Kronikë

Gjatë gjashtë ditëve të para të vaksinimit, në vendin tonë janë vaksinuar 369 mjekë, infermierë e personel shëndetësor. Koordinatorja e vaksinimit, Manjola Shtylla për Report Tv shprehet se ky proces do vijojë pa ndërprerje dhe gjatë fundjavës. Ajo tha se në stadiumin 'Air Albania' janë 8 postacione ku kryhen mbi 50 vaksina në ditë.

Indrit Taullai lihet në "Arrest me burg" nga Gjykata e Posaçme Kundër Korrupsionit dhe Krimit të Organizuar. 46-vjeçari u ekstradua nga Kosova mbrëmjen e së enjtes në vendin tonë, pasi u shpall në kërkim nga GJKKO për akuzën e vrasjes me paramendimin e grup të strukturuar kriminal. 

Gjykata Penale e Tiranës ka caktuar masën e sigurisë "arrest në shtëpi" për 51-vjeçarin Andi Alimehmeti, i cili u arrestua dy ditë më parë për mashtrimin me 270 mijë euro një zonje me iniciale S.B. duke i premtuar se do e bënte ortake të agjencisë turistike që kishte në pronësi.

Dy persona u arrestuan në Peshkopi pasi për motive të dobëta u konfliktuan me 2 persona të tjerë, efektivë policie të cilët ishin jashtë orarit të shërbimit. Vëllezërit Robert Tota 22 vjeç dhe Klodjan Tota u kanë shkaktuar dëme të lehta trupore. Nuk dihen ende shkaqet e këtij konflikti.

Gjermania i dhuron Shqipërisë 1000 pajisje oksimetra të pulsit në kuadër të 'luftës' kundër koronavirusit. Sjellja e këtyre pajisjeve u realizua nga zyra e OBSH-së në vendin tonë. Oksimetrat i’u dorëzuan autoriteteve shqiptare në një ceremoni të organizuar të premten me praninë e ministres Ogerta Manastirliu, ambasadorit gjerman në Shqipëri Peter Zingraf,  dhe Dr. Bettina Menne, Përfaqësuese e OBSh-së në vendin tonë.

Dëmtimi i rrugës që lidh 3 fshatra në Mirditë nga punimet që janë bërë për ndërtimin e ujësjellësit ka ngritur në protestë banorët e zonës duke bllokuar për disa minuta Rrugën e Kombit.

Një 25-vjeçar me iniciale B.Z. u arrestua nga policia pasi në muajin mars 2020 tentoi të transportonte 613 kg kanabis me gomone drejt Italisë. 25-vjeçari banues në Kurbin, ishte shpallur në kërkim ndërkohë që gjykata kishte vendosur masën arrest me burg në mungesë.

Një 53-vjçar u arrestua nga policia pasi u kap duke transportuar 14 kg kanabis me makinë. Ai udhëtonte me makinë nga Peshkopia drejt Tiranës. Policia ndaloi 53-vjeçarin me iniciale J.L. banues në Peshkopi, në vendin e quajtur 'Ura e Institutit'.

Duke filluar nga 26 janari, nëse udhëtoni me avion drejt SHBA-së duhet të ketë një test negativ për COVID-19 me vete.

Dëbora ka vijuara të bjerë me intensitet të lartë edhe gjatë natës në qarkun e Korçës duke bërë që në disa zona trashësia të arrijë në 20 cm. Edhe në Kukës dëbora ka qenë prezente gjatë natës. Disa fshatra në Korçë dhe Kukës janë pa energji elektrike.

4 shqiptarë janë arrestuar në Londër nën akuzën e veprimit si grup i strukturuar kriminal ku merreshin me trafikim kokainë, pastrim parashë dhe falsifikonin dokumente Sekuestrohen 340 mijë paund cash dhe një sasi kokaine me vlerë 400 mijë paund.

Një e mitur ka denoncuar në policinë e Ksamilit njerkun e saj se e ka përdhunuar atë prej dy vitesh. Ngjarja ka nisur që kur vajza ishte 9 vjeçe, ndërsa abuzimi i fundit sipas vajzës nga njerku ka ndodhur më 4 janar 2021, ku dhe 12-vjeçarja mori guximin për të denoncuar rastin.

Mesdita dhe pasditja sjellin kalime vranësirash nëpër territor ku më të dukshme vranësirat do jenë në skajin juglindor duke rrezikuar reshje dëbore.

100 ditë përpara zgjedhjeve të 25 prillit rreth 1 milion qytetarëve u skadon afati i përdorimit të kartave të identitetit. Kështu tha Bledar Doracaj, Drejor i Përgjithshëm i gjendjes civile në emisionin "Pa Protokoll" në Report Tv. Teksa u ka bërë apel qytetarëve që të shkojnë dhe të aplikojnë për rinovim të kartës, Doracaj tha se po punohet dhe ditën e shtunë në mënyrë që qytetarëve të mos iu mohohet e drejta për të votuar

Të tjera dëshmi vijnë nga familjarë të pacientëve që kanë humbur jetën për shkak të koronavirusit në spitalin “Shefqet Ndroqi”. Mbaresa Crroj tregoi këtë të premte në emisionin “Stop” se ka harxhuar 4 mijë Euro për të shëruar babain, por ky i fundit fatkeqësisht ndërroi jetë.

Policia e Vlorës ka nisur kontrollet në të gjithë qarkun për kapjen e personave të shpallur në kërkim dhe për armëmbajtje pa leje.

Ulja e temperaturave ka bërë që edhe në Parkun Kombëtar të Llogarasë të mbulohet nga dëbora duke krijuar një tapet të bardhë.

Gazetari i Report Tv Arsen Rusta siguron videon para aksidentit tragjik në afërsi të një karburanti në Rreshen, ku mjeti tip "Citroen" me targa 01-351-MH me të cilin udhëtonte familja Avdiaj nga Prishtina ka parakaluar një tjetër makinë, dhe më pas është përplasur me mjetin kamion tip (MAN) me targa 04-406-HB me drejtus Isa Ishala, nga Rahoveci i Kosovës.