Kronikë

Në ditën e pestë, protesta për Klodjanin është zbehur! Në ndryshim nga 4 ditët e kaluara, këtë të diel ka pasur një prezencë më të ulët të pjesëmarrësve, edhe pse nuk kanë munguar aktet dhunës, ku janë hedhur gurë e sende të forta në drejtim të policisë, por nuk kanë shpëtuar as semaforët, sinjalistika rrugore e stacionet e autobusëve. Edhe mbrëmjen e sotme përpara kryeministrisë janë mbledhur disa protestues ku siç duket nga pamjet, organizatorë duket se janë ish deputetja e LSI-së Floida Kërpaçi dhe ish deputeti tjetër i LSI-së Përparim Spahiu. 

Të shtëna me armë zjarri janë raportuar pasditen e kësaj të diele në qytetin e Vlorës, ku ka mbetur i plagosur një person. Ngjarja ka ndodhur rreth orës 17:20 në rrugën transballkanike, në afërsi të Gjykatës së Apelit. I plagosuri i identifikuar si Klodjan Memokondaj 46 vjeç, banues në Vlorë i cili ka marrë një plumb në qafë dhe ndodhet jashtë rrezikut për jetën.

Dhuna e shfaqur nga protestuesit ndaj pronës publike dhe institucioneve nuk ka kursyer as bizneset private. Në zonën e 5 majit në Tiranë, hedhja e molotovëve ka shkrumbuar bizneset, ndërsa pronarët shprehen të shqetësuar për dëme të mëdha deri në 100 mln lekë.

Në 24 orët e fundit janë shënuar në vendin tonë 788 raste të reja pozitive me COVID-19 dhe 14 viktima. Gjithashtu  sot humbi jetën edhe mjeku anestezist Mihal Kërçi. Tirana e Shkodra janë qytete me numrin më të lartë të të infektuarve, ndërsa numri i viktimave që nga fillimi i pandemisë ka shkuar në 1003 humbje jete.

Thirrjes për të zhvilluar një protestë të pestë në emër të drejtësisë së Klodjanin i janë përgjigjur vetëm 4 persona në qytetin e Vlorës. Ato kanë dalë pasditen e sotme para Policisë së Vlorës me parulla dhe flamurin kuqezi.

Pak para nisjes së protestës së pestë në emër të Klodjan Rashës, Policia ka ngritur postblloqe në dalje të Fushë- Krujës.

Tifozët e skuadrës së Tiranës, të ashtuquajtur “Capital Creë” i kanë dërguar një letër të hapur babait të Klodjan Rashës, ku i kërkojnë të mos ndërhyjë që të dnalet protesta pasi kjo kauzë është tashmë e gjithë shqiptarëve.

Një 32-vjeçar, i shpallur në kërkim si bashkëpunëtor i tentativës për të trafikuar 2.6 ton kanabis drejt Malit të Zi, është arrestuar nga policia. Policia ka vendosur në pranga 32-vjeçarin me iniciale E.P., banues në lagjen Yrshek, Katund i Ri në Tiranë i cili dyshohet se ka ndihmuar Ervis Çallikun për kalimin e ngarkesës së kanabisit në Malin e Zi e me destinacion vendet e BE-së.

Aktorja shqiptare Zhaklina Dhimojani Blättler, e njohur për roline  saj te "Mimoza Llastica"  ka dhuruar shtretër dhe orendi të tjera spitalore, autoambulancë, gjashtë furgona, dy zjarrfikëse dhe pajisje informatike për Ministrinë e Shëndetësisë dhe Ministrinë e Mbrojtjes.

Një 37 vjeçar është arrestuar në Tiranë për shpërndarjen e përmbajtjeve pornografike me të mitur në rrjete sociale.  Sipas njoftimit të Policisë, autori i identifikuar si I.K., banues në Tiranë është hetuar nga Njësia C-Hetimi i Krimeve Kibernetike për 2 vite në lidhje me këtë aktivitet.