e Policisë në Vlorë, pas një aksioni blic anti-kanabis të RENEA-s dhe Forcave Operacionale në zonën e Otimës në Selenicë. Nga operacioni u asgjësuan 600 rrënjë kanabis, si dhe u sekuestruan 4 automjete, 2 prej të cilëve të blinduar. Ferdinant Llanaj  është vëllai i Aleksandër Llanajt i dënuar me 35-vite burg nga Gjykata e Krimeve të Rënda për masakrën në Lagjen "Cole". Ai i shpëtoi një atentati në vitin 2017.

Një sasi tritoli ka shpërthyer në makinën e ish-kandidatit të pavarur për deputet në Bulqizë Elton Debreshi. Nga shpërthimi pati vetëm dëme materiale, ndërsa janë shoqëruar disa persona, që mund të kenë dijeni për rrethanat e ngjarjes. Debreshi është edhe kryetar i Sindikatës së Minatorëve të Bashkuar të Bulqizës. Ai u pushua nga puna si minator, ndërsa Gjykata i dha të dy ditë më parë të drejtën për të marrë rrogën e 15 muajve.

Temperaturat e ajrit ulen sërish në mëngjes por mbeten konstante në mesditë duke luhatur vlerat ekstremale ditore nga 10°C deri në 30°C.

Nga

Ergys Kavaja

Sokol Çelaj, ish polic i dënuar për vrasjen padashje të një kolegu në vitet ‘90, sot do të nisej përsëri për në Angli ku jetonte prej vitesh, por mbrëmë fatkeqësisht u vra me breshëri kallashnikovi vetëm 50 metra larg shtëpisë së tij në Reç. Ai kthehej nga një festë familjare bashkë me bashkëshorten që u shpëtoi plumbave dhe pa autorin, që policia ende s’e ka identifikuar.

Sportet ujore mblodhën në Pogradec dhjetëra të rinj të cilët provuan adrenalinën dhe shijuan bukuritë e liqenit. Pjesëmarrësit vlerësuan aktivitetin dhe e cilësuan si një eksperiencë të paharrueshme, që u jep mundësinë të largohen nga monotonia.

Rexhina Çelhaka, është 22-vjeçarja e cila drejtonte mjetin tip ‘Land Rover’ me të cilin i preu rrugën furgonit me pasagjerë që vinte nga Tirana e po shkonte drejt Sarandës. Ndërkohë është publikuar edhe një foto pak para aksidentit, ku kanë pozuar të tre vajzat e reja që ndodheshin në ‘Land Rover’