Kronikë

Gjykata Kushtetuese shprehet se po punohet me kapacitet të plotë për zgjidhjen e çështjeve që i ka në shqyrtim. Përmes një njoftimi për shtyp Gjykata ka dhënë disa statistika lidhur me çështjet që po trajton, duke theksuar se po punohet me ritmin e duhur ndaj çështjeve voluminoze.

Policia bën me dije se 56-vjeçari Selman Balla u arrestua në Linzë, ndërsa rezulton i dënuar nga Gjykata e Pistojës në Itali me 11 vite e 10 muaj e 25 ditë burgim, për veprat penale “Vrasje e mbetur në tentativë'', ''Grabitja'' dhe ''Armëmbajtja pa leje'.

Në policën e re të sigurimit reflektohen si informacion ndryshimet ligjore që kanë të bëjë me afatet e reja për trajtimin e kërkesave për dëmshpërblim, kryesisht për ato dëme me vlerë deri në 100 mijë lekë. Për këtë kategori dëmesh, ligji i ri përcakton afatin 14 ditor për trajtimin e dëmeve dhe jo 30 ditë siç është aktualisht.

E lindur në Kosovë, Valdeta Mehanja është pilote helikopteri në SHBA, ndërsa ka takuar sot gjatë stërvitjes në Fushën ajrore në Farkë piloten shqiptare,  Armela Murati.

Gjykata e Lezhës ka dhënë masën e sigurisë "arrest me burg" për 5 personat e arrestuar të akuzuar për përdhunimin e 15-vjeçares në Mirditë.

Gjykata e Shkodrës ka caktuar masën e sigurisë 'arrest me burg' për 15 vjeçarin Ergys Malja. Në dëshminë e dhënë para Oficerit të Policisë Gjyqësore dhe në dosjen e hetimore të Prokurorisë së Shkodrës mësohet se Ergys Malja ka akuzuar Ibrahim Licin si autorë të vrasjes së Mustafës. Sipas të miturit, ai ishte nisur me viktimën drejt Livadheve, por përpara i kishte dalë Lici duke qëlluar direkt mbi Mustafën dhe duke u larguar më pas me motor.

Në Shqipëri rezulton që ka një mospërputhje shumë të lartë midis ambicjeve, pritshmërive dhe kërkesave të studentëve dhe mundësive që u ofrohen për t’u rritur profesionalisht, për të nisur një sipërmarrje private, për t’u vetëpunësuar apo për të realizuar një projekt komunitar.

Gjykata e Tiranës ka pranuar kërkesën për gjykim të shkurtuar për Nevaldo Hajdarajn, i cili akuzohet për vrasjen e Klodian Rashës. Ndërkohë, vendimi përfundimtar për Hadarajn do të merret më 3 qershor.

67-vjeçari Dedë Doçi është arrestuar në Mirditë pasi ka tentuar të vrasë punonjësin e një kompanie që po ndërtonte rrugën duke e përplasur me makinë me dashje.

Policia bën me dije në një njoftim për mediat se ngjarja u regjistrua rreth orës 10:50, në lagjen “24 Maji”, Vlorë, në një lokal, ku 20-vjeçari me inicialet A.L u godit me thikë nga një person me inicialet A.V.

Trupat e SFAB (Security Force Assistance Brigades) dhe ato të Batalionit të Dytë të Këmbësorisë kryen një sërë demonstrimesh, në kuadër të stërvitjes së “Defender Europe 2021”, e cila u ndoq nga të pranishmit. Qitje me mortaja, snajper, veprimet e skuadrës në sulm, goditje objekti dhe rënia në pritë, ishin disa nga demonstrimet e efektivëve. 

Rezulton se 26-vjeçari nuk ka lidhje me ekzekutimin e Mustafës, ndërsa në procesverbalin e arrestimit të tij shkruhet se është arrestuar vetëm për 280 gramë kanabis që iu gjet në një magazinë dhe jo për vrasjen.

Gjykata e Posaçme Kundër Korrupsionit dhe Krimit të Organizuar ka vendosur 2 vite burg dhe 5 vite përjashtim nga postet publike për ish Prokurorin e Përgjithshëm, Adriatik Llalla. Ish-Kryeprokurorit i janë sekuestruar 4 sipërfaqe toke dhe një shtëpi në Durrës për llogari të shtetit.

Arratisë së bosit të kriptomonedhës turke, Faruk Fatih Özer duket se po i vjen fundi, kjo pasi Ministri i Brendshëm turk Süleyman Soylu, ka deklaruar sei policia ka bërë të mundur neutralizimin e zonës ku ndodhet biznesmeni. .

15 vite pas skandalit të zhvarrosjes së eshtrave të banorëve të Kosinës nga një prift ortodoks, ato janë rikthyer në këtë fshat të Përmetit, ku janë ndërtuar dy varreza murale. Asokohe zhvarrimet u kryen me pretendimin se u përkasin ushtareve greke.