Kronikë

'Ku ta dimë ne se çfarë ka injektuar Rama tek vetja dhe çfarë ka injektuar te disa mjekë? Kush ma vërteton këtë mua?". Ky është dyshimi që ka ngritur në një intervistë për Report Tv, ish-drejtori i Institutit të Shëndetit Publik, i cili aktualisht kandidon për deputet për Lëvizjen Socialiste për Integrim, Besnik Jakaj.

Qendra Spitalore Universitare “Nënë Tereza” Tiranë i ka shprehur mirënjohjen kryeinfermieres në Shërbimin e Reanimacionit Pediatrik, Kristina Marku, përmes një postimi në rrjetin social Facebook.

Nga

Arsen Rusta

Report Tv ka zbardhur të gjithë hyrje-daljet e biznesmenit Davide Pecorelli në Shqipëri. Mësohet se ai ka udhëtuar drejt Shqipërisë 5 herë, 4 herë në vitin 2020 dhe një herë në vitin 2021. Hyrje-daljet e tij i ka kryer të gjitha përmes aeroportit të Rinasit.

Nga dita e djeshme ka hyrë në fuqi marrëveshja për lëvizjen e qytetarëve nga Shqipëria drejt Serbisë dhe anasjelltas vetëm me karta identiteti. Këtë e bëri të ditur Ministria e Jashtme përmes një postimi në rrjete sociale.

Nga

Arsen Rusta

Nga cila armë doli predha që i mori jetën Aleksa Nikës, kush ishte këndi i qitjes, ripyetja e pjesëmarrësve në tubimin e 21 Janarit 2011, këqyrja e pamjeve filmike janë disa veprime hetimore që mund të rihapin këtë dosje. Report Tv zbardh ekskluzivisht kërkesën e policisë me 7 pika dorëzuar në prokurori. 

SHÇBA pas hetimeve në pikën doganore Goricë, u arrestuan 2 doganier dhe 2 policë për shpërdorim detyre që lejuan kalimin e mallrave ushqimore kontrabandë edhe pse e kishin parë atë, si dhe arrestimin e qytetarit që kaloi mallrat për akuzën ë kontrabandës.

Nga

Arsen Rusta

I vetmi proces gjykimi i hapur nga drejtësia shqiptare ende pa vendim për '21 janarin' është padia e gardës ndaj Agim Llupos dhe Ndrea Prendit, ish shefit të gardës.

Drejtori i shkollës "Albanian Qatar Collage", Borsjan Spaho dhe Inxhinieri Eljon Dedja janë nën hetime në gjendje të lirë për veprat penale "shpërdorim detyre" dhe "shkelje e rregullave për lëndët djegëse plasëse dhe radioaktive". Ata u proceduan pas rrjedhjes së gazit në shkollën jopublike "Albanian Qatar Collage", në "Don Bosko" në kryeqytet, ku u helmuan gjashtë nxënëse.

I shpallur në kërkim ndërkombëtar, Rexhep Ipek është arrestuar nga policia dhe është ekstraduar nga Bullgaria drejt Tiranës. 49-vjeçari ishte shpallur në kërkim si pjesë e një grupi kriminal i goditur në vitin 2019 për trafikimin e kokainës.

Gjykata e Vlorës ka lënë në burg, Emiljano Likën, skafistin e arrestuar për trafikimin e 55 klandestinëve drejt Italisë të kapur në 8 janar. Ky i fundit u arrestua më 20 janar si drejtuesi i gomones që po transportonte klandestinë. Skafi që drejtonte Likaj u fundos në grykëderdhje të Vjosës, duke rrezikuar që të mbyteshin sirianët.

Deri më tani në vendin tonë 549 personel shëndetësor kanë marrë dozën e parë të vaksinës anti COVID. Është vetë Ministrja e Shëndetësisë që e bën me dije një gjë të tillë.

Një mesazh i dërguar nga WhatsApp për mikun e tij zbulon një tjetër detaj nga ngjarja e rëndë e zhdukjes së sipërmarrësit italian në Shqipëri, Davide Pecorelli.

Gjykata e Tiranës ka sekuestruar pasurinë me vlerë prej 5 mln eurosh të dy vëllezërve Sokol dhe Elson Markut të cilët po hetohen për trafik droge, pastrim parash, dhënie e parave me fajde dhe tregti makinash. 

Ardian Çekini, pjesë e grupit mafioz italian 'Ndrangheta', është ekstraduar dje nga Shqipëria për në Itali. Ardian Çekini ka qenë u kërkuar që prej vitit 2019 nga Italia dhe është arrestuar majin e kaluar në qytetin e Elbasanit.  Ai pati blerë 20 kg kokainë në Spanjë për "Ndrangheta". Ardian Çekini, i dyti pjesëtar i 'Ndrangheta-s' i ekstraduar, krahu i djathtë i Bujar Sejdinajt 'Xhaxhai'.

Detaje të reja dalin në ‘dritë’ nga vëllezërit Sokol dhe Elson Markut të cilëve u është kërkuar sekuestrimi i pasurisë nga Prokuroria e Tiranës. Hetimet kanë zbuluar se nga viti 2008 deri në vitin 2015, ata kanë përfituar transferta në vlera monetare të larta nga disa vende të ndryshme të BE, si Italia, Belgjika, Spanja, Suedia, Zvicra, Greqia dhe Franca.

Premtimi i dhënë nga Presidenti turk, Rexhep Taip Erdogan për ndërtimin e Spitalit të ri të Fierit përpara 25 prillit, si dhe për mbështetjen qe ka treguar ndaj Shqipërisë pas tërmetit shkatërrues të një viti më parë, ka bërë mjeshtrin e polifonisë, Guri Rrokaj dhe fierakët ti kushtojnë një këngë atij.

Valbona mund të ishte pika më e bukur për turizmin malor, por mungesa e energjisë, ujit dhe problemet e tjera të infrastrukturës, kanë bërë që ajo të mbetet e braktisur edhe pse e veshur me petkun e bardhë, ngjan më e bukur se asnjëherë.

Një 48-vjeçar shqiptar u arrestua pasi u kap në Itali me 22.5 kg kokainë në makinën e tij. Shqiptari Marin Dajani u ndalua nga policia për kontroll teksa udhëtonte me mjetin e tij tip SUV Discovery Land Rover në zonën e Cuneo.

Kolegji i Posaçëm i Apelimit ka vendosur ndërprerjen e procesit të vetingut për Piro Samarën. Samara ka qenë me detyrë inspektor pranë ish-Këshillit të Lartë të Drejtësisë, ndërsa ndërprerja e procesit të vetingut për të do të thotë largim nga drejtësia për 15 vite.